Susan Kohner
Susan Kohner (11 de payares de 1936, Los Angeles) ye una actriz de cine y televisión d'Estaos Xuníos, más conocida pol so papel de Sarah Jane en Imitación a la vida (1959), pola que foi nomada a un premiu Óscar y ganó un Globu d'Oru. Interpretó a una muyer de piel escuro que pasaba como blanca faciendo'l papel d'un adultu nuevu.
Susan Kohner | |
|---|---|
 | |
| Vida | |
| Nacimientu | Los Angeles, 11 de payares de 1936[1] (87 años) |
| Nacionalidá |
 Estaos Xuníos |
| Llingua materna | inglés |
| Familia | |
| Padre | Paul Kohner |
| Madre | Lupita Tovar |
| Casada con | John Weitz (1964 – 2002) |
| Fíos/es | |
| Estudios | |
| Llingües falaes | inglés[2] |
| Oficiu | actriz, actriz de televisión, actriz de cine |
| Premios | |
| Nominaciones |
ver
|
| IMDb | nm0463435 |
 | |
Dempués Kohner casóse en 1964, y retiróse de l'actuación pa dedicar tiempu a la so familia. Los sos dos fíos, Chris Weitz y Paul Weitz, dambos convirtiéronse en direutores de cine, guionistes y actores.
Vida temprana y carrera
editarNacida como Susanna Kohner en Los Angeles, Kohner ye fía de Lupita Tovar, actriz d'orixe mexicanu que tuvo una carrera en Hollywood, y Paul Kohner, un productor de cine que nació en Bohemia, Austria-Hungría. La so madre ye católica, y el so padre yera xudíu checu.
La mayoría de los papeles en películes de Kohner vinieron mientres la década de 1950 y principios de 1960, incluyendo dos co-protagónicos con Sal Mineo en Dino (1957) y The Gene Krupa Story (1959).
El so papel más notable foi na película Imitación a la vida, interpretando a Sarah Janen, una muyer afro-americana que faise pasar por blanca. La película de 1959 foi una adautación de la versión de 1934 del llibru homónimu. La suntuosa y brillosa producción de Ross Hunter, dirixida por Douglas Sirk y protagonizada por Lana Turner, foi un ésitu de taquilla. Amás, Kohner foi nomada a la Meyor actriz de repartu nos Premiu Óscar pol so papel na película, y ganó un Globu d'Oru como meyor actriz de repartu y unu como Meyor Actriz Revelación.
Dempués del so papel en Imitación a la vida, Kohner apaeció en All the Fine Young Cannibals xunto a Natalie Wood y Robert Wagner. Más tarde tuvo papeles como convidada en delles series de televisión, incluyendo Hong Kong, Going my way, y Temple of Houston. Fixo la so última apaición nel cine nel añu 1962, co-protagonizando xunto a Montgomery Clift Freud, pasión secreta . Retiróse de l'actuación en 1964.
Referencies
editar- ↑ Afirmao en: Internet Movie Database. Identificador IMDb: nm0463435. Data de consulta: 21 xunetu 2015. Llingua de la obra o nome: inglés.
- ↑ Afirmao en: idRef. Identificador de referencia de idRef SUDOC: 146676769. Data de consulta: 2 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
Enllaces esternos
editar
Wikimedia Commons tien conteníu multimedia tocante a Susan Kohner.
Datos: Q468476- Multimedia: Susan Kohner
