Sentosa
Sentosa (n'inglés Sentosa Island; en chinu 圣淘沙; en malayu Pulau Sentosa; en tamil செந்தோசா) ye una islla al sur de la islla de Singapur. Tien una estensión de 5 km² y ye visitada añalmente por gran cantidá de turistes, como asina sopelexen los datos d'abril de 2012 a marzu de 2013 con 20,5 millones de visitantes [1]. Ente los sos atractivos ta Fort Siloso con una playa de 2 km de llonxitú, dos campos de golf, un casino, dos hoteles de 5 estrelles y el centru d'ociu World Sentosa, qu'inclúi’l parque temáticu Universal Studios Singapore.
 Sentosa | |
|---|---|
 | |
| Alministración | |
| País |  Singapur |
| Rexón | Región Central (es)  |
| Grupu | Southern Islands (en) |
| Tipu d'entidá | islla |
| Nome llocal | Sentosa (en) |
| Xeografía | |
| Coordenaes | 1°14′53″N 103°49′48″E / 1.248°N 103.83°E |
  Sentosa Sentosa (Singapur)  | |
| Superficie | 5 km² |
| Más información | |
| Fundación | 1972 |
| Estaya horaria |
huso horario estándar de Singapur (es) |
| sentosa.com.sg | |
 | |
Etimoloxía
editarEl nome Sentosa traduzse como “la paz y tranquilidá” en malayu y provién del sánscritu Santosha “satisfaición”. Sentosa tamién recibió’l nome en malayu de Pulau Blakang Mati. Lliteralmente, traduzse como “islla de detrás de la muerte”[2][3].
Xeografía
editarSentosa ye la cuarta islla más grande del conxuntu d'islles que formen Singapur. Allúgase a namás 5 km del sur de Singapur. El 70% de la superficie ta cubierta pela selva, onde habiten llagartos, monos, pavos reales, lloros, etc. Destaca nestos caberos años la tierra ganao al mar.
Historia
editarNel sieglu XIX foi considerada islla importante porque protexía’l pasu al puertu de Keppel. Los planes pa fortificar la islla como parte del plan de defensa de Singapur entamáronse en 1827, pero delles fortificaciones namás se ficieron realidá na década de 1880, cuando’l rápidu espollete del puertu llevó al esmolecimientu pola proteición de les esistencies de carbón escontra un posible ataque enemigu. Los fuertes construyíos na islla foron Fort Siloso, Serapong For, Connaught For y la batería del Monte Imbiah.
Demientres la Segunda Guerra Mundial, la islla foi fortaleza británica. Sicasí, los xaponeses invadiéronla y prindáronla dende’l norte (depués de facer lo mesmo cola península malaya). Tres la rendición de les fuercies aliaes el 15 de febreru de 1942, la islla convirtióse nun campu de prisioneros de guerra australianos y británicos. Na ocupación xaponesa, los homes chinos que yeren sospechosos, davezu involuntariamente, d'involucrase n'actividaes antixaponeses foron asesinaos brutalmente. Tres la rendición xaponesa en 1945, Singapur tornó al dominiu inglés, convirtiéndose na base del Primer Reximientu de l'Artillería Real en 1947. Diez años más tarde, la base foi desmantelada tresformándose nun llugar de retiru relixosu.
En 1967, les unidaes britániques gurkhas retírense de la islla.
Na década de 1970, el gobiernu decide desendolcar la islla como un destín turísticu pa los visitantes llocales y estranxeros.
En 1972 la islla pasa a llamase oficialmente Sentosa, como suxerencia de la población.
En 1982 ábrese’l serviciu de monorrail pa ufrir serviciu a varies estaciones alredor de la islla.
El 16 de marzu de 2005 comienza a funcionar l'Express Sentosa.
El 12 de xunu de 2018, Sentosa agospia la cume de Corea del Norte-Estaos Xuníos colos presidentes d'Estaos Xuníos Donald Trump y Kim Jong-un de Corea del Norte[4].
Atractivos
editarLa playa de Sentosa ye artificial, con sable mercao a Malasia. Ta xebrada en tres playes menores llamaes Palawan, Siloso y Tanjong. Amás, como parte del reclamu turísticu de Sentosa, cuenta con gran cantidá d'atraiciones, museos y otres actividaes: The Royal Albatross, Tiger Sky Tower, Butterfly Park and Insecta Kingdom, Sentosa Merlion, Wings of Time, Sentosa 4D Adventureland, etc.
Enllaces esternos
editar- ↑ «Archived copy». Archiváu dende l'orixinal, el 2015-09-24.
- ↑ https://books.google.es/books?id=mRkgkUdWn9wC&pg=PA107&redir_esc=y#v=onepage&q&f=false
- ↑ https://www.theguardian.com/world/2018/jun/06/island-of-death-from-behind-dark-past-of-sentosa-the-trump-kim-summit-venue
- ↑ https://www.elmundo.es/internacional/2018/06/12/5b1f199f22601dc2508b45d0.html
