Raymond Loewy
Raymond Loewy (5 de payares de 1893, París – 14 de xunetu de 1986, Montecarlu) foi unu de los diseñadores industriales más conocíos del sieglu XX. Anque nacíu y criáu en Francia, desenvolvió casi tola so carrera profesional nos Estaos Xuníos, onde tuvo una influencia bien importante n'incontables aspeutos. Considérase-y el padre del diseñu industrial modernu a pesar de nun tener estudios formales en dicha oficiu (asistió a la Universidá de París, pero como estudiante d'inxeniería)[7][8] . En 1990 la revista Life incluyó-y n'el so llista de "Los 100 norteamericanos más importantes del sieglu XX".
Raymond Loewy | |
|---|---|
 | |
| Vida | |
| Nacimientu | París, 5 de payares de 1893[1] |
| Nacionalidá |
 Francia [2] Estaos Xuníos (1938 - [3] |
| Muerte | Montecarlu, 14 de xunetu de 1986[1] (92 años) |
| Sepultura | Rochefort-en-Yvelines |
| Fíos/es | 1 |
| Estudios | |
| Estudios |
Universidá de París Liceo Chaptal (es)  |
| Llingües falaes |
inglés[4] francés[5] |
| Oficiu | diseñador, diseñador d'automóviles, diseñador d'estampines |
| Premios |
ver
|
| Serviciu militar | |
| Lluchó en | Primer Guerra Mundial |
| IMDb | nm0517378 |
| raymondloewy.com | |
 | |
La so carrera profesional tomó siete décades. Ente les sos contribuciones a los iconos de la vida moderna atópense'l logotipu de la empresa petrolífera Shell, los autobuses Greyhound, la llocomotora S-1, el paquete de pitos de la marca Lucky Strike, los frigoríficos Coldspot o'l vehículu Studebaker Avanti.
Mocedá y vida personal editar
Loewy nació y creció en París, Francia. El so primer llogru foi l'esitosu diseñu d'un aeromodelo, col que ganó la Copa James Gordon Bennett de la especialidá en 1908; al añu siguiente vendió los derechos del avión llamáu Ayrel. Mientres la Primer Guerra Mundial sirvió nel exércitu francés, tres los qu'emigró a los Estaos Xuníos en 1919, país que la so nacionalidá adquirió en 1938.
Casóse con Jean Thomson en 1931, matrimoniu que duró hasta 1945. El segundu foi en 1948, con Viola Erickson, cola que tuvo a la so fía Laurence. A los 87 años tornó cola so muyer a Francia, onde pasó cómodamente los sos últimos años. Tres una etapa d'escasa salú, finó na so casa de Montecarlu y foi soterráu nel campusantu de Rochefort-en-Yvelines, cerca de París.
Primeros trabayos editar
Nos primeros años de Loewy nos Estaos Xuníos, vivió en Nueva York. Los sos primeros trabayos fueron como diseñador d'escaparates de grandes almacenes, ente los que s'atopaben Macy's, Wanamaker's y Saks Fifth Avenue. Tamién trabayó como ilustrador de modes pa la revista Vogue y Harper's Bazaar. En 1929, recibió'l so primer encargu de diseñu industrial de la empresa Gestetner, pa modernizar l'apariencia d'una modelu de multicopiadora, que tenía un diseñu arcaicu, qu'amosaba tolos sos elementos constructivos, amás d'otres carauterístiques bastante pocu estétiques, Loewy despintó por aciu una simple carcasa de madera tolos sos elementos internos siguiendo unos cánones estilistes, y ameyoró tou aquello que según él estropiaba la vista como por casu les pates, a partir d'esti rediseño esta multicopista aumentó les sos ventes sensiblemente. Darréu siguieron más encargos, incluyendo trabayos pa Westinghouse, pa la Hupp Motor Company (la estilización del modelu Hupmobile), y el remocique de la nevera Coldspot para Sears-Roebuck, siendo esti productu'l qu'asitió la so reputación como diseñador. La so empresa de diseñu abrió una sucursal en Londres a mediaos de 1930.
Pero unos de los diseños más importantes de Loewy foi'l del paquete de la marca de pitos "Lucky Strike", Tou empezó en 1940 cuando Loewy dixo qu'él fadría que la marca doblara les sos ventes con un simple rediseño del paquete, ante esta argumentación, el dueñu de "Lucky strike", convidó al diseñador a realizar el rediseño, ye cuando Loewy pon el logo de la marca nos dos partes del paquete de manera que se dexe con forme'l paquete viera la marca, amás d'otres remodelaciones como quitar el verde que s'apoderaba de tol paquete.
Ferrocarril Pennsylvania editar
En 1937, Loewy entabló rellación col Ferrocarril de Pennsylvania (Pennsylvania Railroad) (PRR). Los sos más notables trabayos incluyíen carenados pa llocomotores. Él realizó'l diseñu d'una cubierta aerodinámica pa les llocomotores de la clase T1, S1 y K4s Pacific #3768, destinada a encabezar el Broadway Limited, el tren insinia de la compañía, ente Nueva York y Chicago en 1938. Amás de la llocomotora, Loewy personalizó l'interior del tren, basáu en motivos del PRR. Presentó l'esquema de pintura dos tonos de marrón y oru, pal esterior de los vagones, conocíu esi esquema de pintures como "Flota de modernismu" ("Fleet of Modernism"), qu'incluyíen otros nuevos trenes del Pennsylvania. A esti proyeutu siguiólu'l carenado de la llocomotora esperimental S1 y darréu de la clase T1. Depués, por pidíu de la PRR, rediseñó la llocomotora diésel llétrica Baldwin, dándo-y un frente distintivu con reminiscencies de la T1, conocíu dende entós como "ñariz de tiburón" (shark nose).
Tolos vagones colos colores "Flota de modernismu" siguieron funcionando hasta 1948, cuando se volvió a recuperar el marrón estándar del PRR (colloráu toscanu). Aun así, munchos vagones siguieron circulando col esquema Loewy hasta bien entraos los años cincuenta. A pesar de nun diseñar la forma de la famosa llocomotora llétrica GG1, Loewy ameyoró'l so aspeutu encamentando soldadures y apolazadures, en llugar de pieces remachaes, y una pintura con rayes pa resaltar los sos nidios y arrondaes formes, escurriendo les Cat Whiskers (bigote de gatu). Coles mesmes que llevaba a cabu estos sofisticaos diseños, el so estudiu realizó toa clase de proyeutos pa la PRR, incluyendo diseños de vagones de pasaxeros, estaciones, material impreso, y muncho más.
Studebaker editar
Loewy empezó la so llarga y granible rellación cola compañía automovilística estauxunidense Studebaker Corporation de South Bend, Indiana, na década de 1930. Los sos diseños empezaron apaeciendo nos modelos de Studebaker de finales de la década de 1930. Studebaker tamién adoptó'l so nuevu y senciellu logotipu, reemplazando'l qu'usara dende principios de sieglu.
Skylab editar
El polifacéticu diseñador apurrió'l diseñu de la Skylab, que sería llanzada al espaciu en 1973. La misión Skylab desenvuelta ente 1974 y 1978 probaría la capacidá del ser humanu de permanecer por llargos periodos n'órbita. El diseñu d'esti habitáculo espacial, dexó'l desenvolvimientu d'esperimentos científicos y el desenvolvimientu d'actividaes cotidianes. Con materiales, estética y téunica revolucionaria, el diseñador daría una reblagada escontra l'arquiteutura de la mañana.
Obra escrita editar
The Locomotive: Its Aesthetics (1937), l'autobiografía Never Leave Well Enough Alone (Non dexe nunca les coses como taben) (1951, reeditáu en 2002) y Industrial Design (1951).
Referencies editar
- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Identificador ULAN: 500011181.
- ↑ Afirmao en: coleición en llinia del Muséu d'Arte Modernu de Nueva York. Identificador MoMA de artista: 22548. Data de consulta: 4 avientu 2019. Llingua de la obra o nome: inglés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Identificador CONOR.SI: 175163235. Afirmao en: CONOR.SI.
- ↑ URL de la referencia: https://www.thersa.org/about/royal-designers-for-industry/past-royal-designers-for-industry. Data de consulta: 9 xineru 2021. Direición web d'archivu: https://web.archive.org/web/20210109231742/https://www.thersa.org/about/royal-designers-for-industry/past-royal-designers-for-industry. Data d'archivu: 9 xineru 2021.
- ↑ «5 Famous Designers Who Never Graduated Design School» (inglés) (10 d'agostu de 2010). Consultáu'l 16 de payares de 2017.
- ↑ «Are there any famous or great industrial designers who didn't attend school?» (inglés). Consultáu'l 16 de payares de 2017.
Enllaces esternos editar
- «Raymond Loewy - Sitiu oficial» (inglés). Consultáu'l 5 de payares de 2013.
Wikimedia Commons acueye conteníu multimedia sobre Raymond Loewy.
Datos: Q435509- Multimedia: Raymond Loewy
