Rho Bootis
Rho Bootis (ρ Boo / 25 Bootis / HD 127665)[8] ye una estrella na constelación de Bootes de magnitú aparente +3,57. Forma una doble óptica con σ Bootis, siendo la separación ente dambes de 52 minutos d'arcu. En realidá nun formen un verdaderu sistema binariu, pos mientres Rho Bootis alcuéntrase a 149 años lluz del Sistema Solar, σ Bootis alcuéntrase a un terciu d'esta distancia.
Coordenaes: 
14h 31m 49.789s, 30° 22′ 17.172″
Rho Bootis ye una xigante naranxa de tipu espectral K3III con una temperatura efectivo de 4400 K. La so lluminosidá ye 112 vegaes mayor que la del Sol, con un diámetru, llográu a partir de la midida del so diámetru angular, 18,6 vegaes mayor que la solar. La so velocidá de rotación ye bien baxa, 1,3 km/s, dando llugar a un llargu periodu de rotación de 1,89 años a lo más, siendo éstos valores llende, yá que se desconoz l'enclín del so exa de rotación al respective de nós. Piénsase que ye una estrella xigante que'l so rellumu ta aumentando per segunda vegada con un nucleu inerte de carbonu y oxíxenu.[9]
Una compañera visual a 42 segundos d'arcu y magnitú 12 ye una estrella na mesma llinia de visión, ensin una rellación física real con Rho Bootis.[9]
Denominación tradicional
editarNa tradición astronómica china, 梗河 (Gěng Hé), ye la constelación de la llanza celestial y qu'arrexunta a un asterísmo formáu poles estrelles centrales de la figura Bootes: ρ Bootis, ε Bootis y σ Boötis.[10] Arriendes d'ello, ρ Bootis ye denomada como la tercer estrella de la llanza celestial:梗河三 (Gěng Hé sān)[11]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ 4,0 4,1 David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1): páxs. 209–231. doi:.
- ↑ Henrique Schmitt (20 avientu 2017). «Fundamental Parameters of 87 Stars from the Navy Precision Optical Interferometer» (n'inglés). The Astronomical Journal (1): páxs. 30-45. doi:.
- ↑ «Homogeneous abundance analysis of FGK dwarf, subgiant, and giant stars with and without giant planets» (n'inglés). Astronomy and Astrophysics. 23 xunetu 2015. doi:.
- ↑ «The Perkins catalog of revised MK types for the cooler stars» (n'inglés). The Astrophysical Journal Supplement Series: páxs. 245–266. ochobre 1989. doi:.
- ↑ Rho Bootis (SIMBAD)
- ↑ 9,0 9,1 Rho Bootis (Stars, Jim Kaler)
- ↑ (en chinu) 中國星座神話, written by 陳久金. Published by 台灣書房出版有限公司, 2005, ISBN 978-986-7332-25-7.
- ↑ (en chinu) AEEA (Actividaes pa la Exhibición y Educación n'Astronomía) 天文教育資訊網 2006 年 6 月 29 日 Archiváu 2021-06-05 en Wayback Machine
Coordenaes: 14h 31m 49.789s, 30° 22′ 17.172″
Datos: Q2545896
