Real Uviéu Femenín
El Real Uviéu Femenín (anteriormente Uviéu Modernu Club de Fútbol o abreviadamente Uviéu Modernu y oficialmente Real Oviedo Femenino) ye un equipu de fútbol femenín con sede na ciudá asturiana d'Uviéu. Na temporada 2017/18 participa en la Segunda División Femenina d'España.
Real Uviéu Femenín | |||
|---|---|---|---|
| Situación | |||
| Estáu | España | ||
| Datos | |||
| Tipu | equipu de fútbol femenín | ||
| Fundáu en | 1980 | ||
| Presidente |
 José Moro | ||
| Entrenador |
Álex Rodríguez | ||
| Categoría | Segunda División Femenina d'España | ||
| Instalaciones | |||
| Estadiu | Estadio Manuel Díaz Vega | ||
| Uniforme | |||
| |||
|
Web oficial | |||
 | |||
Historia editar
L'equipu foi fundáu'l 24 de xunu de 1980 nel barriu uvieín de La Corredoria por Ana Lacalle y Luis Miguel Cienfuegos. Dos años dempués federóse col nome Méxicu-La Corredoria Club de Fútbol y empezó a xugar na Lliga Rexonal Asturiana, de la que quedó campeón en delles ocasiones. Por motivos de patrociniu, el club camudó'l so nome a Club de Fútbol Femenino Tradehi na temporada 1984/85, na que participó na Lliga Ástur-Lleonesa. Dos temporaes dempués proclamóse campeón d'esta lliga, lo que supunxo'l so ascensu Segunda División Femenina d'España. Nesta categoría permaneció dos años, pos na temporada 1989/90 xubió a División d'Honor, la máxima categoría del fútbol nacional d'entós. Nel añu 1996 pasó a denominase Peña Azul Uviéu Femenín y, al sumir la División d'Honor, participó na so socesora, la Lliga Nacional. Esi mesmu añu creóse'l primer equipu filial. La División d'Honor o Superliga restablecióse na temporada 2001/02, y nella participó'l club col nome de Club de Fútbol Uviéu Modernu Universidá, gracies al sofitu recibíu pol Conceyu d'Uviéu y pola Universidá d'Uviéu. Permaneció nesta categoría hasta la temporada 2007/08, cuando baxó al grupu II de Segunda División tres un mal añu nel que acabó en penúltima posición. Sicasí, nun tardó en recuperar la categoría perdida, pos al añu siguiente consiguió quedar primero del so grupu y superar na fase d'ascensu al Atléticu Jienense y a la Fundación Albacete. Na temporada 2010-11 volvió baxar a de categoría. Vuelve a la Primer División Nacional femenina la na temporada 2013/2014, y baxa de nuevu a Segunda División dos temporaes dempués.
El 28 d'agostu de 2017 l'Uviéu Modernu y el Real Uviéu roblen un conveniu col cual el club pasa a formar parte de la estructura del club uvieín, camudando la so denominación a Real Uviéu Femenín.[1]
Ver tamién editar
Referencies editar
- ↑ Páxina oficial del Real Uviéu (ed.): «L'Uviéu Modernu conviértese en Real Uviéu Femenín» (castellanu). Consultáu'l 8 d'abril de 2018.
Enllaces esternos editar
Datos: Q7114155
