Struve 2398
Struve 2398 ye una estrella binaria que s'atopa a 11,52 años lluz del Sistema Solar. De magnitú aparente +8,94, nun ye visible a simple vista. Ta asitiada en partir nordeste de la constelación de Draco, al nordeste de Grumium (ξ Draconis) y al suroeste d'Altais (δ Draconis). El so nome fai honor al astrónomu Friedrich Georg Wilhelm von Struve, qu'en 1832 midió per primer vegada la separación ente los sos dos componentes.[3]
 Struve 2398 | |
|---|---|
fuente astrofísica de rayos X (es)  [1] y estrella binaria | |
| Datos d'observación | |
| Ascensión reuta (α) | 280,7025 °[2] |
| Declinación (δ) | 59,622361 °[2] |
| Constelación |
Draco (es) |
| Otros nomes | |
|
Ver llista
| |
 | |
Coordenaes: 
18h 42m 48.6s, 59° 37′ 20.5″
Les componentes del sistema son dos nanes coloraes abondo similares. Struve 2398 A (Gliese 725A / HD 173739 / LHS 58)[4] tien tipu espectral M3.0V y una lluminosidá equivalente al 0,27% de la lluminosidá solar. La so masa ye'l 34% de la que tien el Sol[5] y el so radiu equival al 39% del radiu solar.[6] Xira sobre sigo mesma con una velocidá de rotación proyeutada igual o inferior a 5 km/s.[5]
Struve 2398 B (Gliese 725B / HD 173740 / LHS 59)[7] ye una estrella de tipu M3.5V que la so temperatura efectivo ye de 3395 K.[8] La so masa apenes supón el 27% de la masa solar.[5] Relluma cola metá de lluminosidá que la so compañera, siendo'l so diámetru una tercer parte del que tien el Sol.[9] La so velocidá de rotación proyeutada ye igual o inferior a 7 km/s. Ye una estrella acandilante —esperimenta aumentos sópitos ya impredicibles de rellumu en tol espectru electromagnéticu— y abarrúntase que Struve 2398 A tamién puede selo. El sistema presenta una metalicidá significativamente inferior a la solar ([Fe/H] = -0,34).[10]
Los parámetros orbitales del sistema nun son bien conocíos. Los estudios más recién señalen una separación media ente los dos componentes de 55,9 UA, con un periodu orbital de 453 años. La gran escentricidá de la órbita (ε = 0,53) fai que la distancia ente les dos estrelles varie ente 26 y 85 UA. El postreru periastru —mínima separación ente componentes— tuvo llugar en 1783.[11] Observaciones llevaes a cabu col Telescopiu Espacial Hubble refuguen la esistencia nesti sistema d'oxetos del tamañu de Xúpiter o d'una nana marrón.[3]
Les estrelles más cercanes a Struve 2398 son Gliese 687 a 4,2 años lluz, V1581 Cygni a 5,8 años lluz, y 61 Cygni a 6,1 años lluz.[3]
Ver tamién
editarReferencies
editar- ↑ Afirmao en: SIMBAD.
- ↑ 2,0 2,1 Thomas Boller (2000). «ROSAT All-Sky Survey Faint Source Catalogue» (n'inglés). Circular de la UAI: páxs. 1.
- ↑ 3,0 3,1 3,2 Struve 2398 (Solstation)
- ↑ HD 173739 -- Star in double system (SIMBAD)
- ↑ 5,0 5,1 5,2 Jenkins, J. S.; Ramsey, L. W.; Jones, H. R. A.; Pavlenko, Y.; Gallardo, J.; Barnes, J. R.; Pinfield, D. J. (2009). «Rotational Velocities for M Dwarfs». The Astrophysical Journal 704 (2). páxs. 975-988. http://cdsads.u-strasbg.fr/cgi-bin/nph-bib_query?2009ApJ...704..975J&db_key=AST&nosetcookie=1.
- ↑ Gliese 725A, Catalogue of Stellar Diameters (CADARS) (Pasinetti-Fracassini+ 2001)
- ↑ LHS 59 -- High proper-motion Star (SIMBAD)
- ↑ Soubiran, C.; Bienaymé, O.; Mishenina, T. V.; Kovtyukh, V. V. (2008). «Vertical distribution of Galactic disk stars. IV. AMR and AVR from clump giants». Astronomy and Astrophysics 480 (1). páxs. 91-101 (Tabla consultada en CDS). http://cdsads.u-strasbg.fr/cgi-bin/nph-bib_query?2008A%26A...480...91S&db_key=AST&nosetcookie=1.
- ↑ Gliese 725B, Catalogue of Stellar Diameters (CADARS) (Pasinetti-Fracassini+ 2001)
- ↑ Bonfils, X.; Delfosse, X.; Udry, S.; Santos, N. C.; Forveille, T.; Ségransan, D. (2005). «Metallicity of M dwarfs. I. A photometric calibration and the impact on the mass-luminosity relation at the bottom of the main sequence». Astronomy and Astrophysics 442 (2). páxs. 635-642. http://cdsads.u-strasbg.fr/cgi-bin/nph-bib_query?2005A%26A...442..635B&db_key=AST&nosetcookie=1.
- ↑ Gliese 725 (The Internet Stellar Database)
Coordenaes: 18h 42m 48.6s, 59° 37′ 20.5″
Datos: Q87772268
