Sesia apiformis
Sesia apiformis ye un inseutu lepidópteru de la familia Sesiidae. (Clerck, 1759). [1] Los imagos asonsañen nel so aspeutu a una aviespa.[2] Esti lepidópteru furador aliméntase n'estáu de gata fundamentalmente de chopos (Populus sp.) y, en menor midida, de sauces (Salix sp.) y omeru Alnus glutinosa.[2] Ta considerada una plaga pa estos árboles, a los que causa importantes daños na base y nos raigaños qu'afecten a la formación de la planta.[1] [3][4] [5]
Sesia apiformis  | ||
|---|---|---|
 | ||
| Estáu de caltenimientu | ||
| Non evaluáu | ||
| Clasificación científica | ||
| Reinu: | Animalia | |
| Filu: | Arthropoda | |
| Clas: | Insecta | |
| Orde: | Lepidoptera | |
| Suborde: | Ditrysia | |
| Superfamilia: | Sesioidea | |
| Familia: | Sesiidae | |
| Subfamilia: | Sesiinae | |
| Tribu: | Sesiini | |
| Xéneru: | Sesia | |
| Especie: |
S. apiformis (Clerck, 1759) | |
| Consultes | ||
| [editar datos en Wikidata] | ||
Bioloxía editar
Pa completar el so ciclu biolóxicu precisen siquier dos años. En remaneciendo de les galeríes del árbol en que se desenvolvieron y dempués d'espurrir les ales, les femes posense nel tueru o nes sos cercaníes y emiten feromones que los machos detecten coles sos antenes y alleguen p'apariase; una vegada fecundada, la fema realiza la puesta d'unos 2000 güevos qu'almacenaba nel so abdome, cerca de la base del tueru o raigaños gruesos del árbol.
Al nacer les canesbes tienen la cabeza de color castañu en forma de corazón y l'abdome blancu, nel so últimu segmentu cunten con un gabitu quitinoso narquiáu palantre; conforme van evolucionando son más anches y de mayor llargor, pudiendo algamar hasta 55 mm, y empiecen a alimentase de la madera. Aproximao a metá del so desenvolvimientu constrúi un brotu de color pardu escuru colos serrinos de la madera nel que se va tresformar en pupa daqué más d'un mes dempués el nuevu imago ruempe'l brotu y sale al esterior.
Anque la caparina asemeyase nel so aspeutu a una aviespa, puede estremase d'éstes pol so abdome n'allongamientu col tórax, ensin el característicu estrechamientu de les aviespes.
Los machos son de menor tamañu y tienen un menor valumbu que les femes (40 mm, frente a los 45 mm de les femes). Les sos antenes son de color negru, bipectinades y cunten con una guedeya de pelos de color mariellu na base; el cuartu segmentu del abdome difier de los demás y tien un color mariellu con tonos pardu escuru nel casu del machu y negru cobrizu nel casu de les femes.[1]
Daños nos árboles editar
Los daños que producen les gates d'estos lepidópteros furadores afecten principalmente a la formación de los árboles nos que s'agospien y a la so posterior crecedera. Les galeríes qu'escaven ruempen los texíos conductores y afecten a la circulación de la cazumbre, lo que trai de resultes una debilitación del árbol. Los daños nos raigaños y la base del tueru pueden tener de resultes que los pies afeutaos puedan llegar a partise pola aición del viento. [1]
Ver tamién editar
- Paranthrene tabaniformis - Redforesta - Red Social de los Profesionales del Medio Natural - Parantherene tabaniformis
Referencies editar
- ↑ 1,0 1,1 1,2 1,3 Enrique Martín Vernal. «Sesia apiformis L., oruga perforadora de chopos». Plagas y enfermedades de las masas forestales españolas. Colegio Oficial de Ingenieros Téunicos Forestales. Archiváu dende l'orixinal, el 20 de payares de 2015. Consultáu'l 11 de xunetu de 2010.
- ↑ 2,0 2,1 Sonia Villalva Quintana (2005). Plagas y enfermedades de jardines, 2ª, Mundi-Prensa Libros. ISBN 8484761789.
- ↑ (castellán) http://www.agrologica.es/informacion-plaga/sesia-sesia-apiformis/ Información de plagues
- ↑ (n'inglés) http://www.lepiforum.de/lepiwiki.pl?Sesia_Apiformis Sesia Apiformis - Lepiforum
- ↑ (castellán) http://animalandia.educa.madrid.org/ficha.php?id=2596 Sesia apiformes Animalandia-edica-Madrid
Enllaces esternos editar
Wikimedia Commons acueye conteníu multimedia sobre Sesia apiformis 
.
| Wikispecies tien un artículu sobre Sesia apiformis. |
Datos: Q902404- Multimedia: Sesia apiformis
Especies: Sesia apiformis
