Pueblonuevo de Miramontes

Pueblonuevo de Miramontes
Alministración
País	España
Autonomía	Estremadura
Provincia	provincia de Cáceres
Tipu d'entidá	conceyu d'España
Nome oficial	Pueblonuevo de Miramontes (es)
Códigu postal	10318
Xeografía
Coordenaes	40°03′38″N 5°22′44″W / 40.060472°N 5.378956°O
	Pueblonuevo de Miramontes Pueblonuevo de Miramontes (España)
Altitú	282 m
Llenda con	Talayuela, Villanueva de la Vera y Oropesa
Demografía
Población	782 hab. (2023); - 402 homes (2019); - 389 muyeres (2019)
Porcentaxe	0.2% de provincia de Cáceres
Más información
Fundación	2013
	pueblonuevodemiramontes.es

Pueblonuevo de Miramontes ye una llocalidá, antigua entidá llocal menor, y un conceyu^[3] español asitiáu nel nordeste de la provincia de Cáceres, comunidá autónoma d'Estremadura. El conceyu creóse'l 3 d'avientu de 2013 al segregase l'antigua entidá llocal menor del términu de Talayuela. Anque por un defectu de forma nun foi hasta payares de 2014 que se fixo efectiva.^[4] A los habitantes del conceyu se los denonima miramonteños.

Llendes del términu municipal

Pueblonuevo de Miramontes parte con:

Villanueva de la Vera al norte;
Oropesa al este;
Talayuela al suroeste.

Demografía

Nel añu 1981 cuntaba con 753 habitantes, pasando a 839 en 2014, de los cualos 788 tán concentraos nel nucleu poblacional.^[5]

Historia

Pueblonuevo de Miramontes foi fundáu aproximao en 1957 como pueblu de colonización. Allugáu xunto a la sierra de Gredos, ente Cáceres, Ávila y Toledo, esti pequeñu pueblu n'espansión foi creáu por causa de la concentración parcelaria pola cual dieron llugar les lleis de 1956-1957 onde s'incluyíen los planes de regadío al efeuto. Polo tanto túvose que treslladar lo que yera una aldega hasta onde s'atopa anguaño'l pueblu.

Una vegada construyíes les cases del pueblu fueron adquiríes a un bien llargu plazu y casi ensin intereses dependiendo del oficiu o oficiu al que se dedicaren los sos habitantes. Esti pueblu de calter agrariu que'l so cultivu predominante pasó dende l'algodón, pasando pol pimentón (comúnmente llamáu boles) hasta anguaño'l tabacu. El tirón de la industria supunxo la emigración de los mozos a les grandes ciudaes pol efeutu llamada d'una vida meyor, con un sueldu meyor, y una mayor calidá de vida, cosa que l'agricultura naquellos difíciles momentos nun garantizaba n'absolutu.

Aun así los emigrantes nun arrenunciaron a los sos oríxenes caltuvieron les sos propiedaes na mayoría de los casos y volvíen al pueblu a pasar les sos vacaciones branices. Na actualidá'l pueblu vive de l'agricultura fundamentalmente y les remeses proporcionaes por aquellos qu'emigraron.

Patrimoniu

Ilesia parroquial católica so la advocación de San Pedro de Alcántara, na archidiócesis de Mérida-Badayoz, diócesis de Plasencia, arciprestalgu de Navalmoral de la Mata.^[6]

Fiestes

San Isidro, el 15 de mayu, día festivu pa los miramonteños nel cual celebren les comuniones. El día 19 celébrase'l día del Home trabayador, nel cual celébrase una matanza popular que realicen los homes del pueblu. Ye la segunda fiesta más importante del pueblu, hai migues y limonda pa tolos asistentes. Pa comer una gran caldereta preparada pol pernomáu cheff del pueblu José Reviriego y los sos ayudantes.
Fiestes de Branu, fiestes ensin connotación relixosa que se celebren el tercer fin de selmana de xunetu dende hai unos pocos años.
Fiestes d'Ochobre, celébrense'l 19 d'ochobre conmemorando al patrón del pueblu, San Pedro de Alcántara. Son les fiestes más importantes del pueblu.