Pontalgu

Pontalgu
	impuestu

El derechu de pontalgu foi un tributu colos sos oríxenes na Edá Media en toda Europa y pol que les persones que cruciaben una ponte habíen pagar una cantidá según del so llugar residencia, el so númberu y les mercaderíes qu'acarriaren nel pasu, no que güey conozse como arancel o pealgu,

Mientres el feudalismu constituyó un instrumentu de financiación de los nobles nes tierres de la so propiedá y que los vasallos debíen pagar. Aquellos que residíen nel señoríu, o taben disimíos o pagaben menores cantidades, sin embargu los que veníen d'otres tierres debíen pagar mayores cantidades. Col progresivu desaniciu del réxime feudal, el pontalgu redúxose al pagu del tributu nes pontes de les grande víes de comunicación ente poladures, dexando fuera del so ámbito a les pontes allugadas endientro de les ciudades. Por estensión, llueu de los sieglos XV y XVI denomóse asina a toda desención que se cobraba a los ciudadanos que nun yeren de la villa y cruciaben el ríu, inda que nun fuere peles pontes, de tala miente que mudó nun tributu p'acceder a los mercaos públicos.

Cola colonización europea d'América treslladóse l'impuestu a les nueves sociedades d'ultramar, mesmo n’aquelles dependientes d'España y Portugal, que d'Inglaterra. La figura mantúvose sin munchos cambéos hasta la llegada de la ilustración. Las nueves idées d'abrimientu económicu y espoxigue del comerciu nun casaben col gravame impuestu a les mercaderíes. Mientres el sieglu XVIII prodúxose una notable decadencia y munchos pasos quedaren francos. Nun obstante será nel sieglu XIX cuando entre en cris dafechu col lliberalismu emerxente al dificultar el desendolcu económicu y encarecer los productos y les esportaciones. N’España foi derogáu por Real Orde del 31 d'avientu de 1881.

L’usu del términu llueu del sieglu XX manténse nes llexislaciones de desemeyaos estaos d'América del Sur, referíu a lo que n’otros llugares conozse como pealgu o contribuciones especiales, y grava el tráficu rodao ente desemeyaos puntos d'una mesma ciudá cuando se crucia daqué ponte. Asina, la Constitución peruana de 1979 establez nel so artículu 277 que son bienes de les entidaes llocales, ente dellos, «la contribución por pealgu, pontalgu y meyores de las obres que executen».

Bibliografía

Historia de la propiedad en España: bienes comunales, pasado y presente. II Encuentro interdisciplinar, Salamanca, mayo-junio de 2000. Editado en 2002, ISBN 84-95240-54-8
Salamanca: Revista de estudios. ISSN 0212-7105 Nº. 37, 1996.
Cuadernos de Historia del Derecho. Desde 1994 a 2005. Universidá Complutense de Madrid.

Referencies

Enllaces esternos

Wikimedia Commons tien conteníu multimedia tocante a Pontalgu.