Quesu de Porrúa
El quesu de Porrúa ye un tipu de quesu blandio que s'ellabora nel oriente d'Asturies[1].
| Porrúa | |
|---|---|
 | |
| Zona d'orixe | Asturies |
| Rexón | Oriental |
| Ciudá | Porrúa |
| Pasteurizao | Sí |
| Materia graso | Mínimu: 45% |
| Conteníu proteínicu | Mínimu: 35% |
| Tamañu |
Alzada: 2-3 cm Diámetru de la base: 9-10 cm |
| Pesu | 0,3 kg |
| Avieyamientu | 6-20 díes |
 | |
Zona de producción editar
Ellabórase nel llugar y parroquia de Porrúa, nel conceyu de Llanes, allugáu nel postreru oriental d'Asturies. Ye un territoriu de clima oceánicu, con temperatures fresques y precipitaciones abondoses que favorecen la presencia de paciones.
Ellaboración editar
Produzse normalmente con lleche d'oveya (abril-agostu), anque si la época del añu lo impide emplégase lleche de vaca. La so ellaboración parte de lleche pasteurizao, amiéstase-y formientu y cuando llega a 35ºC añádese'l cuayu industrial y en media hora tenemos la cuayada. Cúrtiase al tamañu de garbanzos y se-y quita'l sueru. Pásase a moldos de plásticu pa tener el quesu fresco, qu'hai que consumir de secute dao a que tien una vida d'unos 3-5 díes, a los demás trozos se-y quita'l sueru y se coloca en moldos de plásticu con furacos dexándolos ellí unes 12 hores pa quitar el sueru que pueda quedar y se vayan prensando, pasáu'l tiempu dáse-yos la vuelta y se dexen otres 12 hores. Llueu pasen a la salmoria otres 12 hores y yá pasen a maduración a 25ºC valtiándolos tolos díes per 3 selmanes. Realízase en caseríes pequeñes, con participación familiar y calteniendo les tradiciones propies.
Carauterístiques editar
Ye un quesu duna color mariella, de consistencia firme con dalgunos furacos, la corteya ye escura pudiendo apaecer dalgo de mofu. El so conteníu grasu ye mediu (45%) y la so forma ye cilíndrica y de poco pesu (unos 300gr).
El sabor de lo curao ye fuerte y el de lo fresco ye sele y cremosu.
Pal so consumu encamiéntase curtiar el quesu en dos metaes y llueu en triángulos pequeños. El quesu fresco ye ideal p'almuerzos, con aonchoes, ensalaes, postres, etc, ya que nun contién sal. El quesu curao ye pa comelo como aperitivu o en tables de quesu, P'acompañar con bébores, nel casu de los Porrúa de cabra son comenientes los vinos tintos seles y pa los frescos o de vaca encamiéntase sidra y vinos blancos o rosaos.
Variedaes editar
Esiste una variedá de los quesos de Porrúa denomada Quesos de Truenu[2], por tar ellaboraos en momentos de truena con descargues llétriques. Esti fenómenu atmosféricu perxudica al lleche cuando ta cuayando y polo tanto altera'l procesu. Les pieces resultantes tienen un tastu amargu a humedá y inclusive a tierra, polo que nun se suel comercializar.
Ver tamién editar
Referencies editar
Datos: Q9065225
