Roca llunar
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Roca llunar, ye'l términu emplegáu pa les roques formaes na Lluna. Les misiones Apollo d'Estaos Xuníos y el programa Lluna de la Xunión Soviética recolectaron in situ delles roques llunares y muestres d'estes. Demientres les seyes espediciones Apollo qu'alunizaron recoyéronse 2415 muestres de pesu total de 382 kg. La mayoría recoyíes poles misiones Apollo 15, Apollo 16 y Apollo 17, ente les trés, un total de 326 kg de muestres.
.jpg)
Recoyíu pol Apollo 16 cerca del Cráter Descartes.
Muséu Nacional d'Historia Natural (Washington DC).
Les muestres de roca llunar se recoyéronse per aciu del usu de d'estremaes ferramientas, incluyendo martiellos, rastrillos, pales, etc. La mayoría foron fotografiades enantes de ser recoyíes pa rexistrar les condiciones naturales en que s'alcontraben na Lluna. Depositáronse en bolses de muestres y éstes en "contenedores de muestres n'ambientes especiales" pal so regresu a la Tierra (planeta), de forma que quedaren protexíes de la contaminación.
En xeneral, les roques recoyíes na Luna son munchu más vieyes que les que puen atopase na Tierra, según les téuniques de datación radiométrica. La muestra más reciente ye más antigua que les más antigües roques localizaes na Tierra. Les muestres datan d'ente hai 3200 millones d'años, casu de les muestres de basaltu de los mares llunares hasta hai 4600 millones d'años, casu de les muestres de zones altes. Son polo tanto muestres d'un periodu mui tempranu na formación del Sistema Solar.
Les roques poseen carauterístiques mui asemeyaes a les roques de la Tierra, especialmente en cuantes a la cantidá d'isótopos d'osíxenu. Pero les roques de la Lluna tienden a ser relativamente baxes en fierru, y nun contienen elementos químicos volátiles talos como potasiu y sodiu. Amás, carecen dafechu d'agua.
| Misión Llunar |
Muestra Recoyida |
|---|---|
| Apollo 11 | 22 kg |
| Apollo 12 | 34 kg |
| Apollo 14 | 43 kg |
| Apollo 15 | 77 kg |
| Apollo 16 | 95 kg |
| Apollo 17 | 111 kg |
| Lluna 16 | 101 g |
| Lluna 20 | 55 g |
| Lluna 24 | 170 g |
Ente los minerales afayaos na Lluna ta l'armalcolita, bautizada asina n'honor a los trés astronautes de la misión histórica del Apollo 11: Armstrong, Aldrin y Collins.
El principal almacén de roques llunares ye'l Llaboratoriu de Receición Llunar del centru espacial Lyndon B. Johnson, en Houston. Por motivos de seguridá, esiste tamién una coleición menor na base de la Fuercia Aérea Brooks en San Antoniu. La mayoría de les roques guardense baxu fríu estremu, en nitróxenu llíquidu, p'asina calteneles llibres de la humedá o d'otros axentes esternos. Nmaí se puen manexar indireutamente emplegando ferramientes especiales.
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre Roca llunar.
Datos: Q318438- Multimedia: Lunar samples
