Campeonatu Rexonal d'Asturies

El Campeonatu Rexonal d'Asturies foi un tornéu de fútbol d'España, entamáu pola Federación Asturiana de Fútbol, nel que participaben clubes de la rexón d'Asturies. Apostóse añalmente ente 1916 y 1940, y sirvía pa escoyer al representante asturianu nel Campeonatu d'España.

Campeonatu Rexonal d'AsturiesFootball pictogram.svg
Xeneral
Tipu de competición lliga deportiva
Deporte fútbol
Clase de competencia fútbol masculín
País España
Organizador Real Federación de Fútbol del Principáu d'Asturies
Historia
Fundación 1916
Desapaición 1940
Últimu ganador Real Sporting de Xixón
Competición
Periodicidá Cada añu
Cambiar los datos en Wikidata

Na temporada 1931/32 disputose de forma conxunta col Campeonatu Rexonal de Cantabria y recibió'l nome de Campeonatu Astur-Cántabru; na 1935/36 fixo lo propio col Campeonatu de Galicia de Fútbol y llamóse Campeonatu Astur-Gallegu.

HistoriaEditar

En 1915 fundóse la Federación Cantábrica de Fútbol —que camudó'l so nome por Federación Asturiana en 1918— y unu de los sos primeros oxetivos foi la creación d'un campeonatu rexonal, pa qu'Asturies pudiera tar representada nel Campeonatu d'España.

La primer edición, disputada a finales de 1916, arrexuntó a los clubes inscritos en tres categoríes. Na máxima categoría quedaron encuadraos el Real Sporting de Xixón y el Stadium Avilesín, que teníen de xugase'l campeonatu nuna final a doble partíu. Sicasí, l'equipu d'Avilés decidió retirase por causa de les baxes na so plantía, y la Federación designó al Sporting como representante nel campeonatu nacional.

Na siguiente temporada, el Sporting foi proclamáu campeón nuevamente dempués que nengún otru club se inscribiera pa disputa-y el campeonatu asturianu de la primer categoría.

El tercer campeonatu tamién tuvo marcáu polos abandonos de dellos equipos, anque finalmente dos clubes xixoneses xugaron el tornéu: Sporting y Unión Deportiva Racing. Los partíos xugáronse nel estadiu El Molinón.

Pa la temporada 1919/20 la primer categoría del Campeonatu Rexonal d'Asturies cuntó cola participación de dellos clubes de tola rexón: dos uvieínos, Real Stadium Club Ovetense y Real Club Deportivo Oviedo, y trés xixoneses, Unión Deportiva Racing, Club Hispania y Real Sporting, que de nuevu proclamóse campeón.

La hexemonía sportinguista mantúvose hasta la temporada 1924/25, na que'l Stadium Ovetense proclamóse campeón.

Na temporada 1931/32 Asturies y Cantabria xunieron los sos campeonatos nel llamáu Campeonatu Astur-Cántabru, nel qu'un equipu asturianu, l'Uviéu F. C., proclamóse campeón.

La siguiente temporada'l Campeonatu Rexonal d'Asturies volvió recuperar la so independencia. Entamóse una dómina d'hexemonía del Uviéu, que llogró tres títulos consecutivos.

La campaña 1935/36 de nuevu producióse una fusión, esta vegada ente'l campeonatu asturianu y el de Galicia, el llamáu Campeonatu Astur-Gallegu, que foi tamién conquistáu pol Uviéu.

Dempués de trés años de parón deportivu por causa de la Guerra Civil Española, na temporada 1939/40 retomáronse los campeonatos rexonales y esi añu foi campeón el Sporting de Xixón.

A partir de 1940 la remodelación y ampliación de la Lliga punxo fin a la disputa de los campeonatos rexonales.

PalmarésEditar

HistorialEditar

Temporada Campeón Llocalidá Notes
1916-17 Real Sporting de Xixón Xixón
1917-18 Real Sporting de Xixón Xixón
1918-19 Real Sporting de Xixón Xixón
1919-20 Real Sporting de Xixón Xixón
1920-21 Real Sporting de Xixón Xixón
1921-22 Real Sporting de Xixón Xixón
1922-23 Real Sporting de Xixón Xixón
1923-24 Real Sporting de Xixón Xixón
1924-25 Real Stadium Club Ovetense Uviéu
1925-26 Real Sporting de Xixón Xixón
1926-27 Real Sporting de Xixón Xixón
1927-28 Real Uviéu Uviéu
1928-29 Real Uviéu Uviéu
1929-30 Real Sporting de Xixón Xixón
1930-31 Real Sporting de Xixón Xixón
1931-32 Uviéu F. C. Uviéu Campeonatu Astur-Cántabru
1932-33 Uviéu F. C. Uviéu
1933-34 Uviéu F. C. Uviéu
1934-35 Uviéu F. C. Uviéu
1935-36 Uviéu F. C. Uviéu Campeonatu Astur-Gallegu
1936-37 -- -- Nun se disputó pola Guerra Civil
1937-38 -- -- Nun se disputó pola Guerra Civil
1938-39 -- -- Nun se disputó pola Guerra Civil
1939-40 Real Xixón Xixón

Títulos por clubesEditar

Club Campeonatos
Real Sporting de Xixón 13
Real Uviéu
(inclúi Campeonatu Astur-Gallegu y Astur-Cántabru)
7
Real Stadium Club Ovetense 1

BibliografíaEditar

ReferenciesEditar

Enllaces esternosEditar