Sue Hendrickson

Sue Hendrickson
Vida
Nacimientu	Chicago, 2 d'avientu de 1949 (74 años)
Nacionalidá	Estaos Xuníos
Residencia	Guanaja (es)
Estudios
Estudios	Munster High School (en)
Oficiu	paleontóloga
Premios	ver honorary doctor of the University of Illinois system ; Women of Discovery - Sea Award (2005) ;
IMDb	nm2521895

Susan «Sue» Hendrickson (2 d'avientu de 1949, Chicago) ye una paleontóloga y arqueóloga estauxunidense, conocida pol descubrimientu del fósil más grande y completu enxamás atopáu de Tyrannosaurus rex.^[1]

Biografía

Sue, fósil de Tyrannosaurus rex descubiertu por Sue Hendrickson, espuestu nel Muséu Field d'Historia Natural.

Nació en Chicago, Illinois, el 2 d'avientu de 1949, pero creció en Munster, Indiana.^[1] Debío a l'aburrición que-y producíen los estudios, abandonólos a la edá de 17 años.^[2] Empezó a dedicase profesionalmente al bucéu nel añu 1971, realizando ente otres coses trabayos d'arqueoloxía subacuática.^[3] Formó parte del equipu que rescató cerámica china del galeón español San Diego, fundíu frente a les mariñes de Filipines.^[1]

Ente los sos afayos paleontolóxicos atópense fósiles de cetáceos nel Ermu costeru de Perú y restos d'inseutos calteníos n'ámbare de 24 Ma d'edá na República Dominicana.^[1] Nel branu de 1990 afayó una cadarma fósil de T. rex en Dakota del Sur que foi escaváu en 17 díes por un equipu de seis persones.^[4]^[5] Esti fósil ye'l más grande y completu exemplar d'esa especie que s'atopó. Atópase espuestu nel Muséu Field d'Historia Natural y recibe el nome de Sue n'homenaxe a la so descubridora.^[4]

↑ ^1,0 ^1,1 ^1,2 ^1,3 Enchanted Learning. «Sue Hendrickson» (inglés). Consultáu'l 11 d'agostu de 2012.
↑ Oprah.com (3 d'abril de 2001). «Are You Listening to Your Life?» (inglés). Consultáu'l 11 d'agostu de 2012.
↑ IEASM. «Sue Hendrickson» (inglés). Consultáu'l 11 d'agostu de 2012.
↑ ^4,0 ^4,1 Caven, Scott (6 de setiembre de 2011). «Interview with Sue Hendrickson» (n'inglés). Knowledge Magacín. ISSN 1369-1368. http://www.knowledgemagazine.com/blogue-custom/interview-sue-hendrickson. Consultáu'l 11 d'agostu de 2012.
↑ The Field Museum. «Excavators» (inglés). Consultáu'l 11 d'agostu de 2012.