Sada Thompson
Sada Carolyn Thompson (27 de setiembre de 1927, Des Moines – 4 de mayu de 2011, Danbury) foi una actriz teatral, cinematográfica y televisiva d'Estaos Xuníos.
Sada Thompson | |
|---|---|
.jpg) | |
| Vida | |
| Nacimientu | Des Moines, 27 de setiembre de 1927[1] |
| Nacionalidá |
 Estaos Xuníos |
| Llingua materna | inglés |
| Muerte | Danbury, 4 de mayu de 2011[2] (83 años) |
| Causa de la muerte | cáncanu de pulmón |
| Estudios | |
| Estudios |
Universidá Carnegie Mellon Scotch Plains-Fanwood High School (en)  |
| Llingües falaes | inglés |
| Oficiu | actriz de teatru, actriz de cine, actriz de televisión, actriz |
| Premios | |
| IMDb | nm0860681 |
 | |
Primeros años. Carrera
editarNacida en Des Moines, Iowa,[3] los sos padres yeren Hugh Woodruff Thompson y Corlyss Gibson. Crióse en Nueva Jersey,[4] consiguiendo'l títulu de Llicenciada en Teatru nel Institutu Carnegie de Teunoloxía,[4] dempués de lo que trabayó de manera estable con compañíes rexonales de teatru n'obres tales como La gavilueta, Pigmalión, Our Town, L'home y les armes, y Blithe Spirit.[3] Amás, recibió formación teatral nel centru Pittsburgh Playhouse, col cual actuó en numberoses producciones.[5]
Debutó nel teatru Off-Broadway en 1955 con una producción de Sol monte lácteo,[4] y al añu siguiente actuó en televisión en Goodyear Television Playhouse. La so primer actuación nel circuitu de Broadway tuvo llugar en 1959 col musical Juno. Otres obres nes qu'intervieno en Nueva York fueron The Effect of Gamma Rays on Man-in-the-Moon Marigolds, Tartufo, y Twigs. Les sos interpretaciones teatrales valiéron-y un Premiu Obie, un Tony a la Meyor Actriz Principal nuna Obra de Teatru, tres Premios Drama Desk y dos Premios Sarah Siddons, el postreru d'ellos poles sos actuaciones nel circuitu teatral de Chicago. Amás foi escoyida pa formar parte del American Theatre Hall of Fame.
Al cercu del so ésitu en Twigs, Thompson consiguió'l papel d'Irene Lorenzo na serie televisiva All in the Family. Sicasí, en grabando'l primer episodiu, foi reemplazada por Betty Garrett, pos surdieron diferencies ente ella y el productor Norman Lear sobre la manera en que tenía d'interpretase'l personaxe.[4]
La so actuación como la matriarca Kate Lawrence en Family valió-y el Primetime Emmy a la meyor actriz - Serie dramática de 1978, según tres nominaciones al Globu d'Oru a la meyor actriz de serie de televisión - Drama. En total, foi nomada al Premiu Emmy un total de nueve veces, ganando una d'elles. Otres de les producciones televisives nes cualos actuó Thompson fueron Owen Marshall: Counselor at Law, The Love Boat, Father Dowling Mysteries, Andre's Mother, Cheers, Enxuiciamientu: El Casu McMartin, y Law & Order. De los sos llargumetraxes destaquen The Pursuit of Happiness, Desperate Characters, y Pollock.
Vida personal
editarThompson casóse con Donald Y. Stewart el 18 d'avientu de 1949,[3] permaneciendo la pareya xunida hasta la muerte d'ella. Dambos vivieron en Southbury, Connecticut, y tuvieron una fía, la diseñadora Tema Stewart.[6]
Sada Thompson finó'l 4 de mayu de 2011 en Danbury (Connecticut), por causa de una enfermedá pulmonar. Tenía 83 años d'edá.[6]
Referencies
editar- ↑ Afirmao en: SNAC. Identificador SNAC Ark: w6q9470v. Apaez como: Sada Thompson. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://www.nytimes.com/2011/05/06/arts/sada-thompson-actress-known-for-maternal-roles-dies-at-83.html.
- ↑ 3,0 3,1 3,2 FilmReference.com
- ↑ 4,0 4,1 4,2 4,3 AllMovie.com
- ↑ Conner, Lynne (2007). Pittsburgh In Stages: Two Hundred Years of Theater. University of Pittsburgh Press. páxs. 152. ISBN 978-0-8229-4330-3. Retrieved 6 de xunu de 2011.
- ↑ 6,0 6,1 Weber, Bruce (5 de mayu de 2011). «Sada Thompson, Actress Known for Maternal Roles, Dies at 83». New York Times. http://www.nytimes.com/2011/05/06/arts/sada-thompson-actress-known-for-maternal-roles-dies-at-83.html. Consultáu'l 6 de mayu de 2011.
Enllaces esternos
editar- Sada Thompson na Internet Broadway Database (n'inglés)
- Sada Thompson na Internet Movie Database (n'inglés)
- Sada Thompson n'Internet Off-Broadway Database (inglés)
Datos: Q541839
Multimedia: Sada Thompson
