Proyeición (artes marciales)
Proyeición ye un términu emplegáu nes artes marciales pa una téunica d'agarre qu'implica desequilibrar o llevantar a un adversariu, valtándolu de secute, que nes artes marciales xaponeses recibe la denomación de nage-waza (投げ技, "téunica de proyeición"). Davezu les proyeiciones impliquen un movimientu de xiru onde’l que fai la proyeición pierde darréu’l contautu col otru y, en cayendo esti, sigue equilibráu y sofitáu nos propios pies, anque a veces a una proyeición pue siguir una téunica d'agarre en suelu, forciada o elixida, onde la persona que fai la proyeición nun pierde’l contautu col adversariu, sinón que tenta de controlalu y inmovilizalu. Tamién hai téuniques de proyeición que reciben el nome de proyeiciones en sacrificiu (捨身技 sutemi waza: "téunica de sacrificiu"), qu'impliquen ponese nuna posición potencialmente de desventaya, echándose al suelu por casu, pa al tiempu executar una proyeición aprovechando’l desequilibriu.
Aikido editar
La mayor parte de les téuniques de defensa del aikido terminen en proyeición, esto ye, tienen la finalidá d'alloñar al contrariu ensin por ello provoca-y daños importantes[1]. Exemplos:
- (Hitoe) irimi nage, proyeición llevantando’l brazu del contrariu.
- Shiho nage, proyeición llevando la mano del contrariu al so costazu.
- (Gyaku) kotegaeshi, torción del cúbitu del brazu del contrariu.
- Tenshi nage, proyeición con desequilibriu llevantando los brazos a distintos planos.
- Kaiten nage, l'aikidoca lleva una de les manes al pescuezu y al llombu del adversariu.
Kárate editar
Les aplicaciones práutiques (bunkai) de los kates de Kárate son munches y enforma variaes, hasta’l puntu de que de dalgunes d'elles lleguen a estrayese mui bien de proyeiciones propies del kárate[2], como por exemplu nos kates Heian shodan y Tekki shodan del estilu Shotokan. Esti ye un aspeutu más común nes escueles tradicionales.
El maestru Gichin Funakoshi, arriendes de les téuniques de barríu (ashi barai), rellacionó les siguientes:
- Byobudaoshi (屏風倒し)
- Koma nage (独楽投げ)
- Kubiwa nage (首輪投げ)
- Katawa guruma (片輪車)
- Tsubame gaeshi (燕返し)
- Yaridama (槍玉)
- Tani otoshi (谷落)
- Ude-wa-morote gari (腕輪諸手刈)
- Sakatsuchi (坂槌)
Yudu editar
Nel currículum del yudu, los nage waza dixébrense en dos categoríes: les téuniques de pie y les de sacrificiu[3].
Tachi waza editar
Esti primer conxuntu ye’l de les proyeiciones aplicaes tando de pie. Los tachi waza (立ち技) subdivídanse en:
- Te waza (手技), téuniques de mano.
- Koshi waza (腰技), téuniques de cadril.
- Ashi waza (足技), téuniques de pierna.
Sutemi waza editar
El grupu de los sutemi waza (捨身技) son les téuniques de proyeición con sacrificiu, esto ye, cuando’l lluchador cede al so equilibriu y sofitu col envís de valtar al contrariu. Subdivídese en:
- Ma waza sutemi (真技捨身), o supín.
- Yoko waza sutemi (橫技捨身), o llateral.
Referencies editar
- ↑ http://web.sercomtel.com.br/aikido/aikido/aikido.html
- ↑ http://archive.today/20120714170928/totalkarate.blogspot.com/2007/02/karate-nage-waza-karate-throwing.html Total Karate: Karate Nage Waza - Karate Throwing Techniques
- ↑ http://www.judokenshin-osasco.com.br/?page_id=58