Susana Soca Blanco

poeta uruguaya

Susana Soca Blanco (19 de xunetu de 1906Montevidéu – 11 de xineru de 1959Rio de Janeiro) foi una poeta y escritora uruguaya residente en Francia.

Susana Soca Blanco
Vida
Nacimientu Montevidéu19 de xunetu de 1906[1]
Nacionalidá Bandera de Uruguái Uruguái
Muerte Rio de Janeiro11 de xineru de 1959[1] (52 años)
Causa de la muerte accidente aereu
Estudios
Llingües falaes castellanu[1]
Oficiu escritora, editorapoeta
Xéneru artísticu poesía
Cambiar los datos en Wikidata

Biografía editar

Nacida en Montevidéu, yera fía d'una familia de clase alta. El so padre yera'l doctor Francisco Soca, y la so madre, l'aristócrata Luisa Blanco Acevedo, hermana del políticu y ex ministru Eduardo Blanco Acevedo. Vivió la mayor parte de la so vida en París, primero cola so familia y depués sola.

Ente 1938 y 1948, vivió nun gran hotel parisín. Cercana a Paul Éluard, Valentine Hugo y Roger Caillois, creó los Cahiers de la Licorne. En Montevidéu, siguió la revisión col nome d'Entregas de la Licorne. Coles mesmes, entamó la primera gran retrospectiva en Montevidéu de Nicolas de Staël: el catálogu foi presentáu por Pierre Lecuire.

Tamién viaxó a Rusia y al Reinu Xuníu para recuperar los manuscritos de Boris Pasternak.

Muerte y homenaxes editar

Cuando volvía de viaxe a Uruguái, el so avión amburóse nel aeropuertu de Rio de Janeiro. El so primu Juan Carlos Blanco Estradé tuvo que reconocer el so cuerpu.[2]

Los sos poemes fueron publicaos de forma póstuma colos títulos de Noche cerrada y En un país de la memoria. Nel so llibru Exercices d'admiration, Emil Cioran, que la conoció en París, la recuerda nel testu Elle n’était pas d'ici.

Nel so llibru El hacedor, Jorge Luis Borges dedicó-y un poema que lleva'l so nome. En 1964, Juan Carlos Onetti dedicó-y la novela Juntacadáveres.

En xunu de 2006, por cuenta de los cien años de la so nacencia, la Maison de l'Amerique Latine en París entamó la esposición "Susana Soca y la so constelación, vistes por Gisèle Freund".[3]

Bibliografía editar

Referencies editar

  1. 1,0 1,1 1,2 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  2. Álvarez Márquez, Juan. . Montevidéu, Uruguái: Linardi y Risso.
  3. Álvarez Márquez, Juan. . Montevidéu: Linardi y Risso.

Enllaces esternos editar