Tag der Freiheit: Unsere Wehrmacht
Tag der Freiheit: Unsere Wehrmacht (lliteralmente n'asturianu Día de la llibertá: les nueses fuercies armaes) ye'l tercer documental empobináu en 1935 por Leni Riefenstahl que se centra nel exércitu alemán. Rellata'l Séptimu Congresu del Partíu Nazi, que tuvo llugar en Núremberg.[3]
Tag der Freiheit: Unsere Wehrmacht  | |
|---|---|
| Datos | |
| Títulu orixinal | Tag der Freiheit! – Unsere Wehrmacht (de) |
| Xéneru | documental[1] y cine propagandísticu |
| País d'orixe | Alemaña |
| Estrenu | 1935 |
| Idioma orixinal | alemán |
| Duración | 28 min |
| Color | en blancu y negru |
| Ficha téunica | |
| Direición | Leni Riefenstahl[2] |
| Producción | Leni Riefenstahl |
| Guión | Leni Riefenstahl |
| Música | Peter Kreuder |
| Fotografía |
Hans Ertl, Walter Frentz, Gustav Lantschner, Kurt Neubert y Willy Zielke (es)  |
| Edición | Leni Riefenstahl |
| Repartu | Adolf Hitler, Hermann Göring, Rudolf Hess y Heinrich Himmler |
| Ver llista completa | |
| Compañíes | |
| Distribuidora |
Universum Film AG (es) |
| Enllaces esternos | |
| Ficha n'IMDb | |
| Ficha en FilmAffinity | |
 | |
Tag der Freiheit foi dada por perdida a la fin de la Segunda Guerra Mundial, pero nos años 1970 foi afayada una edición incompleta del documental. Les imáxenes calteníes amuesen que Riefenstahl principalmente retomó l'enfoque qu'utilizó en El trunfu de la voluntá (1934), anque ciertes secuencies más espresionistes abarrunten claramente l'estilu más coraxosu qu'adoptaría en Olympia (1938).[4]
Sinopsis
editarPreséntase una alvertencia de lo que ta por venir per mediu de la representación d'un simulacro de batalla escenificado poles tropes alemanes mientres les ceremonies en Núremberg pol Día de les Fuercies Armaes d'Alemaña en 1935. La cámara sigue a los soldaos dende los sos preparativos a entamos de la mañana nes sos tiendes de campaña y cuando colen cantando a l'amplia plaza onde tien llugar una guerra en miniatura onde participa la infantería, caballería, aeronaves, defenses antiaéreas. Coles mesmes, tien llugar la primer apaición pública del nuevu tanque alemán que ye presentáu ante Adolf Hitler y miles d'espectadores.
La película termina con un montaxe de banderes nazis al son del Deutschlandlied y con una toma d'aviones alemanes volando nuna formación esvástica.
Antecedentes
editarComo dellos xenerales de la Wehrmacht protestaron pola mínima presencia del exércitu en El trunfu de la voluntá, Hitler propunxo'l so propiu compromisu "artísticu" por que dichu documental abriera con una cámara lenta que siguiera a una fila de tolos xenerales "resalvaos", de forma que s'aselaren los sos egos. Según el so propiu testimoniu, Leni Riefenstahl refugó esta suxerencia y aportunó en caltener el control artísticu sobre El trunfu de la voluntá; sicasí, tuvo d'alcuerdu en tornar al Congresu de 1935 y filmar una película puramente sobre la Wehrmacht, que convirtióse en Tag der Freiheit.[5]
Referencies
editar- ↑ URL de la referencia: http://www.nytimes.com/reviews/movies. Data de consulta: 10 xunetu 2016.
- ↑ Afirmao en: filmportal.de.
- ↑ Reseña de la película, New York Times
- ↑ «Leni Riefenstahl • UCLA Retrospective». The German-Hollywood Connection. Archiváu dende l'orixinal, el 6 de xineru de 2009.
- ↑ «Tag der Freiheit». Archiváu dende l'orixinal, el 14 de marzu de 2012.
Enllaces esternos
editar- Ficha de Tag der Freiheit: Unsere Wehrmacht na Internet Movie Database (n'inglés)
- Tag der Freiheit: Unsere Wehrmacht n'AllMovie (n'inglés).
- Traducción al inglés del discursu de Hitler na película.
- Tag der Freiheit: Unsere Wehrmacht pue descargase de baldre n'Internet Archive [más]
Datos: Q497617
