Ramphocelus bresilius
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Ramphocelus bresilius  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Thraupidae | |
| Xéneru: | Ramphocelus | |
| Especie: |
R. bresilius (Linnaeus, 1766) | |
| Distribución | ||
 | ||
| Sinonimia | ||
Tanagra bresilia | ||
| Consultes | ||
| [editar datos en Wikidata] | ||
Ramphocelus bresilius) ye una especie d'ave de la familia Thraupidae, endémica de la rexón costera del este de Brasil, dende Paraíba escontra'l sur hasta Santa Catarina.
Hábitat
editarEl so principal hábitat natural, son les restingues o gordones mariniegos del Atlánticu, incluyendo tamién los montes húmedos, montes antiguos bien degradaos y carbes seques, tropicales o subtropicales, de tierres baxes.[2]
Frugívoro, ye bono d'alcuéntrase nel so bioma natural, onde haya abondos alimentos disponibles. Tiende a portase de manera agresiva escontra otres especies d'aves al reclamar la comida. Puede apaecer nes ciudaes y vése-y na redoma del cuetu Pan d'Azucre en Rio de Janeiro o na Pista Cláudio Coutinho, que bordia'l parque, na base del monte.[2]
Descripción
editarEn permediu mide 19 cm de llargor y pesa 31 g. Presenta dimorfismu sexual bultable. El plumaxe del machu ye coloráu vivu. Parte de les ales y de la cola son negres. El plumaxe de la fema ye menos vistosu, de color pardu nes partes cimeres y castañal acoloratada nes inferiores.[3] El machu tien una callosidad blanca brillosa na base del quexal.[3]
Reproducción
editarLlega al maduror sexual a los 12 meses, anque'l machu namái adquier un añu dempués el so curiosu plumaxe. Reproduzse en primavera y branu.[3] Constrúi un nial en forma de copa, ocultu ente la xamasca, nel que la fema pon dos tres güevos de color azul verdosu, con manches negres.[2] La incubación dura 13 díes y les críes independícense dempués de 35 díes de la eclosión de los güevos.[3]
Referencies
editar- ↑ BirdLife International (2009) Ramphocelus bresilius; IUCN (2011) IUCN Red List of Threatened Species, Version 2011.1. Consultáu'l 12 de xunetu de 2011.
- ↑ 2,0 2,1 2,2 Pereira, José Felipe Monteiro (2008) Aves y Pássaros Comuns do Rio de Janeiro: 123. Rio de Janeiro: Technical Books. ISBN 978-85-61368-00-5
- ↑ 3,0 3,1 3,2 3,3 Tiê-Sangue; WikiAves.
| Wikispecies tien un artículu sobre Ramphocelus bresilius. |
Wikimedia Commons acueye conteníu multimedia sobre Ramphocelus bresilius.
Datos: Q671550- Multimedia: Ramphocelus bresilius
Especies: Ramphocelus bresilia
