Santitomás

Santitomás ye una parroquia del conceyu asturianu de Parres.

Santitomás
Alministración
País	España
Autonomía	Principáu d'Asturies
Provincia	provincia d'Asturies
Conceyu	Parres
Partíu xudicial	Cangues d'Onís
Tipu d'entidá	parroquia d'Asturies
Xeografía
Coordenaes	43°24′29″N 5°11′28″W
Santitomás Santitomás (Asturies)
Superficie	18.52 km²
Altitú	155 m
Llenda con	Cayarga, Bode, Pendás, Les Arriondes, Nevares, Fíos, Cofiñu, Gobiendes, Caravia La Baxa, Caravia L'Alta y Llinares
Demografía
Población	301 hab. (2017)
Porcentaxe	5785.25% de Parres 29.78% de provincia d'Asturies 29.78% de Principáu d'Asturies 0.64% de España
Densidá	16,25 hab/km²
Viviendes	198 (2001)
Más información
Estaya horaria	UTC+01:00

Tien una superficie de 18,52km² y una población de 301 hab. (2017).

Xeografía

Llocalidaes

Nᵘ	Nome	Población	% población Santitomás
1	Bodes		n/d
2	El Colláu		n/d
3	Collía	87	0,030,03%
4	Les Corones		n/d
5	Montalea		n/d
6	La Vita		n/d

Sitios

• Andeyes
• Arroyos
• Bustiellu
• Bustordi
• Calavera
• Casa Leandro
• Casarriba
• El Barrosu
• El Camonal
• El Campu Redondu
• El Campón
• El Candanal
• El Cierrón
• El Conventu
• El Cotaraxu
• El Cuetiquín
• El Fabar
• El Farricón
• El Farricón de Baxu
• El Farricón de Riba
• El Fenoyal
• El Gayán
• El Llanu
• El Marizal
• El Miyariegu
• El Pinal
• El Solar
• El Toral
• El Toralín
• El Valle
• El Visu
• El Zamozu
• L'Apisón
• L'Asplón
• La Boronta
• La Braña
• La Casona
• La Castañerina
• La Cruz
• La Fayona
• La Linariega
• La Llamera
• La Llana
• La Muñeca
• La Pedregala
• La Prida
• La Quintana [de Collía]
• La Quintana [de Les Corones]
• La Quintana [de Montalea]
• La Salgar
• La Teyera [de La Vita]
• La Teyera [de Les Corones]
• La Trapiella
• La Vara
• La Xibil
• Les Araes
• Les Fuentes
• Les Mates
• Les Piqueres
• Les Vegues
• Los Cagüetos
• Los Gavilanes
• Los Murios
• Los Trillones
• Solasierra
• Sotiellu
• Tranciella
• Trespiñera
• Tusienes

La fala de Santitomás

L'asturianu falau na parroquia de Santitomás pue abarcase dientro de la estaya llingüística del asturianu central. Por embargu, emplégase en tola rodiada'l sistema pronominal própiu de los pueblos asitiaos a la vera'l Seya, onde se caltién una declinación que permite estremar los pronomes acusativos me, te de los dativos mi, ti. Exemplos: Llévame a Collía en coche y Llévami esto en coche; Alcontréte pel camín y Alcontréti lo qu'andabes buscando en camín.

Formes verbales que finen dafechu n'i: 1er. y 2ª pers. sing. del pret. indef., exmp: yo tuvi, tu tuvisti; imperativos, exmps: cuerri, duermi, bebi, etc.

La esistencia d'axetivos neutros nun apaez en forma de terminacines n' o como nel asturianu más central, sinón pesllando n' u: xente buenu, ropa tendíu, cebolla picáu, etc. Asina tamién los axetivos de cantidá que siempre cierren n' u: tou, pocu, munchu. Nos únicos casos onde apaecen los neutros finaos n' o seríen en lo uno y lo otro, en contraposición al restu de casos onde apaecen ún/unu y otru.

A estos rasgos propios de l'asturianu oriental hai que suma-y tamién (o meyor dichu, resta-y) el desaniciu, casi sistemáticu, del soníu <y> nel tiempu verbal ye y asemeyaos, exmps: Esti guaḥe e faltosu, Eren un rebañáu d'hermanos.

Torna del conxuntu verbal ig al fonema y, exmps: Ten cuidáu non cayas, Les ablanes tráyotiles yo.

Produzse una metafonía en dellos femeninos con finales n' e: peñe, puerte, sidre, de sobre. Metafonía asemeyada dase en casu de la 3er pers. del plur. del pret. indef., onde la o desinencial camuda n' e, exmps: Tuvieren perequí tola tardi, Lo que-yos pusi non lo comieren.

Caltiénse la f llatina como en facer, fesoria, feder, etc., afayándola en casos tan curiosos como fachu y fortiga.

Enllaces esternos

• Datos: Q56648533