Xeorxa[9] (en xeorxanu საქართველო, transliteráu: Sakartvelo) ye un país na costa del mar Negru, al sur d'El Cáucasu. Antigua república de la ex Xunión Soviética asitiada na llende ente Asia occidental y Europa del Este, llenda al oeste col mar Negru, al norte con Rusia, con Turquía y Armenia al sur y con Azerbaixán al suroeste. La so capital ye Tblisi. El país tien una estensión de 69.700 km² y una población de casi 4.700.000 habitantes. Xeorxa ye una democracia representativa organizada como una república semipresidencialista.

Xeorxa
estáu soberanu
bandera de Xeorxa escudu de Xeorxa
Lema nacional Dzala ertobashia (es) Traducir
Himnu nacional Tavisupleba (es) Traducir
Alministración
Nome oficial საქართველო
Sakartvelo
Capital Tblisi (dende 1122)
Forma de gobiernu Sistema semipresidencialista
estáu unitariu
República parllamentaria
República
Presidente de Xeorxa Salome Zourabichvili (es) Traducir (dende 16 avientu 2018)
Primer ministru de Xeorxa Irakli Kobakhidze (dende 8 febreru 2024)
Llingües oficiales xeorxanu
Llingua abkhasa
División
Rellaciones diplomátiques
Miembru de
Xeografía
Coordenaes 42°N 44°E / 42°N 44°E / 42; 44
Superficie 69,500 km² (puestu 118)
% agua Despreciable
Costes 310 km
Llenda con 1.461 km
Puntu más altu Shjara (es) Traducir
Puntu más baxu Mar Negru
Demografía
Población 4,615,807(2009 est.) hab. (2017)
Densidá Error d'espresión: Operador ( inesperáu hab/km²
Xentiliciu xeorxanu[7]
xeorxana[8]
Esperanza de vida 73,261 años
IDH 0,802 (2021)
Tasa de fertilidá 1,816 (2014)
Economía
Moneda Lari xeorxanu
PIB nominal 18 629 365 612 $ (2021)
Más información
Dominiu d'Internet .ge y .გე (es) Traducir
Códigu telefónicu +995
Códigu ISO 268 / GEO / GE
Estaya horaria UTC+04:00, Asia/Tbilisi (en) Traducir y husos horarios de Georgia (es) Traducir
Cambiar los datos en Wikidata

Demientres l'Antigüedá clásica hebo varios reinos independientes nel llugar qu'anguaño ye Xeorxa. Los reinos de Colchis y Iberia adoptaron el cristianismu como la so relixón a principios del sieglu IV. El cumal de la fuercia política y económica de la Xeorxa clásica alcanzóse demientres el reináu del rei David IV y la reina Tamar, nos sieglos XI-XII. Al entamar el sieglu XIX Xeorxa foi conquistada pol Imperiu rusu. Magar que algamó la so independencia tres la revolución rusa de 1917, foi reconquistada pola Rusia soviética en 1921, y convirtióse na República Socialista Soviética de Xeorxa, que yera una parte de la Xunión Soviética. Tres la independencia, algamada en 1991, el país vivió años perdifíciles, con bien de protestes populares y una fonda crisis económica na década de 1990. Esta situación duró hasta 2003, cuando la conocida como Revolución de les roses provocó la introducción de reformes democrátiques y económiques

Dientro'l país hai, dempués de la guerra ruso-xeorxana de 2008. dos rexones independientes de facto, Abkhasia y Osetia del Sur, que tienen un reconocimientu internacional perllimitáu. Xeorxa considera les dos rexones una parte del so territorio soberanu que tán ocupaes por una potencia foriata, Rusia.

Xeografía editar

Principales ciudaes (población):

  • Tblisi (1.200.000, área metropolitana 1.400.000)
  • Kutaisi (270.000)
 
Mapa de Xeorxa

Referencies editar

Enllaces esternos editar