Susana Roza
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Susana Roza Vigil (28 de setiembre de 1965, Uviéu) ye una periodista española.
Susana Roza | |
|---|---|
| Vida | |
| Nacimientu | Uviéu, 28 de setiembre de 1965 (59 años) |
| Nacionalidá |
 España |
| Llingua materna | castellanu |
| Estudios | |
| Estudios |
Facultá de Ciencies de la Información de la Universidá Complutense de Madrid (1983 - 1988) licenciatura en Ciencias de la Información (es)  |
| Llingües falaes |
castellanu inglés portugués |
| Oficiu |
periodista, presentadora de televisión, presentadora de noticies, profesora universitaria, coaching (es) , oradora, presentadora, conferenciante |
| Emplegadores |
RTVE (1989, 2001 – 1994, 2012) Telemundo Communications Group (en) (1994 – 1997)Warner Bros. Discovery (es) (1997 – 2001)Mediapro (2012 – 2016) |
| Premios | |
| IMDb | nm3858292 |
| susanaroza.com | |
 | |
Biografía
editarLlicenciada en Ciencies de la Información pola Universidá Complutense de Madrid.
En 1989, trabayó nel Centru Territorial de TVE n'Asturies, onde, mientres cinco años permaneció como redactora y presentadora del informativu rexonal diariu.
En 1994, trabayó en Miami para CBS Telenoticias, una canal d'información 24 hores fechu n'español dende Estaos Xuníos pa toa América Llatina. Ellí realizó cobertories especiales sobre la Cume de les Amériques, la guerra de Bosnia o les Olimpiaes d'Atlanta.
En 1997, foi llamada pa formar parte del nuevu equipu de CNN, en Atlanta, col que la compañía de noticies per cable llanzó un nuevu proyeutu pa Estaos Xuníos y Llatinoamérica: CNN en castellanu. Col so trabayu diariu pa la compañía, Susana Roza ganóse la reconocencia de l'audiencia llatinoamericana, por ser la única española ente'l grupu de presentadores de la cadena. Nesi periodu profesional realizó cobertories y programes especiales sobre'l viaxe del Papa a Méxicu, el casu Monica Lewinsky o'l trespasu de poderes na Canal de Panamá. Nesti periodu, tuvo la oportunidá d'entrevistar, ente otros, al secretariu xeneral de la ONX, Kofi Annan, o los expresidentes d'Estaos Xuníos, Jimmy Carter y Gerald Ford.
Nel añu 2001, empieza la carrera profesional en TVE como presentadora na Canal 24 hores, onde permaneció hasta'l 2004.
Dende setiembre de 2004 y hasta xunu de 2012, presentó'l Telediario mañaneru de TVE, primero xunto a Igor Gómez y más tarde con Ana Roldán como co-titular, Desirée Ndjambo nos deportes y Ana Belén Roy na previsión meteorolóxica. Nos periodos vacacionales sustituyó a Ana Blanco nel Telediariu 1 (15:00 h).
En setiembre de 2012 dexa l'ente públicu dempués de 11 años. Decide colase a Brasil col so home al que-y ufiertaron un puestu de trabayu nel qu'ella tamién va tar somorguiada, van llanzar MediaPro Brasil.
Referencies
editarEnllaces esternos
editar- Susana Roza na Internet Movie Database (n'inglés)
- Susana Roza n'Instagram
- Susana Roza en Twitter
Datos: Q6136376
