Shaheed Minar

El Shaheed Minar (en bengalí: শহীদ মিনার) ye un monumentu nacional asitiáu en Dhaka, en Bangladex, fechu pa conmemorar a los mártires del movimientu pola conservación de la llingua materna nel 1952. (Shaheed significa mártir).

Shaheed Minar
estructura arquiteutónica y monumento conmemorativo (es)
Llocalización
País	Bangladex
Divisiones (es)	Dhaka
Megaciudá	Dhaka
Coordenaes	nan°S nan°W
Shaheed Minar Shaheed Minar (Bangladex)
Arquiteutura
Arquiteutu/a	Hamidur Rahman
Estilu	arquiteutura moderna
Altor	14 m
Patrimoniu

Pa entender la situación que llevó al nacimientu d'esti monumentu tenemos de recordar que Bangladex, fasta'l 1971, era la parte oriental del Paquistán, polo que llamabase Paquistán oriental. La llingua oficial yera l'urdú, que se falaba nel Paquistán occidental (l'actual Paquistán) y la llingua bengalí, anque la falaben más de cien millones de persones, nun esfrutaba de los mesmos derechos.

Esto llevó nel añu 1952 al nacimientu d'un movimientu de protesta: el Movimientu pola llingua (en bengalí: ভাষা আন্দোলন; Bhasha Andolon). el 21 de febreru de 1952 docenes d'estudiantes y activistes políticos morrieron cuando la policía paquistanina abrió fueu sobro los manifestantes que pidíen pa la so llingua nativa, el bengalí (en bengalí: বাংলা; ˈbaŋla), los mesmos derechos que la llingua urdú. La masacre tuvo llugar cerca de la Facultá de Medicina ya'l parque de Ramna, en Dhaka. Esa mesma nueche construyóse un monumentu por estudiantes universitarios de Dhaka y otres instituciones, pero les fuercies paquistanines desaniciáronlu de secute.

El primer Shaheed Minar, llevantáu el 22 de febreru de 1952. La policía y l'exércitu del Paquistán desaniciáronlu cuatro díes dempués.

Al final trunfa'l movimientu pola llingua y, dempués d'años de conflictu, nel añu 1956 el gobiernu central cede y concede l'estáu de llingua oficial al bengalí, que consigue d'esti mou los mesmos derechos que l'urdú. N'alcordanza de los mártires Hamidur Rahman, un escultor llocal, proyeutó y construyó'l Shaheed Minar. El monumentu remaneció nel llugar hasta la guerra del añu 1971 cuando los militares paquistaninos lu desaniciaron demientres les aiciones escontra los civiles que causaron 3.000.000 de víctimes.^{[ensin referencies]}

Tres la independencia de Bangladex el monumentu reconstruyóse. Güei el Shaheed Minar ye'l centru de les actividaes culturales de Dhaka.

El 21 de febreru faise alcordanza de les víctimes del estermín y recientemente la Unesco escoyó la mesma data como Día Internacional de la Llingua Materna.

Enllaces esternos

• Datos: Q2425991
• Multimedia: Shaheed Minar