Sofía Castañón
Sofía Fernández Castañón (1 de payares de 1983, Xixón), conocida como Sofía Castañón, ye una poeta, escritora, realizadora audiovisual y política asturiana. Trabayó en prensa escrita, televisión y radio y recibíu dellos premios de poesía. Dende xineru de 2016 ye diputada de Podemos per Asturies na XI y XII Llexislatures del Congresu, anguaño voceru de la Comisión d'Igualdá y vocal de la Subcomisión de Pactu d'Estáu en materia de Violencia de Xéneru. El 18 de febreru de 2017 foi escoyida secretaria de Feminismos Interseccional y LGTBI de la Executiva de Podemos. Dende febreru de 2017 ye miembru del Conseyu Estatal de Podemos.
Sofía Castañón | |||||||||
|---|---|---|---|---|---|---|---|---|---|
 | |||||||||
3 avientu 2019 - Distritu: Asturies Eleiciones: eleiciones al Congresu de los Diputaos de payares de 2019
17 mayu 2019 - Distritu: Asturies Eleiciones: eleiciones al Congresu de los Diputaos d'abril de 2019
13 xunetu 2016 - 21 mayu 2019 Distritu: Asturies Eleiciones: eleiciones xenerales d'España de 2016
4 xineru 2016 - 3 mayu 2016 Distritu: Asturies Eleiciones: eleiciones xenerales d'España de 2015 | |||||||||
| Vida | |||||||||
| Nacimientu | Xixón, 1 de payares de 1983[1] (41 años) | ||||||||
| Nacionalidá |
 España | ||||||||
| Estudios | |||||||||
| Estudios | Universidá d'Uviéu | ||||||||
| Llingües falaes |
castellanu asturianu | ||||||||
| Oficiu | escritora, periodista, política, direutora de cine | ||||||||
| Llugares de trabayu | Madrid | ||||||||
| Movimientu | feminismu | ||||||||
| Creencies | |||||||||
| Partíu políticu |
Xuníes Podemos [1] Podemos | ||||||||
| IMDb | nm4701124 | ||||||||
| sofiacastanon.es | |||||||||
 | |||||||||
.svg){kind=small}
Trayeutoria profesional
editarUnu de los sos güelos yera capataz de mines y la so familia vien de la Cuenca del Caudal.[2] Fía de la escritora asturiana Laura Castañón creció arrodiada de llibros.[3] Cursó estudios de filoloxía hispánica na Universidá d'Uviéu[4] y compaxina la so actividá poética pola que recibió dellos premios col so trabayu periodísticu y con talleres d'escritura creativa.[5] Tien publicaos dellos llibros de poesía en castellanu y asturianu, polos que recibió premios como l'Asturies Xoven en 2006, Pablo García Baena de Poesía Nueva en 2007 o Nené Losada Rico en 2009.
En 2009-2010 foi becaria de creación del Conceyu de Madrid na Residencia d'Estudiantes y foi una de les poetes «Voz + Joven 2010» de «La Casa Encendida».
En 2010-2011 dirixó l'espaciu radiofónicu El sillón Voltaire en Radio del Círculu de Belles Artes de Madrid.
De 2012 a 2015 coordinó clubes de llectura municipales en Xixón ya impartió talleres de creación lliteraria y narrativa audiovisual amás de participar nel colectivu humorísticu Fundición Príncipe d'Astucies (agora Fundición Princesa d'Astucies).
Participa na productora audiovisual «Señor Paraguas» na que robló videoclips, documentales y videoarte, centrándose na cultura dende'l compromisu social y políticu.
Con esta productora en 2014 robló'l so primer llargumetraxe como direutora, el documental Se dice poeta, una mirada de xéneru al panorama poéticu contemporaneu. Nél, Sofía Castañón entrevista a 21 muyeres nacíes ente 1974 y 1989 pa falar de la so rellación cola poesía, la crítica y l'espardimientu de la so obra. Tomando como puntu de partida la entruga sobre por qué puede preferise'l términu poeta si la definición de la pallabra poeta abarca tanto a homes como a muyeres, esti documental propón una reflexón de xéneru sobre'l panorama poéticu actual n'España.[6] En medios de comunicación trabayó en TLG, Localia, TeleAsturias.
Pa la Canal de televisión públicu del Principáu d'Asturies (TPA) dirixó la coleición "Dicires", un diccionariu visual d'asturianu en 120 clips. Tamién robló artículos ente otros medios n'El Comercio, La Corriente Alterna, La Nueva España, Hesperya, Diagonal y el Huffington Post.[7]
Trayeutoria política
editarDe xineru de 2015 hasta febreru de 2017 foi Miembru del Conseyu Ciudadanu de Podemos Xixón. En xunetu de 2015 allegó nes primaries estatales de Podemos na llista promovida pola direición nacional de Pablo Iglesias y que s'impunxo a la llista alternativa plantegada dende les agrupaciones d'Asturies y Andalucía. Resultó la candidata más votada con 36.685 sofitos.[8]
Mientres la Sesión Constitutiva del Congresu de la XI Llexislatura utilizó l'asturianu pa prometer el so cargu cola siguiente fórmula:
"Prometo acatar esta Constitución y trabayar pa cambiala. Pola alcordanza de les nueses güeles, pol futuru de los nuesos fíos. Nunca más un país ensin la so xente y los sos pueblos".[9](Madrid, 13 de xineru de 2016)
Volvió ser candidata nes eleiciones xenerales de xunetu de 2016 y revalidó el so escañu nel Congresu de Diputaos onde na actualidá ye vocera de la Comisión d'Igualdá y vocal de la Subcomisión de Pactu d'Estáu en materia de Violencia de Xéneru.[10]
Na xunta de Vistalegre II foi candidata na llista de Pablo Iglesias y foi escoyida miembru del Conseyu Ciudadanu Estatal de Podemos quedando nel puestu 14 con 3.574.113 puntos (28,79%).[11]
El 18 de febreru de 2017 foi escoyida Secretaria de Feminismos Interseccional y LGTBI, un yá que hasta agora nun esistía na Executiva de Podemos y que nel Conseyu Ciudadanu desempeñaba Clara Serra.[12]
Nes eleiciones xenerales del añu 2019 encabezó nuevamente la llista d'Unidas Podemos al Congresu, por Asturies, y resultó elixida pal cargu.
Publicaciones
editarPoesía
editarCastellanu
editar- Animales interiores (Premio Asturias Joven 2006, Trabe 2007),
- Últimas cartas a Kansas (Premio Pablo García Baena 2007, La Bella Varsovia 2008),
- La noche así (Ya lo dijo Casimiro Parker, 2012),
- La otra hija (Suburbia Ediciones, 2013)
- Prohibido silbar (Baile del Sol, 2014)
Asturianu
editar- Tiempu de render (Premiu Nené Losada 2009, Trabe 2010)
- Destruimientu del xardín (Hesperya, 2012)
Antoloxíes
editar- Hank Over/Resaca (Caballo de Troya, 2008)
- 23 Pandoras (Baile del Sol, 2009)
- Poetas asturianos para el s.xxi (Trea, 2009)
- Por partida doble (Trabe, 2009)
- El libro del voyeur (Ediciones del Viento, 2010)
- Esto no rima (Origami, 2012)
- Gente de Nod (KRK, 2016)
Plaquettes
editar- La sombra de Peter Pan (2009)
- Culpa de Pavlov (Premio Jóvenes Creadores del Ayto. de Madrid 2008, Coleición Resurrección 2012).
Documentales
editar- Se dice poeta (2014). Direutora
Premios
editar- 2006 Asturias Joven de Poesía
- 2006 Premio Astragal 2006
- 2007 Pablo García Baena de Poesía Joven
- 2009 Nené Losada Rico
- 2010 Voz + Joven de La Casa Encendida.
- 2012 Premio Astragal. Paraíso Postal.
- 2014 VIII Cortometrajes por la igualdad
Referencies
editar- ↑ 1,0 1,1 URL de la referencia: http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=323&idLegislatura=13. Data de consulta: 18 agostu 2019.
- ↑ «La tierra para quien la cuida» (castellanu). Consultáu'l 12 de febreru de 2017.
- ↑ RTPA. «Las escritoras asturianas Sofía y Laura Castañón» (castellanu). Consultáu'l 12 de febreru de 2017.
- ↑ RTPA. «Sofía Castañón encabezará la candidatura de Podemos por Asturias al Congreso» (castellanu). Consultáu'l 12 de febreru de 2017.
- ↑ «Creatividad Literaria » Sofía Castañon: La libertad que tienes en el primer libro no la vuelves a tener nunca más.» (castellanu). Consultáu'l 12 de febreru de 2017.
- ↑ «"Se dice poeta": una reflexión de género sobre el panorama poético actual». eldiario.es.
- ↑ «Llibru». Archiváu dende l'orixinal, el 2016-07-01. Consultáu'l 12 de febreru de 2017.
- ↑ «Podemos presenta a Sofía Fernández Castañón como cabeza de lista al Congreso por Asturias».
- ↑ https://www.lne.es/asturias/2016/01/13/sofia-castanon-promete-cargo-pola/1867770.html España, La Nueva.
- ↑ «Ficha del Congreso de Diputados». Consultáu'l 12 de febreru de 2017.
- ↑ «Resultados de la votación al Consejo Ciudadano Estatal – Vistalegre 2» (castellanu). Consultáu'l 12 de febreru de 2017.
- ↑ «Así es la nueva ejecutiva de Podemos: ocho mujeres, tres 'errejonistas' y un anticapitalista - 20minutos.es». 20minutos.es - Últimas Noticias.
Enllaces esternos
editar- Alderique sobre violencia de xéneru y subcomisión apauto d'estáu. RNE 11 de febreru de 2017 (audiu)
- Sofía Castañón (Podemos): "La igualdá nun ye daqué que pueda faese un pocu más. Ye o nun ye" Diariu Críticu 2016
- Vides públiques, vides privaes. RTPA 2015 (videu)
Datos: Q21293215
Multimedia: Sofía Castañón
