Abrir el menú principal
Skylab fotografiáu dende'l Apolo-SL 4.
Los astronautes del Skylab prestándose nel espaciu.

Skylab foi la primera estación espacial estauxunidense. Foi diseñada por Raymond Loewy. Orbitó alredor de la Tierra de 1973 a 1979 y foi visitada por astronautes en trés causes mientres los sos dos primeros años de serviciu. Con un pesu de 75 tonelades, foi llanzada (en misión ensin tripular) el 14 de mayu de 1973, impulsada pol cohete Saturno V (misión SL-1). La estación sufrió daños graves mientres el llanzamientu, perdiendo l'escudu solar, parte del escudu contra micrometeoritos y unu de los sos paneles solares principales. Les partes desprendíes del escudu contra micrometeoritos torgaron l'esplegue del panel solar restante, causándo-y un gran déficit enerxéticu y un sobrecalentamientu anormal.

HistoriaEditar

La primer tripulación (que foi a bordu de la misión SL-2, una nave Apolo llanzada'l 25 de mayu de 1973 sobre un cohete Saturno IB) realizó xeres d'arreglu fondes nun paséu espacial y permaneció 28 díes na estación. Les siguientes misiones (SL-3 y SL-4) empezaron el 28 de xunetu de 1973 y el 16 de payares de 1973 y duraron 59 y 84 díes respeutivamente, con una ocupación total de 171 díes. La última tripulación de la Skylab volvió a la Tierra'l 8 de febreru de 1974.

Hubo especulaciones sobre'l llugar del hemisferiu sur nel que cayeríen los sos restos. Finalmente, el 11 de xunetu de 1979 cayó sobre territoriu d'Australia, lo cual impunxo a la NASA una multa de US$400 por refundiar basura en territoriu públicu.

El so retruque puede visitase nel Muséu Aeroespacial de Washington D. C.

Misiones SkylabEditar

Misión Emblema Comandante Pilotu científicu Pilotu Fecha llanzamientu Fecha regresu Duración (díes)
Skylab 1 SL-1 Llanzamientu ensin tripular de la estación espacial 1973-05-14
17:30:00 UTC
1979-07-11
16:37:00 UTC
2248.96
Skylab 2 SL-2 (SLM-1) Pete Conrad Joseph Kerwin Paul J. Weitz 1973-05-25
13:00:00 UTC
1973-06-22
13:49:48 UTC
28.03
Skylab 3 SL-3 (SLM-2) Alan L. Bean Owen Garriott Jack Lousma 1973-07-28
11:10:50 UTC
1973-09-25
22:19:51 UTC
59.46
Skylab 4 SL-4 (SLM-3) Gerald Carr Edward Gibson William Pogue 1973-11-16
14:01:23 UTC
1974-02-08
15:16:53 UTC
84.04

Ver tamiénEditar

BibliografíaEditar

Bibliografía adicionalEditar

Enllaces esternosEditar