SuperLópez ye una serie creada en 1973 pol dibuxante español Juan López Fernández, meyor conocíu pol so nomatu de Jan, y que nació p'asonsañar a Superman. Nos primeros álbumes, la serie movíase alredor del mundu de los superhéroes, pero depués Jan fíxose cargu tamién del guión y al traviés del personaxe aprovechó pa tratar toa una serie de temes d'actualidá y, mesmamente, pa facer crítica social.

SuperLópez
Creador/a/es Jan (es) Traducir
Información
Sexu masculín
[editar datos en Wikidata]

SuperLópez traducióse al alemán (Super-Meier), danés (Superdan), noruegu (Superegon) y suecu (Super Nilsson). Sicasí, la presión de DC Comics, empresa dueña de los derechos de Superman, presionó nel mercáu internacional pa que nun trunfara lo que consideraben un plaxu del de Kriptón. Amás, Jan nunca tuvo muncho interés na publicación fuera del Estáu, al nun poder controlar les traducciones –mesmamente, nAlemaña llegaron a indicar como autor del personaxe a Francisco Ibáñez, padre de Mortadelo y Filemón-.

Con too, Super López sí que foi traducíu al catalán -col nome de Super Llopis- gracies a les subvenciones de la Generalitat de Catalunya. Otra manera, nel 2005 el Comú de Canillo, n'Andorra, encargó y repartió ente los sos habitantes una edición de 1000 exemplares de Les Muntanyes Voladores. Una traducción al catalán del álbum Los montes voladores, anque col nome orixinal del personaxe, Superlópez. En gallegu, realizóse una edición nel 2010 de La caja de Pandora, traducida como A caixa da Pandora.


Referencies editar

Enllaces esternos editar