Steve Ditko
Steve Ditko (2 de payares de 1927, Johnstown (es) 
– circa 29 de xunu de 2018, Nueva York) foi un historietista d'Estaos Xuníos, conocíu sobremanera por ser el co-creador de Spider-Man y Doctor Strange xunto con Stan Lee.
Steve Ditko | |
|---|---|
 | |
| Vida | |
| Nacimientu |
Johnstown (es) [1], 2 de payares de 1927[2] |
| Nacionalidá |
 Estaos Xuníos |
| Muerte | Nueva York[1], 29 de xunu de 2018[3] (90 años) |
| Causa de la muerte | infartu de miocardiu[4] |
| Estudios | |
| Estudios |
Escuela de Artes Visuales (es) |
| Llingües falaes | inglés[5] |
| Oficiu | historietista, guionista, dibuxante, ilustrador |
| Premios |
ver
|
| Serviciu militar | |
| Cuerpu militar | Exércitu de los Estaos Xuníos |
| IMDb | nm0228492 |
 | |
Biografía
editarDitko estudió na escuela de Caricaturistes y Ilustradores de Nueva York baxo Jerry Robinson y empezó profesionalmente en 1953. Los sos primeros trabayos fueron en Charlton Comics, produciendo hestories de ciencia ficción, horror y misteriu. Ditko entós entamó a trabayar no qu'acabaría siendo la empresa Marvel Comics.
Collaboró cola creación de personaxes como Spiderman y Doctor Estrañu pa la Marvel. El so idiosincrásicu estilu de dibuxu acentuando la manera y l'ansiedá atopó'l favor de los llectores. El personaxe de Spiderman cola so ansiedá, congoxa y la so intensa vida social enllazó bien l'estilu personal de Ditko y los intereses que Marvel terminó estimando, tomando ésti reputación como co-guionista na última etapa de la so carrera. Dempués d'una carrera de cuatro años con esti títulu, Ditko dexa la compañía.
Volvió a Charlton, onde creó dellos títulos como Capitán Átomu, Blue Beetle, Mr. A y The Question. Nes páxines de Mr. A y de The Question Ditko empezó a infundir la so propia filosofía, que tuvo'l so raigañu nel obxetivismu d'Ayn Rand.
En 1968, Ditko taba trabayando pa DC Comics onde creó personaxes como The Creeper, El Ferre y la palomba. Ditko usó estos personaxes, del xéneru de los superhéroes, pa esponer y esplorar dellos asuntos éticos. Sicasí por cuenta de que dellos llectores atopaben los sermones en dellos estes hestories intragables, o quiciabes porque nun taben acordies cola filosofía del artista, el trabayu de Ditko nun tuvo la mesma popularidá qu'enantes. Los sos trabayos perdieron regularidá en DC nos años 70, creando una hestoria de curtia duración Shade, the Changing Man, que foi alicada dellos años dempués ensin la intervención de Ditko.
El nome del personaxe "Mr. A" tien el so orixe nel principiu filosóficu aristotélicu d'identidá ("A ye igual a A"). Esti principiu ye tamién básicu nel obxetivismu (el sistema filosóficu creáu por Ayn Rand), una y bones el obxetivismu ye un desenvolvimientu de les premises filosófiques creaes por Aristóteles. "Mr. A" ye un personaxe vistíu totalmente de blancu y de una total integridá moral (la mesma que demanda l'obxetivismu).
Ditko vivió en Nueva York onde morrería. Anque yera un artista prolíficu, foi bien celosu de la so intimidá. Prefirió que'l so trabayu falara por él, polo que solía refugar entrevistes, monográficos y apaiciones públiques.
Personaxes creaos
editar- Creeper (creador)
- Ferre y Palomba (creador)
- Shade, The Changing Man (creador)
- Spider-Man (co-creador)
- Doctor Strange (co-creador)
- Static (creador)
- Mocker (creador)
- Missing Man (creador)
- The Question (creador)
- Blue Beetle (creador)
- Mr. A. (creador)
- Capitán Átomu (co-creador)
- Killjoy (creador)
- Speedball (co-creador)
Adautaciones de les sos obres
editar- Dr. Strange (1978)
- Spider-Man (2002)
- Spider-Man 2 (2004)
- Spider-Man 3 (2007)
- The Amazing Spider-Man (2012)
- The Amazing Spider-Man 2: Rise of Electro (2014)
- Doctor Strange: Bruxu Supremu (2016)
- Spider-Man: Homecoming (2017)
Revista
editar- Florentino Floréz. Cuando A ye A. El Wendigo. Númberu 117/118 (2011). El Wendigo. D.L. M-3362-1977. ISSN 1575-9482.
Referencies
editar- ↑ 1,0 1,1 URL de la referencia: https://www.nytimes.com/2018/07/07/obituaries/steve-ditko-dead-spider-man.html.
- ↑ Afirmao en: Internet Movie Database. Identificador IMDb: nm0228492. Data de consulta: 13 agostu 2015. Llingua de la obra o nome: inglés.
- ↑ «Marvel está de lutoMurió Steve Ditko, uno de los creadores de Spider-Man» (castellanu).
- ↑ Glenn Hauman (9 xunetu 2018). «Steve Ditko: 1927-2018». ComicMix. Consultáu'l 26 avientu 2018.
- ↑ Afirmao en: autoridaes BNF. Identificador BnF: 12012942j. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ URL de la referencia: http://www.tcj.com/steve-ditko-1927-2018/. Data de consulta: 24 setiembre 2021.
- ↑ URL de la referencia: https://www.harveyawards.com/en-us/winners/previous-winners.html. Data de consulta: 24 setiembre 2021.
- ↑ URL de la referencia: https://www.comic-con.org/awards/1990s-recipients. Data de consulta: 20 setiembre 2021.
- ↑ URL de la referencia: https://inkwellawards.com/sinnott-hof/. Data de consulta: 1r ochobre 2021.
Enllaces esternos
editar- Exhaustive Steve Ditko website
- Steve Ditko.com (enllaz rotu disponible n'Internet Archive; ver l'historial y la última versión).
- Steve Ditko discussion group
- "The Amazing Steve Ditko" por Douglas Wolk, Salon.com, 3 de Xunu, 2005
- The Unofficial Handbook of Marvel Comics Creators
- http://cineultramundo.blogspot.com.es/search/label/El%20Wendigo Archiváu 2017-11-05 en Wayback Machine
- http://www.elwendigo.net/
Datos: Q355652
Multimedia: Steve Ditko
