Spencer Tracy
Spencer Bonaventure Tracy (n. 5 d'abril de 1900 - m. 10 de xunu de 1967) foi un actor estauxunidense ganador de los premios Óscar y Globu d'Oru.[1]
Spencer Tracy | |
|---|---|
 Spencer Tracy en 1948 | |
| Vida | |
| Nacimientu | Milwaukee, 5 d'abril de 1900 |
| Nacionalidá | Estauxunidense |
| Fallecimientu | (67 años) |
| Sepultura |
Forest Lawn Memorial Park  |
| Causa de la muerte | infartu de miocardiu |
| Familia | |
| Casáu/ada con | Louise Tracy (1923 - 1967) |
| Pareyes | Katharine Hepburn |
| Estudios | |
| Estudios | American Academy of Dramatic Arts 1923) |
| Llingües | inglés |
| Oficiu | |
| Oficiu | actor, actor de teatru y actor de cine |
| Premios |
ver
|
| Nominaciones |
ver
|
| Xéneru artísticu |
wéstern |
| Serviciu militar | |
| Cuerpu militar | Armada de los Estaos Xuníos |
| Creencies | |
| Relixón | católicu |
| Partíu políticu | Partíu Demócrata de los Estaos Xuníos |
| IMDb | nm0000075 |
 | |
| |
BiografíaEditar
Nació'l 5 d'abril de 1900 en Milwaukee, Wisconsin, segundu fíu d'un vendedor de camiones y una ama de casa d'oríxenes irlandeses. Na Marquette Academy conoz al actor Pat O'Brien y xuntos abandonen los estudios p'apuntase en La Marina,[1] Tracy tien 17 años. Suaña con entrar en combate, pero cuando la Primer Guerra Mundial acaba, Tracy sigue nuna base de la marina estauxunidense en Virginia. Decide retomar los sos estudios y nel Ripon College participa per primer vegada nuna representación teatral; la esperiencia estéla-y. Decide ser actor y en compañía d'O'Brien viaxa a Nueva York pa estudiar arte dramático. Los dos debuten na obra R.O.R, en 1923, interpretando a un robot mudu; n'este mesmu añu contrai matrimoniu con Luise Treadwell.[1]
Carrera como actorEditar
El tiempu pasa y Tracy ábrese camín en Broadway, ye afayáu por John Ford mientres interpreta The last mile, el so mayor ésitu nel teatru. Debuta con él en Up the river en 1930, y nos sos trés primeros años en Hollywood protagoniza 16 películes. En 1935 firma cola Metro-Goldwyn-Mayer un contratu n'esclusiva, y ellí va faer la mayor parte de la so carrera.
Gana dos Premios de l'Academia consecutivos al meyor actor en 1937 y 1938 por Capitanes desacobardaos y Forxa d'homes, pero ye escoyíu en 7 ocasiones más pal premiu.
Tracy realizó a lo llargo de la so carrera impresionantes interpretaciones como les de El poder y la gloria, Roxura, Dr. Jekyll and Mr. Hyde, Adam's Rib, La muyer del añu, The Last Hurrah.
Vida personalEditar
Tracy tuvo siempres una complexa personalidá, duru, secu, apasionáu, alcohólicu, espurechu en pallabres, prefirió la infidelidá al divorciu por cuenta de la so educación católica. Casáu dende 1923 hasta la so muerte en 1967 con Louise Treadwell, de la que tuvo dos fíos. Tuvo dos romances públicos, unu fugaz cola actriz Loretta Young nos años 30 y una llarga y complicada rellación cola actriz Katharine Hepburn, a partir de 1941. Cuando dambos conocieron él yá yera alcohólicu y diabético pero la so rellación personal y profesional duró hasta la muerte de Tracy.
FallecimientuEditar
Finó'l 10 de xunu de 1967, a la edá de 67 años, dos selmanes dempués d'acabar el rodaxe de "Aldovina quién vien esta nueche".[1] Siendo alcohólicu, diabético y con enfisema pulmonar, la causa final de la so muerte foi un ataque al corazón. Por respetu a la so esposa y familia, Katharine Hepburn nun allegó al funeral.
FilmografíaEditar
Premiu ÓscarEditar
| Añu | Categoría | Película | Resultáu |
|---|---|---|---|
| 1967 | Óscar al meyor actor | Aldovina quién vien esta nueche | Candidatu |
| 1961 | Óscar al meyor actor | Vencedores o vencíos | Candidatu |
| 1960 | Óscar al meyor actor | L'heriedu del vientu | Candidatu |
| 1958 | Óscar al meyor actor | El vieyu y el mar | Candidatu |
| 1955 | Óscar al meyor actor | Combalechadura del silenciu | Candidatu |
| 1950 | Óscar al meyor actor | El padre de la novia | Candidatu |
| 1938 | Óscar al meyor actor | Forxa d'homes | Ganador |
| 1937 | Óscar al meyor actor | Capitanes desacobardaos | Ganador |
| 1936 | Óscar al meyor actor | San Francisco | Candidatu |
ReferenciesEditar
- ↑ 1,0 1,1 1,2 1,3 «Spencer Tracy» (inglés). Internet Movie Database. Consultáu'l 7 de marzu de 2015.
Enllaces esternosEditar
Wikiquote tien frases célebres suyes o que faen referencia a Spencer Tracy.
Wikimedia Commons tien conteníu multimedia tocante a Spencer Tracy.- Ficha de Spencer Tracy na Internet Movie Database (n'inglés)
- Spencer Tracy en IBDb - Internet Broadway Database (n'inglés)
Datos: Q71275- Multimedia: Spencer Tracy
Cites famoses: Spencer Tracy
