Real Club Deportivo Oviedo

Real Club Deportivo Oviedo
Situación
País	España
Autonomía	Principáu d'Asturies
Provincia	Provincia d'Asturies
Conceyu	Uviéu
Estáu	España
Datos
Tipu	club de fútbol
Fundáu en	1919
Desapaecíu en	1926
Categoría	Campeonatu Rexonal d'Asturies
Uniforme
Titular	Alternativu
	;

El Real Club Deportivo Oviedo, o abreviadamente Deportivo Oviedo y popularmente como La Sportiva, foi un club de fútbol español de la ciudá d'Uviéu, fundáu en 1919 y desapaecíu en 1926 en fundiéndose col otru club esistente na ciudá, el Real Stadium Club Ovetense, pa dar pasu al Real Uviéu. Yera teníu pol equipu de les clases altes de la ciudá n'oposición al Stadium Uvieín que lo yera de les clases populares.

Uniforme

Vistía camiseta blanca o a rayes verticales blanques y azules y pantalón negru.

Estadios

Teatinos: Dempués de compartir campu col so rival local, el mayor poderíu económicu del club dexó-y construyir un nuevu estadiu alcontráu nel barriu de Teatinos. Inauguróse'l 31 d'agostu de 1919 y foi usáu por esti club y depués pol Real Uviéu hasta la construcción en 1932 del nuevu Estadiu de Buenavista, depués llamáu Estadiu Carlos Tartiere. Tenía un aforu de 10.000 persones de les qu'aprosimao 1.600 yeren d'asientu.

Historia

Foi fundáu n'abril de 1919 a partir d'una dixebra del Real Stadium Club Uvieín, apadrináu por financieros locales. El so mayor poder financieru dexó-y la contratación de bonos xugadores procedentes d'otros equipos. Sicasí les sos aspiraciones nunca pasaron de ganar el derbi llocal nel Campeonatu Rexonal d'Asturies, que yera competición oficial qu'entós se celebraba.

Na temporada 1925-26, el tercer puestu del Stadium Uvieín y la decepcionante actuación del Deportivu Uviéu en dichu campeonatu rexonal, motivó que se buscara la fusión de dambos clubes con vistes a formar un equipu más poderosu capaz d'apoderar el fútbol rexonal y más concretamente al Real Sporting de Xixón. Tres mediación d'Óscar Álvarez, porteru del Stadium Uvieín, el 14 de marzu axuntáronse les directives de dambos clubes p'afitar les condiciones del alcuerdu, el 26 de marzu volvieron axuntase pa dar el so alcuerdu final, fecha que se tien pola de fundación del nuevu club, y finalmente roblóse l'acta de fusión el 26 d'abril de 1926.

Xugadores

José Luis Zabala. Delanteru. Procedente del Real Unión de Irún, venía de ganar la Copa del Rei de fútbol 1918. Perteneció igualmente a la dispciplina del Real Uviéu hasta 1929. Foi convocáu pa la Seleición Española en cuatro causes consiguiendo 4 goles.

Ver tamién

Real Uviéu

Bibliografía

(2001) De Fozaneldi al Parque del Oeste. 80 años de fútbol n'Uviéu. La Nueva España.
«Real Uviéu. La so hestoria en númberos.». Consultáu'l 5 de febreru de 2010.
«Real Uviéu. Páxina oficial. Hestoria.». Archiváu dende l'orixinal, el 27 de xineru de 2010. Consultáu'l 5 de febreru de 2010.