Sara Seegar
Sara Seegar Stone (1 de xunetu de 1914, Greentown (es) 
– 12 d'agostu de 1990, Langhorne (es) ) foi una actriz teatral, cinematográfica y televisiva d'Estaos Xuníos, más conocida pol so papel de "Mrs. Wilson" mientres la temporada de 1963 de la serie televisiva Dennis the Menace.
Sara Seegar | |
|---|---|
 | |
| Vida | |
| Nacimientu |
Greentown (es) , 1 de xunetu de 1914[1] |
| Nacionalidá |
 Estaos Xuníos |
| Llingua materna | inglés |
| Muerte |
Langhorne (es) , 12 d'agostu de 1990[1] (76 años) |
| Causa de la muerte | accidente vascular cerebral |
| Familia | |
| Casada con | Ezra Stone |
| Hermanos/es | Miriam Seegar |
| Estudios | |
| Estudios | Los Angeles City College |
| Llingües falaes | inglés |
| Oficiu | actriz, actriz de teatru, actriz de televisión, actriz de cine |
| IMDb | nm0781504 |
 | |
Primeros años
editarNacida en Greentown, Indiana, el so nome completu yera Sara Frances Seegar, y yera la más nueva de cinco hermanes, una d'elles l'actriz Miriam Seegar. Estudió en Londres y en París, pero finalmente graduóse na Hollywood High School y recibió un títulu d'arte dramático emitíu pol Los Angeles City College.
Rematada la so formación, Seegar foi actriz teatral en Londres, empecipiando la so carrera con Three Men on a Horse. Ella siguió actuando en Londres hasta l'entamu de la Segunda Guerra Mundial, momentu nel cual volvió a los Estaos Xuníos.[2]
Carrera
editarA partir de 1940, Seegar actuó nel circuitu de Broadway, nel cine, la radio y la televisión. Trabayó con regularidá como actriz de calter en televisión nos años 1950 y 1960, con papeles en Suspense, Perry Mason, y The Donna Reed Show, interpretando tamién a distintos personaxes na serie Bewitched.[3] Na temporada 1962-63 de Dennis the Menace, Seegar encarnó a Eloise Wilson, la muyer de John Wilson, reemplazando a Sylvia Field, qu'interpretara a Martha Wilson - la orixinal "Mrs. Wilson" – dende 1959 a 1962. Field dexó la serie en finando Joseph Kearns (George Wilson). Gale Gordon empezó entós a actuar nel papel de John Wilson, l'hermanu de George.
Vida personal
editarSara Seegar conoció a Ezra Stone mientres dambos actuaben en Horse Fever nel circuitu de Broadway en 1940. Casáronse'l 5 d'ochobre de 1942, y tuvieron un fíu, Josef Seegar Stone (1944-2010)[4][5] y una fía, Francine Lida Stone.
Sara Seegar finó en 1990 en Langhorne, Pennsylvania, por causa d'una hemorraxa cerebral.[6] Los sos restos fueron encenraos, y les cenices espardíes na Stone Meadows Farm en Newtown (condáu de Bucks, Pennsylvania).[7]
Actuaciones escoyíes
editarTeatru en Broadway
editar- At War with the Army (1949)
- School for Scandal (1953)
- Ernest in Love (1960)
Radio
editarCine
editar- Dead Men Tell No Tales (1938)
- The Music Man (1962)
Televisión
editar- The Andy Griffith Show (1960-1962)
- Dennis the Menace (1962-1963)
- Bewitched (1964-1972)
- The Brady Bunch (1972)
- The Jeffersons (1978)
Referencies
editar- ↑ 1,0 1,1 Afirmao en: Internet Movie Database. Identificador IMDb: nm0781504. Data de consulta: 11 xineru 2016. Llingua de la obra o nome: inglés.
- ↑ Hollman, Laurie (13 d'agostu de 1990). Sara Seegar Stone, Bucks Actress Featured On 'Dennis The Menace'. Philadelphia Inquirer. http://articles.philly.com/1990-08-13/news/25932556_1_broadway-debut-ezra-stone-american-college-theater-festival.
- ↑ «Sara Seegar». Dennis! - A Tribute to the 1959-1963 CBS-TV Series. Archiváu dende l'orixinal, el 2016-03-04.
- ↑ Milestones. Time. 10 d'abril de 1944. Archivado del original el 2013-08-26. https://web.archive.org/web/20130826220907/http://www.time.com/time/magazine/article/0,9171,796534,00.html. Consultáu'l 2021-02-25.
- ↑ Josef Seegar Stone, of Middletown. Bucks Local News. 28 de setiembre de 2010. http://www.buckslocalnews.com/articles/2010/09/28/obituaries/doc4ca2469feed0f948860329.txt.
- ↑ Fowler, Glenn (13 d'agostu de 1990). Sara Seegar, Actress, Dies at 76; Worked in Theater, Films and TV. New York Times. http://www.nytimes.com/1990/08/13/obituaries/sara-seegar-actress-dies-at-76-worked-in-theater-films-and-tv.html.
- ↑ «Sara Seegar». Find A Grave.
Enllaces esternos
editar- Sara Seegar na Internet Movie Database (n'inglés)
Datos: Q7421763
Multimedia: Sara Seegar
