Quesu de Piedra

El quesu de Piedra ye un quesu que se fai n'Asturies

Ellaboración

La lleche bien seya de vaca o de cabra recuéyese acabante catar, déxase cuayar y cuando tiénse'l cuayu córtase y métese nuna malla de tela pa esbirar. Una vegada completáu esti procesu déxase madurar demientres un mes.

Carauterístiques

Ye un quesu semiduru, cilídricu, de pequeñu tamañu y un pesu alredor del mediu kilu. L'interior o pasta ye de color crema nel fechu con lleche de cabra y blancu nel fechu con lleche de vaca. La corteya ye blanca pudiéndose escurecer.

Zona d'ellaboración

El quesu ellabórase na aldea de Piedra, a la vera'l Los Carriles y a Posada, nel conceyu asturianu de Llanes.

Ver tamién

Quesos d'Asturies

Referencies

Enllaces esternos

Wikimedia Commons tien conteníu multimedia tocante a Quesu de Piedra.