S Cassiopeiae
S Cassiopeiae (S Cas / HD 7769 / SAO 4374)[7] ye una estrella variable na constelación de Cassiopeia. Al nun esistir una midida de la so paralax per parte del satélite Hipparcos, la so distancia al Sistema Solar envalórase ente 1430[8] y 2770[9] años lluz.
Coordenaes: 
1h 19m 41.975s, 72° 36′ 40.858″
De tipu espectral S3,4y-S5,8y,[9] S Cassiopeiae ye una estrella de tipu S, similar a χ Cygni; éstes son xigantes coloraes similares a les de tipu M, sacante en que los óxidos dominantes nel so espectru son los formaos por metales del quintu periodu de la tabla periódica, como circoniu o itriu. Otra carauterística d'esta clase d'estrelles ye la perda de masa estelar; nel casu de S Cassiopeiae ésta envalórase en 3,5 × 10-6 vegaes la masa solar per añu.[8] Ye una de les estrelles conocíes de mayor tamañu. Anque lloñe de hiperxigantes como VY Canis Majoris o Mu Cephei, el so radiu ye 930 vegaes más grande que'l radiu solar;[10] si tuviera nel llugar del Sol, la so superficie casi algamaría la órbita de Xúpiter. La so temperatura superficial ye bien baxa —1800 K— y la so lluminosidá ye 8000 vegaes superior a la lluminosidá solar.[8]
Segunda variable descubierta nesta constelación dempués de R Cassiopeiae, S Cassiopeiae ye, al igual qu'ésta, una variable Mira. El so rellumu bazcuya ente magnitú +7,9 y +16,1 a lo llargo d'un periodu de 612,43 díes. Les variables Mira son estrelles nos últimos estadios del so evolución que la so inestabilidá provién de pulsaciones na so superficie, provocando cambeos nel so color y rellumu. Dalgunes d'elles, ente les que s'atopa S Cassiopeiae, amuesen emisión máser de SiO. En S Cassiopeiae la emisión presenta una acusada polarización circular.[11]
Ver tamién
editarReferencies
editar- ↑ 1,0 1,1 Afirmao en: General Catalogue of Variable Stars.
- ↑ Afirmao en: SIMBAD.
- ↑ 3,0 3,1 3,2 3,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ 4,0 4,1 4,2 Afirmao en: VizieR Online Data Catalog: 2MASS All-Sky Catalog of Point Sources (Cutri+ 2003). Autor: Schuyler D. Van Dyk. Páxina: -1. Llingua de la obra o nome: rusu. Data d'espublización: xunu 2003.
- ↑ «Vitesses radiales. Catalogue WEB: Wilson Evans Batten. Radial velocities: The Wilson-Evans-Batten catalogue». Astronomy and Astrophysics: páxs. 269–280. avientu 1995.
- ↑ «A revised spectral classification system in the red for S stars» (n'inglés). The Astrophysical Journal: páxs. 538–547. 1979. doi:.
- ↑ S Cassiopeiae - Variable Star of Mira Cet type (SIMBAD)
- ↑ 8,0 8,1 8,2 Ramstedt, S.; Schöier, F. L.; Olofsson, H.; Lundgren, A. A. (2006). «Mass-loss properties of S-stars on the AGB». Astronomy and Astrophysics 454 (2). pp. L103-L106. http://cdsads.u-strasbg.fr/cgi-bin/nph-bib_query?2006A%26A...454L.103R&db_key=AST&nosetcookie=1.
- ↑ 9,0 9,1 Guandalini, R.; Busso, M. (2008). «Infrared photometry and evolution of mass-losing AGB stars. II. Luminosity and colors of MS and S stars». Astronomy and Astrophysics 488 (2). páxs. 675-684. http://adsabs.harvard.edu/cgi-bin/bib_query?arXiv:0806.4591.
- ↑ Ramstedt, S.; Schöier, F. L.; Olofsson, H. (2009). «Circumstellar molecular line emission from S-type AGB stars: mass-loss rates and SiO abundances». Astronomy and Astrophysics 499 (2). 515-527. http://cdsads.u-strasbg.fr/cgi-bin/nph-bib_query?2009A%26A...499..515R&db_key=AST&nosetcookie=1.
- ↑ Herpin, F.; Baudry, A.; Thum, C.; Morris, D.; Wiesemeyer, H. (2006). «Full polarization study of SiO masers at 86 GHz». Astronomy and Astrophysics 450 (2). páxs. 667-680. http://cdsads.u-strasbg.fr/cgi-bin/nph-bib_query?2006A%26A...450..667H&db_key=AST&nosetcookie=1.
Coordenaes: 1h 19m 41.975s, 72° 36′ 40.858″
Datos: Q9072397
