Revista Biblioasturias
La Revista Biblioasturias ye la publicación de la Rede de Biblioteques Públiques del Principáu d'Asturies, editada pola Conseyería d'Educación y Cultura, Viceconseyería de Cultura y Deporte.
| Revista Biblioasturias | |
|---|---|
| Datos | |
| Idioma | castellanu |
 | |
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
De magar empezó, informa de los servicios, actividaes y proyeutos que desenvuelven les biblioteques asturianes, siendo una ferramienta pa la rellación ente los profesionales de les biblioteques y los sos usuarios. Pero los sos conteníos van más allá de los puramente bibliotecarios porque tien como ún de los sos oxetivos principales el d'ayudar al espardimientu de la lliteratura asturiana, poniendo una atención especial a los sos autores, editoriales y les sos obres, tanto en castellanu como n'asturianu.
Les seiciones habituales de la revista son: Actualidá (con dos subseiciones: Noticies de la rede de Biblioteques y Actualidá de les lletres asturianes), De visita, Dinamización, Coleiciones pa descubrir, Reportaxes, Entrevistes, Cinco x Cinco, Pa buscar nos estantes y Escaparate lliterariu.
De magar se creó hasta marzu del 2014, Jesús Fernández Álvarez fixo la coordinación y caltenimientu; a partir d'esa fecha, encárgase la Seición de Coordinación Bibliotecaria.
Publicación editar
Empecipió la publicación n'abril del 2006 y a lo llargo d'estos años foi evolucionando:
- D’abril del 2006 a abril del 2011 publicóse en papel. Primero con una periodicidá trimestral, en formatu foliu y una tirada de 15.000 exemplares, el diseñu correspondía a Luis Santullano. A partir del segundu trimestre del 2010, hubo un cambéu de formatu, a tamañu cuartiya, y de maquetación, cola mira de facela más amañosa y accesible. Tamién se baxaba la tirada a 12.000 exemplares y la direición de diseñu y arte recayía en Ricardo Villoria. Incorporábase un cuadernín nuevu, "Asturies con toles lletres", que se presentaba como una marca asociada a les iniciatives rellacionaes col llibru y la llectura promovíes pola Conseyería de Cultura y Turismu.
- A partir del añu 2012 la edición pasa a ser dixital, denominándose Biblioasturias.com.
Referencies editar
Enllaces esternos editar
Datos: Q24940850
