San Andrés y Sauces

San Andrés y Sauces ye un conceyu español perteneciente a la provincia de Santa Cruz de Tenerife. Ta asitiáu nel nordeste de la islla canaria de La Palma. El so códigu postal ye 38720.

San Andrés y Sauces
Alministración
País	España
Autonomía	Canaries
Provincia	Provincia de Santa Cruz de Tenerife
Tipu d'entidá	conceyu d'España
Alcalde de San Andrés y Sauces (es)	Francisco Javier Paz Exposito
Nome oficial	San Andrés y Sauces (es)
Nome llocal	San Andrés y Sauces (es)
Xeografía
Coordenaes	28°48′16″N 17°46′27″W
Superficie	42.75 km²
Llenda con	Barlovento, El Paso y Puntallana
Altitú media	260 m
Demografía
Población	4219 hab. (2023)
Densidá	98,69 hab/km²
Más información
Estaya horaria	UTC+01:00
sanandresysauces.es

Tien una estensión de 42,75 km² y una población de 4.171 habitantes (INE, xineru de 2016). L'altitú del centru del conceyu (Los Sauces) ye de 250 metros sobre'l nivel del mar.

Historía

Mientres dalgún tiempu fueron dos nucleos estremaos, San Andrés na mariña y Los Sauces nes medianías. Tres la crisis de la caña d'azucre empecipió'l cayente de dambos lo que produció que finalmente se xunieren. Por cuenta de ser llugar de camín de la carretera del norte, Los Sauces creció en población ente que San Andrés enllancóse.

Naturaleza

El conceyu destaca pola so masa montiega de laurisilva, los sos fondos ribayos, los sos bancales y cultivos de plátanos. Dellos llugares d'interés son el ribayu y monte de los Tilales, Los Nacientes de Marcos y Corderu, El Molín El Rexente, El Charcu Azul (piscines naturales), El Puertu Espíndola, Ilesia de San Andrés, según los nucleos de población, onde atopamos bones muestres d'arquiteutura tradicional.

Economía

San Andrés

La economía xira en redol al plátanu principalmente, siendo l'únicu otru cultivu d'importancia la caña d'azucre, que s'usa na única destilería de la islla pa fabricar el Ron L'Aldea. Otru cultivu minoritariu ye'l ñame, que se cultiva nes fasteres húmedes encharcadas de los ribayos. Los sauceros son conocíos en La Palma como "Ñameros".

Población

Na mariña atopa Puertu Espíndola, un pequeñu puertu pesqueru qu'enantes foi la principal vía de comunicación del conceyu, primero que se construyera nel sieglu XX la carretera.

Na mariña atópense tamién les piscines naturales del Charcu Azul, pequeñu centru turísticu del conceyu.

Evolución demográfica

Gráfica d'evolución de San Andrés y Sauces ente 1900 y 2011

Ver tamién

• La Palma
• Llista de conceyos de Santa Cruz de Tenerife

Enllaces esternos

• Web Municipal
• Asociación pal Desenvolvimientu Rural de la Isla de La Palma.
• Asociación de Comerciantes y Empresarios de San Andrés y Sauces, La Palma

• Datos: Q434192
• Multimedia: San Andrés y Sauces