Sóviet
Un sóviet[1] ye una asamblea, convocatoria o conseyu obreru de trabayadores rusos. Los primeros sóviets fueron el raigañu de la Revolución Rusa de 1905 y orixinalmente'l términu facía referencia a les asamblees d'obreros, soldaos y llabradores que fueron fundamentales pal trunfu de la Revolución d'ochobre de 1917, según la base pa la formación de la República Socialista Federativa Soviética de Rusia primeru y de la Unión de Repúbliques Socialistes Soviétiques en 1922. La Constitución soviética de 1918, colos bolxeviques yá nel poder, entamó l'alministración política del Estáu nun sistema inversamente xerárquicu y democráticu (esto ye, de baxo enriba) de conseyos d'obreros, llabradores y soldaos. El primeru fundóse na ciudá d'Ivánovo.
| Sóviet | |
|---|---|
Consejo obrero (es)  , organización política y conseyu | |
 | |
 |
La estructura xerárquica del Estáu, que diba de baxo escontra riba y de riba escontra baxo —unu de los principios del centralismu democráticu leninista— taba conformada por socesivos conseyos hasta llegar a la máxima autoridá, el Sóviet Cimeru. Nun nivel mediu ente los gobiernos llocales y el poder federal, cada República Socialista Soviética tenía'l so propiu Sóviet Cimeru. Magar, cola institucionalización del país escontra 1924, y la paulatina burocratización de la Estáu obreru, los sóviets empezaron a perder una gran parte del so poder real y capacidá de decisión a nivel llocal o de base, convirtiéndose de la mesma, en niveles superiores, n'órganos de gobiernu al estilu de los parllamentos d'otros estaos. Asina, la Xunión Soviética, llueu adquirió un sistema políticu de tipu "parllamentariu" con un únicu partíu, nel que'l xefe d'Estáu o Presidente del Presidium del Sóviet Cimeru, yera escoyíu pol poder llexislativu (ésti últimu). El poder executivu exercíalo'l Conseyu de Ministros, que'l so nome orixinal en rusu yera Sóviet de Comisarios del Pueblu.
Ver tamién
editarReferencies
editar- ↑ Esti términu apaez nel Diccionariu de l'Academia de la Llingua Asturiana. Ver: sóviet
Enllaces esternos
editar
Wikimedia Commons acueye conteníu multimedia sobre Sóviet.
