Ralph DePalma

Ralph DePalma
Vida
Nacimientu	Biccari (es) , 19 d'avientu de 1882
Nacionalidá	Reinu d'Italia (19 avientu 1882 - 1920, 18 xunu 1946); Estaos Xuníos (1920 - 31 marzu 1956)
Muerte	South Pasadena (es) , 31 de marzu de 1956 (73 años)
Sepultura	Cementeriu de Holy Cross
Causa de la muerte	causes naturales
Oficiu
Oficiu	pilotu d'automovilismu, pilotu de carreres
	Participante 500 milles d'Indianapolis de 1915 ;
Premios	ver Motorsports Hall of Fame of America ;
IMDb	nm0220000

Ralph DePalma (19 d'avientu de 1882, Biccari ^(es) – 31 de marzu de 1956, South Pasadena ^(es) ) foi un pilotu d'automovilismu de velocidá italo-estauxunidense. Foi ganador de les 500 milles d'Indianapolis de 1915, la Copa Vanderbilt de 1912 y 1914, y el Troféu Elgin de 1912 y 1914. Coles mesmes, llogró dos veces el Campeonatu Nacional de l'AAA en 1912 y 1914, totalizando 24 victories en dicha categoría. Per otra parte, foi campeón nacional d'óvalos de tierra de l'AAA cuatro veces en 1908, 1909, 1910 y 1911, y campeón canadiense d'automovilismu en 1929.

Ralph DePalma y el so Packard V-12 col que batió'l récor mundial de la milla en 1919

La so familia emigró a Estaos Xuníos en 1893. Depués de competir en ciclismu y motociclismu, empecipió la so actividá nel automovilismu d'óvalos de tierra en 1909.

DePalma lideró 196 de les 200 vueltes de les 500 milles d'Indianapolis de 1912, llogrando una ventaya de 11 minutos con respectu al escolta. Sicasí, el so Mercedes tuvo una falla mecánica y detúvose na vuelta 198. El pilotu y el so mecánicu Jeffkins emburriaron l'automóvil un quilómetru pa completar la vuelta 199, anque dichu esfuerciu foi anuláu y quedó clasificáu nel 11º llugar a una vuelta del ganador.

Nel Gran Premiu del ACA de 1912, l'italianu tuvo un choque na última vuelta que-y riquió permanecer nel hospital mientres 11 meses.

DePalma trunfó na Copa Vanderbilt de 1912 ante Hughie Hughes, y en 1914 ante Barney Oldfield.

En 1919, l'italianu batió'l récor mundial de velocidá sobre tierra na milla, llogrando un permediu de 241,2 km/h nel circuitu playeru de Daytona. El pilotu resultando segundu nel Gran Premiu de Francia de 1921, apostáu nel circuitu de Le Mans.

Según l'obituariu publicáu por Associated Press, llogró 2.557 victories en 2.889 carreres disputaes n'América y Europa.

Referencies

↑ «Find a Grave» (inglés).
↑ Afirmao en: Find a Grave. Identificador Find a Grave: 277. Apaez como: Ralph DePalma. Data de consulta: 9 ochobre 2017. Llingua de la obra o nome: inglés.

Enllaces esternos

Ralph DePalma nel Salón de la Fama del Deporte Motor Mundial
Ralph DePalma en The Greatest 33
Ralph DePalma en Champ Car Stats

[4c0a1961f01b8e9924ce1250e69bc49eb1856718-1] «Find a Grave» (inglés).

[cbdf205a8bb9689ab034e4c0bb39f58be8bda340-2] Afirmao en: Find a Grave. Identificador Find a Grave: 277. Apaez como: Ralph DePalma. Data de consulta: 9 ochobre 2017. Llingua de la obra o nome: inglés.

[1]

[2]