Roser Gonzàlez i Duarte
Roser Gonzàlez i Duarte (1945, Barcelona) ye una xenetista española pionera nel diagnósticu de patoloxíes hereditaries oculares y distrofies de la retina. Ye la fundadora y direutora de DBGen,[2] empresa pionera nel diagnósticu xenéticu de patoloxíes oculares,[3] y catedrática de la Universidá de Barcelona (UB).[4]
Roser Gonzàlez i Duarte | |
|---|---|
| Vida | |
| Nacimientu | Barcelona, 1945 (78/79 años) |
| Nacionalidá |
 España |
| Familia | |
| Hermanos/es | Pilar González i Duarte |
| Estudios | |
| Estudios | Universidá de Barcelona |
| Llingües falaes |
castellanu inglés |
| Oficiu | científica |
| Premios |
ver
|
 | |
Trayeutoria
editarGonzàlez llicencióse en Ciencies Químiques pola UB en 1967, dempués de lo que doctoróse en Bioloxía nel Departamentu de Xenética de la mesma universidá en 1971. Un añu más tarde, fizo una estancia posdoctoral de dos años nel Departamentu de Bioloxía Molecular de la Universidá d'Edimburgu. Al so regresu a España, en 1974, empezó la so carrera docente como profesora interina del Departamentu de Xenética de la Universidá de Barcelona, na qu'introduxo la materia de Xenética Molecular na Facultá de Bioloxía. En 1988 consiguió la cátedra de Xenética que sigue ocupando na actualidá.[5]
Les sos llinies d'investigación xiren alredor de les bases moleculares y xenétiques de les enfermedaes hereditaries de la retina y de la evolución de los xenes y proteínes encargaos de metabolizar los alcoholes en Drosophila. En xineru de 2018 fundó DBGen, una empresa formada por un grupu de 25 científicos, especializada nel diagnósticu de patoloxíes hereditaries oculares per aciu téuniques de secuenciación de nueva xeneración (NGS), gracies a les qu'afayóse la esistencia de más de 500 xenes causantes de la ceguera hereditaria, qu'afecta a más de 4 millones de persones a nivel mundial.[3] Arriendes de esti descubrimientu desenvolvieron el Chip-DR, qu'identifica los xenes candidatos pal diagnósticu y que s'erixe como una ferramienta primordial pa la priorización de families con miembros afeutaos y entamar la gueta de nuevos xenes.[5]
Gonzàlez espublizó alredor de 200 artículos en revistes científiques de sonadía internacional, dirixó una ventena de tesis doctorales y dirixó más de 50 proyeutos d'investigación. Foi direutora del Departamentu de Xenética del 1964-94 y dende 2000 hasta l'actualidá, y Presidenta de la Sociedá Española de Xenética ente 1994-1998. Ye miembru de l'Asociación de Bioética y Derechu,[6] Tesorera de la Xunta Directiva de l'Asociación de Muyeres Investigadores y Tecnólogues,[7] direutora del grupu d'investigación de Xenética Molecular del Departamentu de Xenética de la UB dende 1988 y responsable de la unidá d'investigación del Institutu de Microciruxía Molecular, asina como xefa del grupu del CIBERER.[4]
Referencies
editar- ↑ URL de la referencia: https://scb.iec.cat/7a-edicio-del-premis-scb/.
- ↑ (en castellán) Equipo - DBGen. DBGen. https://dbgen.org/equipo/. Consultáu'l 29 de xunu de 2018.
- ↑ 3,0 3,1 La nova empresa DBGen, impulsada per la UB, ofereix un diagnòstic de precisió per a malalties oculars hereditàries. La Vanguardia. http://www.lavanguardia.com/vida/20180223/441000664612/la-nova-empresa-dbgen-impulsada-per-la-ub-ofereix-un-diagnostic-de-precisio-per-a-malalties-oculars-hereditaries.html. Consultáu'l 29 de xunu de 2018.
- ↑ 4,0 4,1 (en castellán) Principales avances en la genética y la terapia de la retinosis pigmentaria después de más de 20 años de estudio. retinosis.org. 14 d'agostu de 2008. https://retinosis.org/principales-avances-en-la-genetica-y-la-terapia-de-la-retinosis-pigmentaria-despues-de-mas-de-20-anos-de-estudio/. Consultáu'l 29 de xunu de 2018.
- ↑ 5,0 5,1 «Departament de Genètica. Universitat de Barcelona». Consultáu'l 29 de xunu de 2018.
- ↑ (en castellán) Roser Gonzàlez Duarte. Observatoriu de Bioética y Derechu (OBD) de la Universidá de Barcelona. 22 de xineru de 2014. http://www.bioeticayderecho.ub.edu/es/roser-gonzalez-duarte. Consultáu'l 29 de xunu de 2018.
- ↑ Balears, Universitat de les Illes (en castellán). mano.cid536470 Roser González Duarte llega a la UIB de la mano del ciclu «Dones qu'inspiren». http://diari.uib.es/Seccions/Futurs-alumnes/Arxiu/Roser-Gonzalez-Duarte-llega-a-la-UIB-de-la mano.cid536470. Consultáu'l 29 de xunu de 2018.
Enllaces esternos
editar
Datos: Q55262303
