Svalbard ya Islla Jan Mayen
Svalbard ya Islla Jan Mayen ye una denomación utilizada pola ISO 3166-1[1] con fines estadísticos, na que s'agrupen dos territorios de Noruega con xurisdicciones xebraes: Svalbard ya Islla Jan Mayen.
| Svalbard ya Islla Jan Mayen | |
|---|---|
| Alministración | |
| País |  Noruega |
| Tipu d'entidá | rexón estadística |
| Capital | ensin valor y Longyearbyen |
| Llingües oficiales | noruegu |
| Xeografía | |
| Coordenaes | 78°38′07″N 21°59′38″E / 78.6351661°N 21.9939078°E |
.svg) | |
| Superficie | 61399 km² |
| Puntu más altu | Newtontoppen |
| Demografía | |
| Población | 2905 hab. (1r xineru 2022) |
| Densidá | 0,05 hab/km² |
| Más información | |
| Estaya horaria | UTC+01:00 |
| Dominiu d'Internet | .sj |
 | |
L'archipiélagu árticu de Svalbard alcuéntrase dafechu baxo soberanía noruega abellugáu nel estatus especial acordies al Tratáu de Svalbard,[2] el que tamién establez ciertes normes y obligaciones. Svalbard, por exemplu, nun ye parte del Alcuerdu de Schengen qu'aplica nel restu del país (incluyendo Islla Jan Mayen) y nesti territoriu los inmigrantes nun necesiten visáu pa trabayar o vivir.[3] El territoriu de Svalbard ta alministráu por un gobernador representante del Ministeriu de Xusticia y Policía.
La Islla Jan Mayen ye un territoriu integráu a Noruega y nella nun s'apliquen nenguna de les consideraciones afitaes pa Svalbard. Ente 1930 y 1994, Jan Mayen tuvo alministrada pol gobernador de Svalbard, pero dende 1995 depende del gobernador del condáu de Nordland.[4] Dende esa fecha, Jan Mayen nun tien conexón alministrativa nenguna col archipiélagu de Svalbard, allugáu a más de 1.000 quilómetros de distancia.
Magar qu'esistan diferencies ente l'alministración de dambos estaos, la ISO consideralos un sólu organismu na so llista de códigos de países y territorios dependientes. Esto ye por mor de que cuando la ISO propunxo crear un códigu especial pa Svalbard, foi'l Ministeriu de Rellaciones Esteriores noruegu'l qu'habría propuesto incluyir a Islla Jan Mayen.[5]
Esisten otres clasificaciones qu'agrupen a dambos territorios, como por exemplu la División d'estadístiques de les Naciones Xuníes que tien una seición especial pa "Svalbard y Islla Jan Mayen" pa nun incluyir dichos datos na seición xeneral de "Noruega".[6][7][8]
Amás, acordies cola lista ISO 3166-1 alpha-2, Svalbard y Islla Jan Mayen comparten el códigu SJ, acutáu com'l so dominiu d'internet ccTLD, .sj. Sicasí, los residentes en dambos territorios usen el códigu de Noruega, .no, mientres .sj caltiénse ensin usu.[9]
Referencies
editar- ↑ «ISO 3166-1 alpha-2 code elements». Archiváu dende l'orixinal, el 2008-08-08.
- ↑ Tratáu al respeutive del archipiélagu de Spitsbergen (n'inglés)
- ↑ Al Jazeera, «Immigrants warmly welcomed» (n'inglés)
- ↑ Norway information (n'inglés)
- ↑ "Country classifications in migration statistics" - Statistics Norway working paper, 1998.
- ↑ UN List of Territories (n'inglés)
- ↑ United Nations Dag Hammarskjöld Library (n'inglés)
- ↑ Statoids: Svalbard and Jan Mayen (n'inglés)
- ↑ Statement on .sj (n'inglés)
Enllaces esternos
editar
Wikimedia Commons acueye conteníu multimedia sobre Svalbard ya Islla Jan Mayen.
Datos: Q842829- Multimedia: Svalbard and Jan Mayen
