Santuarios del panda xigante de Sichuan

Santuarios del panda xigante de Sichuan - Wolong, Monte Siguniang y Montes Jianjin
Patrimoniu de la Humanidá — UNESCO
	Vista d'unos exemplares de panda xigante.
Llugar	China
Criterios	Natural: x
Referencia	1213
Inscripción	2006 (XXX Sesión)
Área	Asia y Oceanía

Los Santuarios del panda xigante de Sichuan (chinu tradicional: 四川大熊貓棲息地, chinu simplificáu: 四川大熊猫栖息地, pinyin: Sìchuān Dàxióngmāo Qīxīdì), tán asitiaos nel suroeste de la provincia de Sichuan, China. Ye'l hábitat de más del 30% de la población mundial del por demás amenaciáu panda xigante (Ailuropoda melanoleuca) y ta ente los sitios más importantes de cría en cautividá d'estos animales.

Toma una área protexida de 9245 km² distribuyíes en siete reserves naturales y nueve parques paisaxísticos nel Qionglai y los Montes Jiajin. Aparte del panda xigante, ye l'abelugu d'otres especies en víes d'estinción como son: el panda coloráu, el lleopardu de les nieves y la pantera nebulosa. Tres les selves tropicales, estos santuarios tán ente los llugares botánicamente más ricos del mundu, y son el llar d'ente 5 000 a 6 000 especies de flora. Estos hábitats fueron comparaos colos montes paleotrópicos del periodu terciariu.

Los santuarios del panda xigante de Sichuan consisten en siete reserves naturales y nueve parques paisaxísticos. Esti conxuntu de llugares protexíos foi declaráu como Patrimoniu de la Humanidá pola Unesco nel añu 2006.

Siete Reserves Naturales:
- Reserva Natural Nacional Wolong (chinu: 卧龙自然保护区)
- Reserva Natural Fengtongzhai (chinu: 蜂桶寨自然保护区)
- Reserva Natural Monte Siguniang (chinu: 四姑娘山自然保护区)
- Reserva Natural Ríu Laba (chinu: 喇叭河自然保护区)
- Reserva Natural Ríu Heishui (chinu: 黑水河自然保护区)
- Reserva Natural Jintang-Kongyu (chinu: 金汤—孔玉自然保护区)
- Reserva Natural Caopo (chinu: 草坡自然保护区)

Nueve Parques Paisaxísticos:
- Parque Paisaxísticu Monte Qingcheng y sistema de regación de Dujiangyan (chinu: 青城山—都江堰风景名胜区)
- Parque Paisaxísticu Monte Tiantai (chinu: 天台山风景名胜区)
- Parque Paisaxísticu Monte Siguniang (chinu: 四姑娘山风景名胜区)
- Parque Paisaxísticu Monte Neváu Xiling (chinu: 西岭雪山风景名胜区)
- Parque Paisaxísticu Monte Jiguan-Jiulonggou (chinu: 鸡冠山—九龙沟风景名胜区)
- Parque Paisaxísticu Monte Jiajin (chinu: 夹金山风景名胜区)
- Parque Paisaxísticu Miyaluo (chinu: 米亚罗风景名胜区)
- Parque Paisaxísticu Monte Lingzhen y Monte Daxue (chinu: 灵鹫山—大雪峰风景名胜区)
- Parque Paisaxísticu Monte Erlang (chinu: 二郎山风景名胜区)

Santuarios del panda xigante de Sichuan

Ver tamién

Referencies

Enllaces esternos