Wikipedia

Secretaría Xeneral Iberoamericana

La Secretaría Xeneral Iberoamericana (SEGIB) coordina les Cumes Iberoamericanes de la Comunidá Iberoamericana de Naciones. El so papel central ye asumir la coordinación y xestión de los Cumes, amás de ser una pieza clave pa la vertebración d'una estructura institucional en Iberoamérica.

Secretaría Xeneral Iberoamericana
Secretaría General Iberoamericana (es)
Secretaria-Geral Ibero-Americana (pt)
organización internacional
Llocalización
Sede Madrid
Direición ensin valor
Historia
Fundación2003
Forma parte de
Web oficial
Cambiar los datos en Wikidata

La SEGIB foi fundada en 2003, nel XIII Cume Iberoamericana de Bolivia, siendo nomáu'l so secretariu xeneral en 2005. La so sede ta en Madrid (España).

Orixe

editar
 
Sede de la SEGIB en Madrid.

L'orixe de la SEGIB parte de l'antigua Secretaría de Cooperación Iberoamericana (SECIB). La Comunidá Iberoamericana de Naciones naz por un fondu nexu cultural d'interrellaciones. Nesti sentíu, l'antigua SECIB nació con un fin eminentemente de cooperación p'ayudar al desenvuelvo sociu-cultural de les naciones menos favorecíes. A día de güei la cooperación sigue siendo la exa vertebral de la política iberoamericana, como lo demuestra la Carta Cultural Iberoamericana, que foi definida como un preséu exa pa la cooperación.

Secretariu Xeneral

editar
 
Rebeca Grynspan, Secretaria Xeneral Iberoamericana

El Secretariu Xeneral de la SEGIB ye nomáu por consensu polos Xefes d'Estáu y Gobiernu, a propuesta de los Ministros de Rellaciones Esteriores por un periodu de 4 años anovable una sola vegada. L'actual Secretaria Xeneral de la SEGIB, dende 2014, ye la costarricense Rebeca Grynspan Mayufis.

Númberu País Secretariu Xeneral ----- 1º   Méxicu Jorge Alberto Lozoya[1] 20 de setiembre de 1999 - 1 d'ochobre de 2005
2º   Uruguái Enrique V. Iglesias 1 d'ochobre de 2005[2] - 1 d'abril de 2014
3º   Costa Rica Rebeca Grynspan Mayufis nel cargu (dende'l 1 d'abril de 2014[3])

Oxetivos de la SEGIB

editar
  • Contribuyir al fortalecimientu y la cohesión de la Comunidá Iberoamericana ya impulsar la so proyeición internacional.
  • Collaborar na preparación de los Cumes de Xefes d'Estáu y de Gobiernu n'estrecha coordinación cola correspondiente Secretaría Pro Témpore.
  • Fortalecer el llabor desenvueltu en materia de cooperación nel marcu de la Conferencia Iberoamericana, de conformidá col conveniu de Bariloche.
  • Promover los venceyos históricos, culturales, sociales y económicos ente los países iberoamericanos, reconociendo y valorando la diversidá ente los sos pueblos.
  • Executar los mandatos que reciba de los Cumes y Xuntes de Ministros de Rellaciones Esteriores iberoamericanos.
  • Coordinar les distintes instancies de la Conferencia Iberoamericana colos demás organismos iberoamericanos.

Referencies

editar
  1. ↑ Como Secretariu de Cooperación Iberoamericanu, que dirixó la SECIB, organismu creáu en 1999 y sustituyíu en 2005 pola SEGIB
  2. ↑ Designáu'l 28 de mayu de 2005
  3. ↑ Designada'l 24 de febreru de 2014

Enllaces esternos

editar



Sacáu de «https://ast.wikipedia.org/w/index.php?title=Secretaría_Xeneral_Iberoamericana&oldid=3967582»