Quadrivium
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El quadrivium yera, na Edá Media, el conxuntu de les cuatro artes lliberales: aritmética, música, xeometría y astronomía que, xunto col trivium, yera la base del estudiu de la filosofía y la teoloxía nos centros d'enseñanza medievales. Provién de la secta de los pitagóricos que daben una gran importancia a la educación.
El quadrivium proporcionaba al estudiante que yá superara'l deprendimientu básicu un mayor conocimientu y una más fonda sabiduría pa introducilu nes ciencies superiores.
Ye especialmente esta rama del conocimientu la que recibió más impulsu colos múltiples contautos de los monasterios catalanes col Islam: un claru exemplu encuéntrase nos adelantaos estudios matemáticos que Gerbert de Orlhac tien lleváo a cabu col obispu Ató de Vic durante la so estancia en Cataluña.
A través del Islam conociéronse los trabayos de Maslama sobre l'astrolabiu, l'establecimientu de les meses astronómiques, l'usu de les cifres árabes y del cero y ampliáronse los conocimientos sobre l'álxebra nel mundu cristianu.
Los conocimientos nuevos facilitaron y meyoraron l'estudiu de la xeometría, de l'aritmética y de l'astronomía nos estremaos centros d'enseñanza.
Considerábase que l'Aritmética yera l'estudiu del númberu n'estáu puru, que la Xeometría yera l'estudiu del espaciu n'estáu puru, que la Música yera l'estudiu del númberu en movimientu y que l'Astronomía yera l'estudiu del espaciu en movimientu.
Bibliografía
editar- (en catalán) Sadurní i Puigbò, Núria: Diccionari de l'any 1000 a Catalunya. Edicions 62, Col·lecció El Cangur / Diccionaris, núm. 280. Barcelona, outubre del 1999. ISBN 84-297-4607-2, plana 106.
Referencies
editarEnllaces esternos
editar
Datos: Q273822
