Rafael Calzada Fernández

Rafael Calzada Fernández
Diputáu nel Congresu de los Diputaos d'España	; payares 1907 - agostu 1908
Diputáu nel Congresu de los Diputaos d'España
Vida
Nacimientu	Navia, 23 de xineru de 1854
Nacionalidá	España
Residencia	Arxentina
Muerte	Rafael Calzada, 4 de payares de 1929 (75 años)
Estudios
Estudios	Universidá de Buenos Aires doctoráu ; Universidá d'Uviéu llicenciatura
Llingües falaes	castellanu
Oficiu	abogáu, xurista, escritor, políticu

Rafael Calzada Fernández (23 de xineru de 1854, Navia – 4 de payares de 1929, Rafael Calzada)^[2] foi un xurista asturianu qu'emigró a Arxentina.

Biografía

Nació en Navia el 23 de xineru de 1854,^[2] nel númberu 3 de la cai del Hospital, siendo los sos padres l'antiguu notariu d'esta villa, Rafael F. Calzada, y Rosa Fernández Luengas.

Estudió llatinidá na llocalidá de Folgueiras (Cuaña), siendo'l so profesor José María Villamil, y bachilleratu nel institutu de Tapia, destacando siempres como alumnu de los más aventayaos. Cursó la carrera de Derechu nes universidaes de Barcelona y Madrid; pero amigu de la so tierra natal, nun quixo recibir el títulu d'abogáu sinón na d'Uviéu, aportando a sobresaliente nos exercicios celebraos el 17 de xunu de 1875.

Empezó la so carrera prauticando en Madrid al llau de Francisco Pi y Margall, y dende antes de terminala, estremárase yá como redactor del antiguu periódicu republicanu La Discusión, nel cual demostró disposición pa la lliteratura, n'artículos y poesíes que se publicararan tanto n'esti, como n'otros periódicos de Madrid y Uviéu.

Nel mesmu añu de la so reválida, ante la imposibilidá de facer oposiciones a la carrera de la maxistratura, decidió dir establecese en Buenos Aires, capital de la República Arxentina, onde a pocu de llegar entró a formar parte del despachu de José María Moreno, decanu de la Facultá de Derechu y senador.

Al otru añu, previu exame xeneral, graduóse de doctor en Derechu y casi coles mesmes el doctor Moreno encargába-y dirixir la Revista de Legislación y Jurisprudencia. Finó en 1929.^[3]

Obres

A la colectividad española de la República Argentina. Discursos. Con prólogu de Calixto Oyuela. Buenos Aires: Imprenta d'"El Correo Español", 1900.

Bibliografía

Homenaje de Navia a su hijo predilecto, 6 de xunu de 1902.
Anes Álvarez, Rafael (1992). «Rafael Calzada, un asturamericano de Navia», María Cruz Morales Saro y Moisés Llordén Miñambres: Arte, cultura y sociedad en la emigración española a América. Universidad de Oviedo, páx. 215-232. ISBN 9788474687309.
Dellos autores (1930). In memoriam Rafael Calzada 1854-1929. Buenos Aires: Talleres Gráficos Argentinos L.J. Rosso.

Referencies

↑ ^1,0 ^1,1 ^1,2 ^1,3 Afirmao en: Diccionario biográfico español. Editorial: Real Academia de la Historia. Llingua de la obra o nome: castellanu. Data d'espublización: 2011.
↑ ^2,0 ^2,1 Anez Álvarez, 1992, p. 219.
↑ Dellos autores, 1930.

Enllaces esternos

[8ad1310ba7f0c85aa8a56cd70802cc7e942e116b-1] 1,0 ^1,1 ^1,2 ^1,3 Afirmao en: Diccionario biográfico español. Editorial: Real Academia de la Historia. Llingua de la obra o nome: castellanu. Data d'espublización: 2011.

[FOOTNOTEAnez_Álvarez1992{{{c}}}219-2] 2,0 ^2,1 Anez Álvarez, 1992, p. 219.

[FOOTNOTEDellos_autores1930{{{c}}}-3] Dellos autores, 1930.

[2]

[1]

[3]