El ríu Iténez (o Itenes o Guaporé) ye un llargu ríu amazónicu, afluente del Mamoré, que forma mientres 970 km la frontera ente Brasil y Bolivia. Nel llau brasilanu ye conocíu como Guaporé y nel bolivianu, Iténez.

Ríu Iténez
Rio Guaporé (pt)
Situación
Tipu ríu
Coordenaes 14°35′58″S 58°57′11″W / 14.5994°S 58.9531°O / -14.5994; -58.9531
Ríu Iténez alcuéntrase en Brasil
Ríu Iténez
Ríu Iténez
Ríu Iténez (Brasil)
Datos
Conca hidrográfica conca del Amazones
Superficie de la conca 266 460 km²
Llonxitú 1210 km
Caudal 1,53 m³/s
Desembocadura Ríu Mamoré
Afluentes
Cambiar los datos en Wikidata

Xeografía editar

El ríu Guaporé naz na Serra dos Parecis, nel estáu brasilanu de Mato Grosso, a unos 150 km al nordeste de Pontes y Lacerda (39.071 hab. en 2008). Escurre primero en direición Sur, bordiando la sierra de Santa Bárbara, pa xirar depués en direición Oeste. Nesti tramu, traviesa la ciudá de Pontes y Lacerda y sigue en direición Oeste unos 120 km más, hasta Vila Bela da Santíssima Trindade (14.362 habitantes en 2008), onde se xune al ríu Allegre. Flúi en direición Norte, un tramu de 180 km en que recibe los ríos Sararé y Galera pela marxe derecha y que remata na ciudá de Betânia. A partir de Betânia flúi escontra'l Noroeste y constitúi la frontera ente Brasil (estaos de Mato Grosso y Rondônia) y Bolivia (departamentos de Santa Cruz y Beni). Dende equí ye conocíu como ríu Guaporé, nel llau brasilanu, y Iténez nel bolivianu.

Nesti llargu tramu, unos 850 km,[1] recibe munchos afluentes en dambes márxenes. Traviesa les llocalidaes de Pimenteiras, Rolim de Mouras, Pedras Negres, Mateguas, Bacabalzinho, Mariña Marquesa, Principe da Beira y finalmente, Sorpresa, onde se xune al ríu Mamoré en percorriendo un llargor total de 1.530 km. Depués el Mamoré-Guaporé xúnese de la mesma col ríu Beni en Villabella pa formar el ríu Madeira.

La superficie de la so cuenca en Bolivia ye 186.460 km², y de más de 80.000 km² en Brasil, pa un total de 266.460 km².

Les sos agües tamién pasen pol Parque Nacional Noel Kempff Mercado nel departamentu de Santa Cruz en Bolivia.

La fondura máxima del ríu Iténez ye de 68,5 m a unos 370 km, al altor de la llocalidá de Pisu Firme. Nel tramu que fai de fontera el so anchu máximu ye de 912 m, y el mínimu de 325 m.

Afluentes editar

Los sos principales afluentes son:

  • ríu Allegre, afluente brasilanu pela marxe esquierda, que naz na sierra do Aguapei y desagua en Vila Bela da Santíssima Trindade.
  • ríu Paucerna, afluente bolivianu pela marxe esquierda;
  • ríu Branco o Cabici, afluente brasilanu pela marxe derecha, que naz cerca de Vilhena;
  • ríu Paraguá, afluente bolivianu pela marxe esquierda, con un llargor de 420 km, y los afluentes de Turvo y San Ramón;
  • ríu Corumbiara Antigo, afluente pela marxe derecha;
  • ríu Mequens, afluente brasilanu pela marxe derecha;
  • ríu Coloráu, afluente brasilanu pela marxe derecha;
  • ríu Sao Simao, afluente brasilanu pela marxe derecha;
  • ríu Sao Miguel, afluente brasilanu pela marxe derecha;
  • ríu Sao Domingo, afluente brasilanu pela marxe derecha;
  • ríu Blanco, afluente bolivianu pela marxe esquierda, que naz na serranía de San Simón, con un llargor de 1.087 km;

Islles editar

Ver tamién editar

Referencies editar

  1. Otres fontes citen 970 km.

Enllaces esternos editar