Sibpalki
Sibpalki (십팔기: “Dieciocho Téuniques”) ye un términu utilizáu a respeutive les artes marciales coreanes prauticaes pola Dinastía Joseon (1392 - 1910).
| Tamién | Sib Pal Gi, Sippalki, Shippalgi |
|---|---|
| Enfoque | Golpes, y mui bien d'armes tradicionales |
| País d'orixe | Corea |
| Fecha de fundación | Sieglu XVI |
| Deporte olímpicu | Non |
 | |
Aniciu
editarEn pasando les invasiones xaponeses, el Rei Sungjo (1567-1608) ordenó a Han Kyo, ún de los sos xenerales, que consultara a los soldaos de la Dinastía Ming que teníen esperiencia na guerra contra los xaponeses. Han Kyo axuntó seis métodos de llucha, que foron recoyíos nel Muye Jebo, publicáu nel añu 1599. El so orixe ta nun manual chinu denomáu Jixiao Xinshu (en coreanu Ki Hyo Shin Su; en xaponés Ki Ko Shin Sho: "Nuevu Llibru de Métodos Efeutivos") escritu pol xeneral chinu Qi Jiguang.[1]
Nel añu 1749, nel reináu del Rei Youngjo (1724-1776), el Príncipe Sado amestó otros doce estilos a los anteriores seis (ente los que tán 4 escueles de Kenjutsu xaponés), sumando dieciocho métodos en xunto. Estos foron recoyíos nel Muye Shinbo, publicáu nel añu 1759. Ye asina como surde'l términu Sibpalki.[2]
Nel añu 1790 amestáronse seis métodos más que foron recoyíos nel Muyedobotongji.[3]
L'orixe del Kwon Bup (권법; chinu Quan Fa 拳法; xaponés Kenpo, lliteralmente "métodu de boxéu") alcuéntrase nel anteriormente mentáu Jixiao Xinshu. L'estilu podría ser Taizu Chang Quan.[4][5] L'autor albidra qu'esti tipu d'entrenamientu tien pocu valir pa les batalles a gran escala, pero que ye granible pa entrenar la flexibilidá del cuerpu, los reflexos, velocidá de les manes, capacidá de saltu, etc.. El Xeneral Qi menta sistemes clásicos de boxéu chinu como'l Boxéu del Monu, Garra d'Águila y Palu de Shaolin.
Llista de los 18 métodos del Muye Shinbo
editar- Jang chang (장창): Llanza llarga
- Juk jang chang (죽장창): Llanza llarga de bambú
- Ki chang (기창): Llanza con banderín
- Dang pa (당파): Llanza de tres puntes
- Nang sun (낭선): Llanza de munches puntes
- Ssang soo do (쌍수도): Espada llarga
- Ye do (예도): Espada curtia
- Wae gum (왜검): Sable xaponés, cuatro estilos Toyu Ryu, Woonkwang Ryu (xaponés: Unkôryû),[6] Chunryu Ryu, y Ryupee Ryu.
- Kyo Jun (交戰): Práutica de llucha con sable en pareya
- Je dok gum (제독검): Sable del Almirante
- Bon kuk gum (본국검): Sable del Reinu de Shilla
- Ssang gum (쌍검): Espaes ximielgues
- Wol do (월도): Espada en media lluna
- Hyup do (협도): Llanza-espada de fueya estrecha
- Dung pae (등패): Escudu
- Kwon bup (권법): Métodu de boxéu
- Kon bang (곤봉): Palu llargu
- Pyun kon (편곤): Palu articuláu
El Sibpalki anguaño
editarHai actualmente un grupu de persones, dirixíes pol Maestru Kim, Young Ho, nel llabor de revivir les artes marciales documentaes nel Muyedobotongji, faciendo por exemplu demostraciones en Suwon, na Fortaleza Hwaseong. Esti proyeutu ta sofitáu pol Ministeriu de Cultura y Turismu y la Federación de Centros Culturales de Corea.[7][8][9]
El Gran Maestru Im, Dong Kyu ye'l fundador de Gyung Dang, una organización que revive los métodos del Muyedobotongji pero ensin les habilidaes ecuestres. Im diz que consiguió una copia del Muyedobotongji cuando foi encarceláu como prisioneru políticu nos años 1970. El so equipu de demostraciones actúa per tol mundu dende l'añu 1994.[10][11][12][13]
Esta ye la llista de 24 téuniques que prautica esti grupu:
- Ssang Soo Do: Espada llarga
- Ye Do: Espada curtia
- Wae Gum: Sable xaponés
- Toyuryu: Sable xaponés
- Woonkwangryu: Sable xaponés
- Chunyuryu: Sable xaponés
- Ryupiryu: Sable xaponés
- Je Dok Gum: Sable del Almirante
- Bon Kuk Gum: Sable del Reinu de Shilla
- Ssang Gum: Espaes ximielgues
- Ki Chang: Llanza con banderín
- Dang Pa: Llanza de tres puntes
- Wol Do: Espada en media lluna
- Hyup Do: Llanza-espada de fueya estrecha
- Dung Pae: Escudu
- Kwon Bup: Métodu de boxéu
- Kon Bang: Palu llargu
- Kon Bang Kyojun: Combate con palu
- Wae Gum Kyojun: Combate con espada
- Sorim Kon Bang: Palu llargu de Shaolin
Korean Sib Pal Ki Association
editarL'Asociación Coreana de Sib Pal Ki ta presidida por Kwang Suk Kim. Nacíu en 1936, cuando la ocupación xaponesa, Kim diz que lu criaren nunca comunidá taoísta nos montes de Corea, au recibió entrenamientu en Sibpalki, medicina oriental y Qigong. Actualmente tien espublizaos cuatro llibros sobre artes marciales.[14][15]
Los miembros de l'Asociación faen davezu exhibiciones nel Palaciu Gyeongbokgung, tanto de téuniques coles armes enantes mentaes como de téuniques a mano vacía. L'Asociación Coreana de Sib Pal Ki cuenta con munchos ximnasios y grupos d'entrenamientu en diferentes llugares de Corea.
El representante principal de l'asociación n'España ye Sung Seol, cinturón negru 7u Dan y alumnu de Kwang Suk Kim. El maestru Seol tamién ye Maestru Entrenador Nacional de Wu Shu, reconocíu pola Real Federación Española de Yudu y Deportes Asociaos.
Sipalki-Do Ion Bi Ryu
editarDende primeros de los años 1970 ta n'Arxentina'l Gran Maestru Yoo Soo Nam, heriede del estilu Ion By Ryu (“Escuela de los Secretos de l'Andolina”). Según él, hasta l'añu 1552 esistíen 56 téuniques de llucha en Corea, que foron acurtiaes a dieciocho por orde del Emperador.[16][17] Esta versión nun ta acordies colo recoyío nel Muyedobotongji, darréu que'l términu Sibpalki foi utilizáu per primer vez pol Príncipe Sado nel Muye Shinbo (1759).[18] El maestru Yoo foi graduáu como 9u Dan nel añu 1966 pola Lliga Internacional de Sipalki, integrada por miembros de les families y alumnos de so padre.[16]
L'estilu tien 15 métodos con armes y 3 ensin elles. Estos últimos son defensa personal (Ho Sin Sul), combate (Kwon Bop) y meditación (Shim Bop). Les bases d'esti estilu estrémense dafechu de les documentaes nos antiguos manuales militares coreanos. En realidá tien mui bien de semeyances con estilos modernos derivaos del Hapkido, como'l [[Hwarangdo] y el Kuk Sool Won, y nenguna colos estilos de llucha chinos nos que se basa'l Sibpalki.
Videos
editarEstilos Coreanos
editarIon Bi Ryu
editar- Sipalki Eventos Archiváu 2016-04-22 en Wayback Machine
- Blog de Sipalki Eventos Archiváu 2018-05-26 en Wayback Machine
- Federación Sudamericana de Sipalki Archiváu 2019-05-23 en Wayback Machine
- Asociación Sipal-ki Altai Archiváu 2016-03-12 en Wayback Machine
Referencies
editar- ↑ "Byunggi Chongsu: The Documentation of Military Strategies", páx. 27 - Muye Dobo Tongji : The Comprehensive Illustrated Manual of Martial Arts of Ancient Korea (Hardcover) by Yi Duk-Moo (Author), Park Je-Ga (Author), Sang H. Kim (Translator) - ISBN 1-880336-53-7
- ↑ "The King's Foreword", páx. 13 - Muye Dobo Tongji : The Comprehensive Illustrated Manual of Martial Arts of Ancient Korea (Hardcover) by Yi Duk-Moo (Author), Park Je-Ga (Author), Sang H. Kim (Translator) - ISBN 1-880336-53-7
- ↑ "Byunggi Chongsu: The Documentation of Military Strategies", páx. 27-28 - Muye Dobo Tongji : The Comprehensive Illustrated Manual of Martial Arts of Ancient Korea (Hardcover) by Yi Duk-Moo (Author), Park Je-Ga (Author), Sang H. Kim (Translator) - ISBN 1-880336-53-7
- ↑ Hapkido Forum - The Boxing Canon - http://www.hapkidoforum.com/viewtopic.php?t=390&highlight=taizu
- ↑ Hapkido Forum - Ciphering the KWON BOP chapter - http://www.hapkidoforum.com/viewtopic.php?t=321&highlight=taizu
- ↑ William Bodiford, Professor, Dept. of Asian Languages & Cultures, UCLA - http://www.e-budo.com/forum/showthread.php?t=2967
- ↑ Martial Spirit Returns to Hwaseong Fortress - http://english.chosun.com/w21data/html/news/200512/200512260003.html
- ↑ MUYE24KI - http://www.muye24ki.or.kr/english/body_01.php Archiváu 2014-11-20 en Wayback Machine
- ↑ Reviving the Martial Arts Tradition of the Past - http://www.dynamic-korea.com/culture/view.php?main=LEC%E2%8A%82=HAN&uid=200500028484
- ↑ Korean Sword and Weapon Arts DVD - http://www.turtlepress.com/Korean_Weapon_Arts_DVD_p/dvd-myt.htm Archiváu 2008-05-02 en Wayback Machine
- ↑ www.kyoungdang.com
- ↑ purpose of establishment | origin of the 24 miliratary arts | composition of the 24 military arts
- ↑ Academia Coreana de Artes Marciales
- ↑ «Korean Kungfu is de traditionele martial arts van Korea, ook bekend als Sippalki, Sippalki, Sipalki of Sippalgi, beschreven in de Muyedobotongji de meest volledige handleiding voor vechtkunst en strategie uit de Koreaanse geschiedenis. Korean Kungfu ...». Archiváu dende l'orixinal, el 2008-03-28.
- ↑ Sippalgi: Art of the Korean warrior redux - https://web.archive.org/web/20040304083426/http://kn.koreaherald.co.kr/SITE/data/html_dir/2002/11/16/200211160026.asp
- ↑ 16,0 16,1 Revista Kumgang Númberu 1, año 1987
- ↑ «Sipalki». Archiváu dende l'orixinal, el 2010-06-18.
- ↑ "The King's Foreword", páx. 13 - Muye Dobo Tongji: The Comprehensive Illustrated Manual of Martial Arts of Ancient Korea (Hardcover) by Yi Duk-Moo (Author), Park Je-Ga (Author), Sang H. Kim (Translator) - ISBN 1880336537
Enllaces esternos
editar- http://muye24ki.com/
- http://www.sipalkidbk.com
- http://cafe.chosun.com/club.menu.pds.read.screen?p_club_id=muye&p_menu_id=7&message_id=322821 Archiváu 2008-03-29 en Wayback Machine
- http://www.kyungil.ac.kr/~kispk/main1.html Archiváu 2007-09-28 en Wayback Machine
- http://www-2.knu.ac.kr/~sibpalgi/ Archiváu 2009-02-03 en Wayback Machine
- http://master.bsgs.ac.kr/korea/0132010000.jsp?menu=submenu15 Archiváu 2008-05-31 en Wayback Machine
- http://cafe.daum.net/bluekb
- http://www1.suwon.ac.kr/~bluekb/videolist-e.html
- http://mysibpalki.com/ Archiváu 2008-03-29 en Wayback Machine
- http://www.muye24ki.or.kr/english/body_01.php Archiváu 2014-11-20 en Wayback Machine
- http://rose0.kyungpook.ac.kr/~z9703468/kindex.html Archiváu 2005-12-16 en Wayback Machine
Datos: Q843512
