Sablera de Fabal

La sablera de Fabal atópase na llocalidá de Téifaros, nel conceyu asturianu de Navia. Ta dientro de la Mariña Occidental d'Asturies y presenta proteición ZEPA y LIC.

Sablera de Fabal
Carauterístiques xenerales
Llocalización	Navia
Coordenaes	43°33′35″N 6°41′29″W
Sablera de Fabal Sablera de Fabal (Asturies)
Anchor mediu	45 metros / muncha variación.
Grau ocupación	baxu.
Grau urbanización	aisllada.
Carauterístiques específiques
Composición	Arena.
Mena de sable	granu mediu y turráu
Condiciones bañu	aguaxe fuerte
Aspeutos medioambientales
Presencia vexetación	Sí
Accesibilidá
Tipu d'accesu	a cuerpu fácil.
[editar datos en Wikidata]

Descripción

Presenta forma de concha, con un llargor d'unos 150 m y un anchor medio d'unos 35 m. La so redolada ye rural, con un grau d'urbanización mediu y una peligrosidá baxa. L'accesu piatonal ye d'unos 500 m de llargor. El sable tien color turráu y el so granu ye de tipu mediu. Ta recoyida ente cantiles nos estremos y tien una gran guapura y tresmite una gran tranquilidá.

Los pueblos más próximos son Les Cortines y Téifaros. P'aportar a la sablera hai que llegar a Téifaros y travesar un gran pinar onde yá nun ye posible siguir col coche y hai que dexalo ellí. Tómase un camín en direición nordeste acolumbrando en primer llugar la Sablera de Frexulfe. Según empiézase'l descensu escontra la cota del mar vese a la izquierda el gran pedreru de la Sablera de Teifaros. Los últimos metros de baxada tienen una cierta dificultá polo qu'hai que tomar los debíos procuros. La sablera tien un cantil fósil d'unos cien metros de llargor. La sablera escarez de cualquier serviciu, y les actividaes encamentaes son la pesca recreativa con caña o la pesca somarina.

Referencies

• Datos: Q6078745