Qasigiannguit
Qasigiannguit[1] (pronunciáu [qaˌsiɣiˈaŋːuitˢʰ]), d'antiguo en danés Christianshåb[2], ye un pueblu allugáu nel oeste de Groenlandia, na costa sureste de la badea de Disko nel conceyu de Qeqertalik. Ocupa una superficie de 3000 km² y una población de 1081 habitantes (1 xineru 2020)[3][4]. La industria principal ye la pesca del camarón y l'Hippoglossus hippoglossus.
 Qasigiannguit | |
|---|---|
 | |
| Alministración | |
| País |  Reinu de Dinamarca |
| País autónomu |  Groenlandia |
| Conceyu | Qeqertalik |
| Tipu d'entidá | ciudá |
| Nome oficial | Qasigiannguit (kl) |
| Nome llocal | Qasigiannguit (kl) |
| Códigu postal |
3951 |
| Xeografía | |
| Coordenaes | 68°49′12″N 51°11′36″W / 68.8201°N 51.1932°O |
  Qasigiannguit Qasigiannguit (Groenlandia) | |
| Superficie | 2.77 km² |
| Demografía | |
| Población | 1081 hab. (1r xineru 2020) |
| Porcentaxe | 100% de Qeqertalik |
| Densidá | 390,25 hab/km² |
| Más información | |
| Fundación | 1734 |
| Llocalidaes hermaniaes | Vejle y Skive |
 | |
Historia
editarL'asentamientu foi fundáu como un puestu comercial pa la compañía de Jacob Severin en 1734[5] col nome Christianshaab n'honor al rei Christian VI de Dinamarca.[6] El nome yera dacuando escritu n'inglés Christian's Hope.[7] Severin llogró'l monopoliu del comerciu de Groenlandia de parte del rei en 1749, los daneses establecieron a partir de 1739 un violentu monopoliu comercial escontra dellos holandeses interesaos en comerciar con Groenlandia desde Qasigiannguit.
El misioneru Poul Egede vivió en Christianhåb ente 1736 y 1740. La so antigua casa ye l'edificiu de maera más antiguu que se caltién de Groenlandia. Terminó de construyise'l 25 de xunetu de 1734[8] pero reasitiáronlo al llugar qu'ocupa güei en 1806 por mor del fuerte vientu nel so allugamientu orixinal nel otru llau de la badea. Aínda esisten les ruines del antiguu asentamientu. En 1997 inauguróse un muséu na casa d'Egede. Nel branu de 1999, un descubrimientu arqueolóxicu apurrió al muséu una colección d'afayos de distintes cultures prehistóriques.[9]
Economía
editarLa industria principal del área ye la pesca de camarón y halibut. Hai una fábrica procesadora y empacadora de cangrexu que se creó 1959. Consigo, la población medró de 300 a 1.400. Xunto a un hospital y una escuela vocacional, s'atopa'l seminariu de pedagoxía de la Universidá de Nuuk en Qasigiannguit.
Demografía
editarCon 1081 habitantes (1 xineru 2020)[3][10] ye la segunda llocalidá más grande del conceyu de Qeqertalik. La ciudá ta perdiendo población constantemente, amenorgó más del 27% en relación colos niveles de 1990 y en casi un 17% en relación colos niveles de 2000.[11]
![Evolución de la población de Qasigiannguit ente 1991 y 2010. (Fonte: Departamentu d'Estadístiques de Groenlandia)[11]](/wiki/Ficheru:Qasigiannguit-population-dynamics.png)
Tresporte
editarPel iviernu, Air Greenland opera servicios aéreos dende l'helipuertu de la ciudá a Ilulissat, Qeqertarsuaq na islla Disko y Aasiaat.[12] Tamién hai comunicaciones per barcu pel branu y la seronda, cuando les agües de la badea de Disko son navegables.[13] La empresa Diskoline coneuta Qasigiannguit con Ilulissat, Aasiaat, Ikamiut, Akunnaaq y Qeqertarsuaq.
Referencies
editar- ↑ Na ortografía anterior a 1973 yera Kasigianguit. Tamién dacuando escritu como Qasigianguit.
- ↑ Na ortografía anterior a 1948 yera Christianshaab.
- ↑ 3,0 3,1 «Statbank Greenland». Consultáu'l 12 febreru 2020.
- ↑ censu de población
- ↑ Marquardt, Ole. "Change and Continuity in Denmark's Greenland Policy" in The Oldenburg Monarchy: An Underestimated Empire?. Verlag Ludwig (Kiel), 2006.
- ↑ Del, Anden. "Grønland som del af den bibelske fortælling – en 1700-tals studie Archiváu xunetu 15, 2012, en Wayback Machine" ["Greenland as Part of the Biblical Narrative – a Study of the 18th-Century"]. (danés)
- ↑ i.a., Lieber, Francis & al. Encyclopædia Americana: A Popular Dictionary of Arts, Sciences, Literature, History, Politics and Biography. "Greenland". B.B. Mussey & Co., 1854.
- ↑ O'Carroll, Etain (2005). Greenland and the Arctic, páx. 181. ISBN 1-74059-095-3.
- ↑ Museum Archiváu setiembre 22, 2010, en Wayback Machine.
- ↑ censu de población
- ↑ 11,0 11,1 «Population by Localities». Departamentu d'Estadístiques de Groenlandia. Archiváu dende l'orixinal, el 2020-07-19.
- ↑ «Booking system». Air Greenland. Archiváu dende l'orixinal, el 22 d'abril de 2010. Consultáu'l 8 de xunetu de 2010.
- ↑ Horariu de Diskoline Archiváu 2009-05-22 en Wayback Machine
Enllaces esternos
editar- Sitiu web oficial de Qasigiannguit Archiváu 2007-10-24 en Wayback Machine
- Qasigiannguit en www.greenland.com Archiváu 2006-12-08 en Wayback Machine
- Semeyes históriques de Qasigiannguit
Datos: Q950991
Multimedia: Qasigiannguit
