San Zabornín

San Zabornín, ye un pueblu asturianu asitiáu nes parroquies d'El Pieloro (Carreño) y de Cardo (Gozón).

Estación de tren de San Zabornín con Muñiz (xefe d'estación) na ventana. (1964)

XeografíaEditar

El pueblu ta xebráu ente los dos conceyos pela carretera CE-1 que va de Tresona a Candás pel Pantanu de La Granda.

ToponimiaEditar

El nome del pueblu débelu al so patronu San Zabornín de Tolosa.

DemografíaEditar

Nos primeros años d'ENSIDESA foi llugar d'abellugu pa dellos inmigrantes que dormíen n'horros, paneres y tenaes del pueblu que dellos vecinos punxeron n'alquiler.

DeporteEditar

Nel pueblu hai una gran afición al bolu de batiente, ye la sede de la Peña bolística Zanzabornín que cuenta con bolera propia.

ComunicacionesEditar

Al pueblu puede accedese per carretera o per ferrocarril. Nel casu de les carreteres anque atraviesa'l pueblu la carretera CE-1, la meyor forma pa llegar ye diendo pela AS-110, Tabaza (Tamón) - Candás, y desviase p'hacia la CE-1. En ferrocarril puede llegase al apeaderu de San Zabornín na llinia Xixón-Cuideiru de la FEVE, en tiempos del Ferrocarril de Carreño contaba con estación y terminal de carga pa madera d'ocalitu y pinu que tronzaben nos montes cercanos.

Ver tamiénEditar