Ramón Rato Rodríguez
Ramón Rato Rodríguez (1907, Xixón – 1998) foi un xurista y empresariu asturianu.
Ramón Rato Rodríguez | |
|---|---|
| Vida | |
| Nacimientu | Xixón, 1907 |
| Nacionalidá |
 España |
| Muerte | 1998 (90/91 años) |
| Familia | |
| Fíos/es | Rodrigo Rato |
| Estudios | |
| Llingües falaes | castellanu |
| Oficiu | empresariu, xurista, financieru |
 | |
Ramón Rato Rodríguez, nació en Xixón el 20 de payares de 1907 nuna familia que ficiera fortuna na industria testil y la construcción. Foi abogáu, xuez y profesor de Derechu.
En tiempos de la República rescampló por ser el primer abogáu de les JONS.
En 1939 casó con Aurora Figaredo Sala, heriede d'una conocida familia mierense que rescampló nel mundu de la mina, la industria y la finanza. El matrimoniu tuvo tres fíos, Ramón, María ángeles y Rodrigo. Esti últimu rescampló nel ámbitu políticu ya económicu como vicepresidente del Gobiernu y Ministru d'Economía de José María Aznar y xerente del Fondu Monetariu Internacional.
Na guerra civil lluchó nel bandu nacional y foi ún de los fundadores de Radio Nacional d'España.
Posteriormente declaróse partidariu de la restauración de la Monarquía y de Xuan de Borbón, del que foi collaborador y amigu.
Ramón Rato destacó como empresariu, creando ente otres empreses la Rueda d'emisores Rato, que llegó a ser una de les principales cadenes de radio privaes d'España hasta que la mercó la ONCE en 1990.
En 1967, l'acusación d'evadir capitales a Suiza valió-y una conderga a tres años de cárcele y una multa de 176 millones de pesetes. El Bancu de Siero, que supuestamente yera la tapadera pa les tresferencies illegales entró en quiebra y foi interveníu pol Bancu d'España.
Morrió'l 27 de setiembre de 1998 y ta enterráu na cripta que la familia tien na ilesia de san Pedro de Xixón.