Raul Jadyimba

Raul Jadyimba
4. Presidente d'Abkhasia
Miembru de l'Asamblea Popular d'Abkhasia
Vicepresidente d'Abkhasia
Primer Ministru d'Abkhasia
Minister for Defence of Abkhazia (en)
Vida
Nacimientu	Tkvarcheli, 21 de marzu de 1958 (66 años)
Nacionalidá	Xunión Soviética ; Abkhasia ; Xeorxa
Estudios
Estudios	Universidá Estatal d'Abkhasia
Oficiu	políticu
Premios	ver Order of Leon ; PMR Order For Merit ; Order of friendship ; Orden de la Amistad ;
Serviciu militar
Cuerpu militar	Voyska PVO (es)
Graduación	Soldáu rasu
Creencies
Relixón	cristianismu ortodoxu
Partíu políticu	Foru pola Unidá Nacional d'Abkhasia

Raul Jadyimba (n'abkhasu: Рауль Џьумка-иҧа Ҳаџьымба), nació en 1958 en Tkvarcheli, ye l'actual presidente de la República d'Abkhasia. Enantes foi'l vicepresidente de la República, ente 2005 y 2009, y foi'l presidente interín d'esa república, tres la muerte del so anterior presidente Sergei Bagapsh en Rusia. Foi escoyíu pal so cargu'l 12 de febreru de 2005, como resultancia del alcuerdu pa compartir el poder col so adversariu Sergei Bagapsh, que perdiera les eleiciones presidenciales de 2004-2005. Ye partidariu d'una estrecha cooperación política y militar con Rusia, y de caltener la llinia dura n'instancies diplomátiques col gobiernu de Xeorxa y los países occidentales.

Carrera

Antiguu axente del KGB,^[1] Jadyimba fuera tantu vizprimer ministru ente 2001 y 2002, y ministru de defensa ente 2002 y 2003, antes d'asoceder a Gennady Gagulia como primer ministru el 22 d'abril de 2003. Siguió siendo primer ministru hasta ochobre de 2004. Tamién foi con anterioridá xefe del Serviciu de Seguridá d'Abkhasia ente 1999 a 2001.

L'entós presidente Vladislav Ardzinba taba gravemente enfermu y nun apaecía en públicu mientres el so mandatu, y Jadyimba exercía como xefe d'estáu de facto na so ausencia. Nel so papel, tuvo numberosos alcuentru con líderes políticos, incluyendo Ígor Ivánov, ministru d'esteriores de Rusia. Foi un duru oponente a la reunificación con Xeorxa, y vehemente condergó la propuesta de federación do dos estaos del presidente xeorxanu Mijeíl Saakashvili en mayu de 2004.

Jadyimba foi calificáu como'l favoritu pa ganar les eleiciones d'ochobre de 2004, y foi sofitáu fuertemente tantu pol presidente saliente Ardzinba como pol presidente rusu Vladímir Putin. Dambos homes fixeron campaña nel so sofitu y dedicaron significativos recursos n'ayuda de la campaña de Jadyimba. Sicasí, el candidatu opositor Sergei Bagapsh algamó más votos el día de les eleiciones, que llargamente s'atribuyó a una llombarada contra la fuerte influencia rusa na campaña.

Dempués de les eleiciones, tanto Bagapsh como Jadyimba reclamaron la victoria, con Jadyimba alegando fraude eleutoral nel pro-Bagapsh distritu de Gali, que foi'l que fizo ganar les eleiciones a Bagapsh. Ardzinba llueu destituyó a Jadyimba como Primer Ministru, reemplazándolo por un candidatu de compromisu, Nodar Khashba, siguiéndo-y dos meses de disputes, con manifestaciones públiques, procedimientos xudiciales y procedimientos parllamentarios.

N'avientu de 2004, Jadyimba y Bagapsh llegaron a un alcuerdu pa formar una única candidatura na repetición de les eleiciones, como Bagapsh como presidente y Jadyimba como vicepresidente. Como parte del tratu, el puestu de vicepresidente dióse-y mayores atribuciones, incluyendo defensa y rellaciones esteriores. La candidatura unificada ganó la repetición de les eleiciones, con más d'un 90% de los votos.

Sicasí, nes acabadures de la victoria eleutoral, munchos analistes suxirieron que l'autoridá executiva de Jadyimba taba llindada sol nuevu alcuerdu, con Bagapsh y el so primer ministru, Alexander Ankvab, calteníen la última pallabra nes temes nominalmente asignaos al vicepresidente.

El discutiniu surdió nuevamente en xunu de 2008, cuando Jadyimba asistió al congresu de la organización Aruaa, de la que ye miembru. El congresu emitió una conclusión criticando l'alministración de Bagapsh pola so "política esterior multi-vector", refiriéndose a les conversaciones con diplomáticos xeorxanos y occidentales, y reclamó mayores llazos con Rusia. Los políticos pro-Bagapsh del Amtsajara, describieron les crítiques de Kadyimba al gobiernu, del que yera vicepresidente, de "inmorales". Un mes dempués, Jadyimba repitió la so postura contraria a la política esterior de Bagapsh, afirmando que solo Rusia podría protexer a Abkhasia, y l'usu de la fuercia yera inevitable pa tomar el control del altu Valle Kodori, zona al nordeste d'Abkhasia baxu control xeorxanu.^[2]^[3]^[4]^[5] El valle Kodori permaneció sol control xeorxanu hasta agostu de 2008, cuando foi tomáu poles fuercies abkhases na Batalla del valle Kodori.^[6]

Referencies

↑ Wheatley, Jonathan (2005), Xeorxa from National Awakening to Rose Revolution: delayed transition in the former Soviet Union. Ashgate Publishing, Ltd., ISBN 0-7546-4503-7.
↑ Abkhaz VP: Force May be Needed to Regain Kodori (enllaz rotu disponible n'Internet Archive; ver l'historial y la última versión).. Civil Xeorxa. 2008-06-21.
↑ (en rusu) "Нам следует заручиться военно-политическим союзом с Россией": Обзор СМИ Абхазии (“We need to secure a military-political alliance with Russia”: Review of the Abkhaz press). Regnum. 2008-06-20.
↑ (en rusu) Депутат парламента Абхазии считает действия вице-президента Рауля Хаджимба аморальными (Member of the Parliament of Abkhazia considers Vice-President Raul Khadjimba's actions immoral). Regnum. 2008-06-12.
↑ (en rusu) Оппозиция во власти и власть в оппозиции: Абхазия встает на выборные рельсы (Opposition within authorities and authorities in opposition: Abkhazia on the election track). Regnum. 2008-06-11.
↑ «Kodori Under Abkhaz Control». Civil Xeorxa. August 12 2008. http://www.civil.ge/eng/article.php?id=19073&search=kodori. Consultáu'l 16 d'agostu de 2008.

Enllaces esternos

[1] Wheatley, Jonathan (2005), Xeorxa from National Awakening to Rose Revolution: delayed transition in the former Soviet Union. Ashgate Publishing, Ltd., ISBN 0-7546-4503-7.

[2] Abkhaz VP: Force May be Needed to Regain Kodori (enllaz rotu disponible n'Internet Archive; ver l'historial y la última versión).. Civil Xeorxa. 2008-06-21.

[3] (en rusu) "Нам следует заручиться военно-политическим союзом с Россией": Обзор СМИ Абхазии (“We need to secure a military-political alliance with Russia”: Review of the Abkhaz press). Regnum. 2008-06-20.

[4] (en rusu) Депутат парламента Абхазии считает действия вице-президента Рауля Хаджимба аморальными (Member of the Parliament of Abkhazia considers Vice-President Raul Khadjimba's actions immoral). Regnum. 2008-06-12.

[5] (en rusu) Оппозиция во власти и власть в оппозиции: Абхазия встает на выборные рельсы (Opposition within authorities and authorities in opposition: Abkhazia on the election track). Regnum. 2008-06-11.

[6] «Kodori Under Abkhaz Control». Civil Xeorxa. August 12 2008. http://www.civil.ge/eng/article.php?id=19073&search=kodori. Consultáu'l 16 d'agostu de 2008.

[1]

[2]

[3]

[4]

[5]

[6]