Sasha Luss
Sasha Luss (6 de xunu de 1992, Magadán (es) 
) ye una modelu y actriz rusa[2]. Ye mayormente conocida por protagonizar la película ANNA (estilizada como ANИA)[3]
Sasha Luss | |
|---|---|
 | |
| Vida | |
| Nacimientu |
Magadán (es) , 6 de xunu de 1992[1] (32 años) |
| Nacionalidá |
 Rusia |
| Llingua materna | rusu |
| Estudios | |
| Llingües falaes | rusu |
| Oficiu | fotomodelu, modelu, actriz |
| Altor | 178 cm |
| IMDb | nm7712734 |
 | |
Vida y carrera
editarTreslladóse a Moscú a una edá temprana. De pequeña, nun tenía interés nel modelaxe, prefería escribir y baillar. Participó en competiciones de ballet enantes de sufrir un frayatu nel todíu. Los amigos de la so madre ya inclusive estraños solíen falar del potencial que Sasha tenía pa ser modelu. Cuando Sasha tenía trelce años, so madre llevóla a una axencia de modelos, que contratóla nel intre. Luss dixo que la so güela nun tuvo acordies cola so eleición yá que pensaba que'l modelaxe yera un negociu inmoral ya indecente.[4]
Luss apaeció n'anuncios y campañes pa grandes marques como Chanel, Dior, Valentino, Lanvin, Dior Beauty, Balmain, Oscar de la Renta, Max Mara, Tommy Hilfiger, La Perla, Karl Lagerfeld, Moschino, Carolina Herrera y Moncler.
Luss figuró nes revistes más influentes. Apaeció cuatro vegaes na portada de Numéro, dos vegaes na portada de Vogue Rusia, y en Vogue Italia. En mayu de 2015, apaeció na portada de Vogue China. Luss foi inmortalizada por fotógrafos de la talla de Steven Meisel, Peter Lindbergh, Karl Lagerfeld, Inez van Lamsweerde and Vinoodh Matadin, Mert and Marcus, Willy Vanderperre, Patrick Demarchelier, Paolo Roversi, Steven Klein, y apaeció nes páxines de W Magazine, Harper's Bazaar, Vogue Alemaña, Vogue China, Vogue Xapón, Vogue Rusia, AnOther Magazine, Interview, CR Fashion Book, V y más.
A la edá de catorce años, Luss robló con IQ Models en Moscú. Dempués de cumplir dieciséis, desfiló p'Alena Akhmadullina en 2008. Figuró en múltiples ediciones de Vogue Rusia y L'Officiel Rusia in 2008. Robló con DNA Model Management que la llevó a Europa y Nueva York, desfilando para DKNY y Antonio Marras. A pesar de los esitosos contratos, la so carrera nun desapegó y volvió a Rusia a acabar la so educación. Luss robló con Elite Model Management en París y Women Management en Milán y en 2011 robló con Avant Models.
En 2011, Luss llamó l'atención de Karl Lagerfeld nun anunciu de Bohemique. Karl contratóla pa Chanel.[4] La siguiente temporada, desfiló pa Dior como esclusiva.[5] Desfiló en 58 eventos de marques como Prada, Valentino, Calvin Klein, Louis Vuitton y Givenchy.[6] Foi escoyida como una de les meyores novates de models.com.[7] Por cuenta del so impresivu papel na pasarela, protagonizó les campañes de Carolina Herrera, Max Mara, Valentino y Tommy Hilfiger. Luss tiñóse de roxu platín. La so nueva apariencia d'elfa llamó l'atención de forma positiva.[8] Luss desfiló pa otros 53 eventos en 2014, consolidándose como una de les modelos más demandaes y foi proclamada "Modelu del Añu" por Glamour Rusia en 2013.[9]
Foi fotografiada pa Lanvin y pa Chanel por Karl Lagerfeld. Pocu dempués, Luss convirtióse na cara de Dior Beauty.[10] Luss protagonizó una campaña de Versace Jeans. Foi escoyida por Steven Meisel para'l calendariu Pirelli 2015.[11]
En 2016, Luss apaeció na campaña de La Perla (xunto con Valery Kaufman y Liu Wen) fotografiada por Mert and Marcus. Tamién foi incluyida nel repartu de la campaña d'Olivier Rousteing, All Star Cast, pa Balmain que tamién incluyía a Kim Kardashian, Kanye West, Francisco Lachowski, Joan Smalls, Jon Kortajarena, Jourdan Dunn, Alessandra Ambrosio fotografiada por Steven Klein. Luss robló entós con IMG Models.
Filmografía
editar| Añu | Película | Personaxe | Direutor | Notes |
|---|---|---|---|---|
| 2017 | Valerian y la Ciudá de los Mil Planetes | Princesa Lihö-Minaa | Luc Besson | |
| 2019 | Anna (película de 2019) | Anna | Luc Besson |
Referencies
editar- ↑ Tienes d'especificar urlarchivu = y fechaarchivu = al usar {{cita web}}.«Fashion Model Directory» (inglés). Consultáu'l 22 ochobre 2014.
- ↑ «Sasha Luss, Supermodels.nl». Consultáu'l 25 d'avientu de 2014.
- ↑ https://www.fotogramas.es/noticias-cine/a28838686/anna-entrevista-sasha-luss/
- ↑ 4,0 4,1 «Sasha Luss, Allrus.me». Allrus.me. Consultáu'l 25 d'avientu de 2014.
- ↑ «Interview with Sasha Luss, the "Model of the Year", on Glamour.ru» (rusu). Glamour.ru (6 d'avientu de 2013). Archiváu dende l'orixinal, el 3 de setiembre de 2014. Consultáu'l 7 d'ochobre de 2018.
- ↑ «Sasha Luss, Elle.de» (alemán). Elle.
- ↑ «Sasha Luss on models.com». Models.com.
- ↑ «Sasha Luss: From Nada to Prada». Thestylecon.com (17 d'ochobre de 2013).
- ↑ «Russian Glamour – "Woman of the Year" Awards». Buro247.com.
- ↑ «Sasha Luss is Red-Hot for Dior Cosmetics' Fall 2014 Campaign». "Fashion Gone Rogue" (16 de xunetu de 2014).
- ↑ «Supermodel stars of 2015 Pirelli Calendar revealed». The Independent V.
Enllaces esternos
editar
Wikimedia Commons acueye conteníu multimedia sobre Sasha Luss.- Sasha Luss na Internet Movie Database (n'inglés)
- Sasha Luss n'Instagram
- Sasha Luss en Twitter
- Sasha Luss en Fashion Model Directory
Datos: Q17627251- Multimedia: Sasha Luss
