Rebecca Gayheart

Rebecca Gayheart (12 d'agostu de 1971, Hazard ^(es) ) ye una actriz d'Estaos Xuníos.

Rebecca Gayheart
Vida
Nacimientu	Hazard (es) , 12 d'agostu de 1971 (53 años)
Nacionalidá	Estaos Xuníos
Familia
Casada con	Eric Dane (2004 – )
Pareyes	Marco Leonardi
Fíos/es	2
Estudios
Estudios	Institutou de Teatru y Cine Lee Strasberg Professional Children's School (en) Knott County Central High School (en)
Llingües falaes	inglés
Oficiu	direutora de cine, modelu, actriz de televisión, actriz de cine, actriz de teatru
IMDb	nm0001261

Vida personal

Nació nuna familia con ascendencia de los indios cherokee. En ganando dellos certámenes de guapura na so etapa escolar y exercer de modelu en Nueva York, Rebecca estudió interpretación nel Lee Strasberg Institute. Foi protagonista d'un luctuoso incidente automovilísticu nel añu 2001, cuando pilló y mató a un neñu de nueve años d'edá nun pasu de cebra. L'actriz foi condergada a un añu ensin poder conducir y a tres años de cárcel, que finalmente pasó en llibertá condicional, realizando servicios pa la comunidá. Foi pareya sentimental del direutor Brett Ratner, quien dirixiera a Rebecca nun curtiu de primeres de la so carrera. Nel añu 2004 casóse col actor Eric Dane. Tienen dos fíos de mancomún, llamaes Billie Beatrice y Xeorxa Geraldine Dane, esta postrera nacida'l 28 d'avientu de 2011.

Carrera artística

Debutó nel cine con Somebody is Waiting (1996), un drama protagonizáu por Gabriel Byrne. Más tarde foi enanchando'l so currículum con películes con papel protagonista, como Lleenda urbana (1998) o Jawbreaker (1999). Primeramente apaeciera en Scream 2 (1997). Nel añu 1992 participó na serie de televisión Loving. Más tarde, nel mesmu mediu, podría ser vista en Tierra 2 (1994), Wasteland (1999) y Tan muertos como yo (2003).

Filmografía

• Somebody is waiting (1996) de Martin Donovan.
• Nothing to Lose (1997) de Steve Oedekerk.
• Scream 2 (1997) de Wes Craven.
• Hairshirt (1998) de Dean Paras.
• Lleenda urbana (1998) de Jamie Blanks.
• Puppet (1999) de Felix R. Limardo
• Jawbreaker (1999) de Darren Stein.
• From Dusk till Dawn 3: The Hangman's Daughter (2000) de P. J. Pesce
• La hora de les solombres (2000) d'Isaac H. Eaton
• Lleenda urbana 2 (2000) de John Ottman.
• Harvard Man: Xuegu peligrosu (2001) de James Toback.
• Pipe dream (2002) de John Walsh.
• Love, fera and rabbits (2005) de Rafael Riera.
• Santa's slay (2005) de David Steiman.

Enllaces esternos

• Wikimedia Commons acueye conteníu multimedia sobre Rebecca Gayheart.
• Rebecca Gayheart na Internet Movie Database (n'inglés)
• Rebecca Gayheart na Internet Broadway Database (n'inglés)
• Rebecca Gayheart n'AllMovie (n'inglés)

• Datos: Q241681
• Multimedia: Rebecca Gayheart